بلييييز اتمنى تسااعدووني (كلية العلوم والاداب)

[ذلتهم عيوني]

السلام عليكم ورحمة الله وبركاته

شلوونكم ان شاءالله بخييير من زماان عنكم :D
المهم...
حاابه اسئلكم عن كلية التربيه بالخفجي اللي صارت اللحين علووم وادااب
تتوقعوون رااح يفتحوون اقساام جديده مثل حااسب وريااض اطفال و..و..... بس منقعين بناات الخفجي على دراسات ورياضيات وعربي وانجليزي ماحب ولا واحد منهم شسووي خخخ الحاله صعبه ولا حاسب احبه بس ينبلع شووي احسن من هذولاك عالاقل اقدر اتوظف بأي مكاان مادام انها صاارت علووم واادااب يعني التدريس مو اساسي فيها احسن شي بس اللي يتخرجون منها وش وظايفهم :rolleyes: اتمنى يفتحوون حااسب مع انه مو طمووحي هالشي
الله كرريم yd.885
أنا باقي شووي واتخرج من الثانويه ان شاءالله
واتمنى اللي عنده معلومه يفيدنا جزاكم الله خيير
في امنيه بس ادرري ماراح تحقق الا لما اصيرر عجووز :biggrin: يفتحوون كليه تجاريه هعهع
وشكرااا :D
احبكم:101:

[أبو رائد]

أهلا وسهلا بك .. وحياك الله

المشكلة كل سنة لهم نظام يختلف عن السنة التي قبلها

وبإذن الله من لديه أي معلومات يفيدك ..

إن شاء الله

[ذلتهم عيوني]

مشكور ابو رااائد ماتقصر *:

[naif alsahli]

ههههههههههههههههههههه

عجوز وبعد يمكن ما تتحقق ...

والله مأساااه التخصصات قليله ... والخريجات في البيوت ...

الأمور كلها يبيلها أعادة هيكله ...

الكلام في هذا الموضوع ما يخلص ... لكن الله يعينكم ..

[أبوماجد]

الله يعين بناتنا على الكليه اللي مافيها الا التخصصات

اللي تنقع البنت على ماتتعين الله يعينكم

[ذلتهم عيوني]

اخ الله يعين مضطرره لاني ...
لو الاهل يسمحوون اني ادرس اللي ابيه براا ماكان شفتوني اكتب هالموضووع لوو يلغوون هالكليه احسن مالها مستقبل قررت اقعد بالبيت لييش اتعب عمرري خمس سنين وهالله هالله واخر شي اراكض ادوور وظيفه اذا اللحين بالحسرره نصهم راحو للكويت والكويت خلالاص اكتفوو طفحنااا تربيه بسكم تخللف يااهاالي (موكلهم) فئه معقده وياكثرهم وعندي بالبيت بعد خلونا ندررس اللي نبي حتا لو براا عندنا طمووح نفس الشباب اللي عندهم طمووووح
يله من هنا للسنه الجااايه يتغير شي
مااقوول
كلية فااااااشله حيييييييييييل خخخخخخ :(
من حرقه القلب اللي فيني اكتب هالكلام :(

[وجــــــد]

الأقسام الموجوده

علمي / أحياء ، رياضيات

أدبي / عربي ، دراسات إسلاميه

و الله يوفقك بدراستك أختي ..

[×|| حلمـ الطفوله ||×]

عفواً أختي الكلية اللي فاشله حيل على قولتك راضين فيها أكثر من 50 % من سكان الخفجي

الآن التخصص الجديد اللي فتح هو أحياء

وموضوع فتح التخصصات هذا ما يتم في يوم وليله

علشان يفتحون تخصص لازم يكون فيه أعضاء هيئة تدريس ولازم يكون فيه قاعات علشان يدرسون الطالبات فيها ولازم يكون فيه تجهيزات كامله لها .

والكلية أكثر من كذا ما أعتقد تقدر تستوعب طالبات

وبالنسبه للحاسب الآلي مافيه إلا معمل واحد فقط بالكلية كلها

يعني علشان يفتحون التخصص هذا لازم يبنون معامل ويجهزونها باجهزة حاسب الي

صبركم ياجماعه على هالكلية وبإذن الله بتتطور على شوي شوي

المسأله مسألة وقت وأنا جداُ متفائله بالعميده الجديده وأعتقد الكل لاحظ التغييرات اللي حصلت من مسكت الكلية

وتذكروا إن مافيه شي يتم بين يوم وليله ولا أعتقد ان عندها الصلاحيات اللي تجيب فيها عمال وتقولهم ابنوا ولا اهدموا

هي بيدها تطلب اللي تقدر عليه وهل يتم الموافقه عليه من الجهات العليا ولا لا

تحيه عطره

[منتهى الذوق]

عفواً أختي الكلية اللي فاشله حيل على قولتك راضين فيها أكثر من 50 % من سكان الخفجي

الآن التخصص الجديد اللي فتح هو أحياء

وموضوع فتح التخصصات هذا ما يتم في يوم وليله

علشان يفتحون تخصص لازم يكون فيه أعضاء هيئة تدريس ولازم يكون فيه قاعات علشان يدرسون الطالبات فيها ولازم يكون فيه تجهيزات كامله لها .

والكلية أكثر من كذا ما أعتقد تقدر تستوعب طالبات

وبالنسبه للحاسب الآلي مافيه إلا معمل واحد فقط بالكلية كلها

يعني علشان يفتحون التخصص هذا لازم يبنون معامل ويجهزونها باجهزة حاسب الي

صبركم ياجماعه على هالكلية وبإذن الله بتتطور على شوي شوي

المسأله مسألة وقت وأنا جداُ متفائله بالعميده الجديده وأعتقد الكل لاحظ التغييرات اللي حصلت من مسكت الكلية

وتذكروا إن مافيه شي يتم بين يوم وليله ولا أعتقد ان عندها الصلاحيات اللي تجيب فيها عمال وتقولهم ابنوا ولا اهدموا

هي بيدها تطلب اللي تقدر عليه وهل يتم الموافقه عليه من الجهات العليا ولا لا

تحيه عطره

بارك الله فيك
كلامك عين العقل :wink:

[ابورامي]

أن شاء الله ......... يفتحون كليه تجاريه
وتتحقق الامنيه!!! ....... بالتوفيق

[الضيغم]

أراء جميله من الأخوه ..


ما قصروا والله يوفقك في ما تريدين ..

[ذلتهم عيوني]

مشكوووورين حبايبي ع الردود :)

والله جد محتااااااااااره كله اقساام مالها مستقبل لان كثيير يدرسونها اتمنى يفتحوون ريااض اطفاال أو حااسب وين الخبر اللي قريته قبل انهم راح يفتحوون تخصصات جديده ولها مستقبل ع قولتهم ولاشي من هالكلاام بس يسوون مشاريع بالمدن اللي ماتحتاج مكتمله واللي محتاجه .. ماودي اتكلم كثييير خخخ

[ذلتهم عيوني]

في احد عنده خبرر اكيد اذا يبوون يفتحوون قسم حاسب ولا لا والقدرات كم ياخذوون منها نسبه ؟؟؟؟؟؟

[لاتنسى ذكر الله]

بقولك انا الان سنه اولى اداب
ووعدو البنات يفتحون ويفتحون وكما هي
خذي الكلام مني انا مو فاتحين شي يعني لاتالمين حالك
وموفقه نشوفك معنا السنه الجايه ^_^

[لاتنسى ذكر الله]

القدرات مايخذون منها ولا شي
بنات كثير بدفعتي العام ماسوو هالاختبار
وسجلو بالجامعه وش زينهم الحين
ماتطلب قياااس ولا قدرات كليتنا

[الهمس جهرا]

الكتيب اللي وزعوه على طالبات الثانوي عن القدرات تم اضافة اسم كلية الخفجي للجهات التي تطلب امتحان قدرات

يعني كلية الخفجي صارت تطلب قدرات

الله يوفق بناتنا وان اضم صوتي لصوت من يقول ان الكلية قاعده تتطور بس اصبروا يا اهل الخفجي الله يهديكم دايم مستعجلين

[ذلتهم عيوني]

مشكورين على المرور
..................................

[×|| حلمـ الطفوله ||×]

نصيحه أختبريه

لأن الجامعة صارت تابعة لجامعة الدمام وبالتالي أنظمة جديدة تختلف عن جامعة الملك فيصل

فـ يفضل تختبرين احتياطاً علشان ماتندمين بعدين

[الدووووخي]

أراء جميله من الأخوه ..


ما قصروا والله يوفقك في ما تريدين ..

[ناصر الزعبي]

ربك يعين وتلاقين من يجاوبك

[فتى الرائدية]

يعطيك ألف عافية