موضوع للنقاش واي نصراوي يدخل اكسر خشمه

[الهلال وبس]

السلام عليكم ورحمه الله وبركاته

يا هلا والله فيكم يا اخواني الاعضاء اولا اريد ان اصبح عليكم بالخير واللي عنده مسا اقوله مساك الله بالخير

ثاني اوضح عنوان الموضوع حتى لا يزعلون اخوانا النصراويين الطيبوووون:D

العنوا يقول اي نصراوي اكسر خشمه .............

طبعا راح اكسر خشمه بكثره السلام عليه والترحيب فيه (( السلام بالخشم)):D

زبده الموضوع ...............

اقرأ وأسمع من الكثير من النصراويين وغيرهم ممن يزعجهم التفوق الهلالي

يتهمون الهلال بانه الفريق المدلل من لدن لجنه الحكام ومن الاتحاد السعودي وخاصه لجنته الفنيه

ولكن انا كهلالي ايضا احس بان فريقي مظلوم من التحكيم ومن لجنتهم الفنيه

يعني يا اخواني اللي تظنون فيه هو مجرد عواطف وليست حقيقه الهلال مثله مثل الانديه الاخرى

الظلم يقع عليه ولكن الفرق ان الهلال غير عن الانديه يانجازاته المتواصله وبطولاته العديده

واللتي لم تاتي من فراغ اتت بتظافر اعضاء شرفه وتوالي الرؤساء عليه

لان كل رئيس جديد يحضر للهلال يكون متحمسا لخدمه الهلال ويريد ان يبرز وياتي بجديد

وافضل من الرئيس اللي قبله وهكذا والسفينه تسير والحساااد منكم انتم كنصراويين اللي يغيضكم هذا التفوق

تنسون مشاكل وتخلف ناديكم فتهجمون لتكيلون على الهلال وتسخرون اقلامكم لتجريح لاعبيه وووو

ولكن الهلال ولاعبيه لن يتاثروا ابدا ابدا بكم وبكلامكم وسترون في المباراه القادمه الهزيمه النكراء

اللتي ستحل بناديكم اليتيم والمفلس الغائب عن البطولات لعقد كامل من السنين

اسف على الاطاله ولكن ارجوا من النصراويين انهم يقتنعون ويتركون الهلال في حاله

او انهم يرجعون لصوابهم ويكونون اخوه يدا بيد مع الهلاليين لاننا كلنا في خدمه الرياضه السعوديه

وشكرا لكم يا اخواني

تحياتي ===========

[الكاسح]

مشكور اخي << الهلال وبس >> على الموضوع ......

<========< نصراوي متعصب بس ابرد عليك بروح رياضيه

فريق الهلال متعرض لظلم من الحكام والله عجيبه !!!!!!!!!!!!!!!!!!!!

أّذا من أين أتت معض البطولات ويد النزهان الشهيره وابو زنده ؟؟؟؟؟؟؟؟؟؟؟؟؟

أما بخصوص هزيمه العالمي فلا نريد أشعال فتيل الخلافات في قسمنا الرائع

بيننا وبينكم بس الملعب هو الفيصل ويكفينا فخر اننا اكثر فوز منكم أيها الهلالين

وحياك الله اخي في قسمنا الرائعه ورجاء خاص الابتعاد عن التعصب الزائد ومشكور

[سامي الشمري]

وعليكم السلام ورحمة الله وبركاته ..


<-=-=- نصراوي :D

اول شي حياك الله يالهلالي بيننا ..

من الطبيعي ان الواحد يدافع عن ناديه ...

سواءً خسر أم فاز ...

نادي الهلال ..نادي كبير ومعروف..

وقد رفع رؤوس الأنديه السعوديه لأكثر من مرة في آسيــا وأفريقـــيا..

ولكن لاننسى فضل العالمي حتى لو خسر امام ريال مدريد اول امام كورنثاينز البرازيلي ..

يكفي انه أول نادي عربي آسيوي يحصل على المركز ..

الخامس عالمياً

اما بالنسبه للتحكيم الحكام ضد نادي الهلال ...

فكل الأنديه معرضه لأخطاء تحكيميه .. ليس الهلال فقط ..

جميع الأنديه السعوديه والعربيه والعالميه معرضه لأخطاء تحكيميه .

اشكرك على موضوعك .. وأنت كتبت العنوان على شان يدخلون النصراويين.. :D

تقبل تحياتي وأعذرني على الإطاله ..

;)

[fowzy]

http://www.l22l.com/up/r76hwnsalam.gif

اخوي الهلال وبس اترك عنك التعصب وبعدين معروف عندنا اي خسارة فريق المسؤول الاول والاخير عندنا الحكم

وهذه مشكله كبيره والدليل شوف مستوى الدوري السعودي قمه في الفشل لا مستوى يذكر ولا متعه

صحيح مستوى التحكيم عندنا سئ وفاشل ولجنه فاشله ولا راح يتطور بوجودهم

لاكن كل هذا مايمنع من المنافسه والتصاريح المشتعله بين الفريقين بس بعيد كل البعد عن الحكام وصدقني لا هلال بدون النصر ولا نصر بدون الهلال

اختصارا
1- لجنة حكام فاشله
2- مستوى انديه فاشل
3- مستوى الدوري السعودي فاشل فاشل فاشل


تقبلو تحياتي

اخوكم

عاشق زيدان

[ابو سلطان]

حلوه منك ياهلالي وبس
اقولها باعلي صوت ....... مصدقين نفوسكم وتقولون عندنا كوره
من بعد الثمانيه عفت الكوره المحليه ..... ااه يالقهر
شوفو ا لدوري الاوربي ...هذي الكوره وبس ... الرجاء من الاخوه
لا أحد يجيب طاري العك الكروي ...
كاشخه صحافتنا بفوز المنتخب علي تركمنستان ..مدري منهي ...
ومرجعين ناصر الجوهر .... وعبدالله جمعان اللي مالمس كوره من سنه
وخميس وحسين والدوخي ابطال الثمانيه .....
ويبون يتأهلون لكاس العالم ...
:o

[أبوفهد]

هلالي وبس اولا يا هلابك معنا في منتداك منتدى الرائديه وخاصه المنتدى الرياضي

ونتمنى بقاءك معنا بهذا النشاط والمواضيع المتميزه

اما عن موضوعك فبصراحه انا لا اوافقك في كثير من اجزاءه

اما عن نادي الهلال بيني وبينك السنه هذي ما عندك احد

الهلال يفتقر للنجوم والقاعده ولن يدخل المربع والله يوفقه

شكرا لك اخي الهلال وبس

وتقبل تحياتي وموضوعك موضوع ممتاز ينم عن عقليه فريده

:cool:

[الوفـــــا]

السلام عليكم ورحمة الله وبركاته

اخوي الهلالي حب يوضح لكم شيء... وهو ان الهلال مثل غيره تعرض للاخطاء التحكيميه ..

الهلال وبس ..

حياك الله معنا في المنتدى ..

وان شاء الله تمتعنا بمواضيعك ..

أختك ::: الوفـــا

[داعــ العين ــج]

>........................ بالمستشفى خشمه مكسووووور





هههههههههههههههههههههههههههههههههه
هههههههههههههههههههههههههههههه
ههههههههههههههههههههههههههه


ماهذا ؟


اولا :نحن كنصراوين لانحسد الفريق الهلالي ونتمنى له التوفيق في الخارج


بعدين اي تفوق اللي تقول عنه



النصر مظلوم تحكيميا والكل يعرف هذا

واكبر دليل في منافسات النصر والهلال النصر يتفوق على الهلال



ثانيا: الهلال صحيح مساند من قبل لجنة احكام

وتخبر المباراة النهائية بين الاتحاد والهلال

يوم المفرج او الشريده
ماسكة الكورة بيده ويشوتها باسم اليامي من يده وهو ماسكها


ويوم احتج اليامي عطاه كرت احمر


ها وش تقووول؟؟؟؟؟؟؟؟؟؟




علشان تتاكد ان النصراوين مايقولون الا الحقيقه



استودعكم الله






و

[لــبــــيــــه]

سلام عليكم جميعاً , وكيف حالكم وإن شاء الله إنكم بأتم الصحة والعافية , وبعد ...

<<< لانصراوي ولا هلالي :cool:

اللي حبيت أقوله وأذكره للجميع , هو إن الرياضة العربية على وجه العموم والسعودية على وجه الخصوص تعاني من هبوط حاد في كل شيء , ولو أردنا التحدث بالتفصيل عن هذه الأمور لما كفتنا صفحات المنتدى لسرد الشيء القليل من هذه التفاصيل

الأندية ككل دون إستثناء تتعرض , لن أقول للظلم التحكيمي ( < لأن هذه الكلمة تعني شيئاً كبيراً وهو إن الأخطاء متعمدة ) ولكن دعونا نقول للأخطاء التحكيمية واللتي لاشأن لأيٍ كان بها , كل مافي الأمر بأن الحكم بشر يخطيء ويصيب ولو تعرض نادٍ ما لأخطاء أكثر من غيره في أحد المواسم فهذا عن طريق الصدفة ليس إلا

المشكلة كما أسلفت كبيرة ولايمكن حصرها في رد , ولا حتى في موضوع مبسط , الأمور أكبر بكثير من تصورات الأغلبيه هنا , ومن يقول بأن الهلال أو نصر تعرض للظلم المتعمد فهذا هو التعصب الأعمى , اللذي هو أحد أهم أسباب إنحدار بل سقوط الكرة السعودية

المعذرة كل المعذرة على الإطالة , ولكن لو أردنا سرد الحقائق لما أنتهينا قبل أسبوع من كتابتها , لكم جزيل الشكر