الندوة العالمية للشباب ( كذبوا كذبة محترمة ) ولكن حسبهم الله فقطــــ

[قلوب دامية]

السسسسسسسسسلام عليكم،

بدون تنميــــــــــــــــق مقدمات .. الندوة شكلها فلست او قربت تفلس

فصارت تمشي وتلزق من هالاوراق بوجود دورات معتمدة

الرخصة لقيادة الحاسوب .. والمعارف .. بإشراف معهد مدار الخليج ..

القصة صديقتي اللي ظروفها مايعلم فيها الا الله

مجدة ومكافحة في الكلية وكلها أمل أن تتوظف اول ماتتخرج قرأت

إعلان عن وجود دورة الرخصة لقيادة الحاسب الآلي في قسم الندوة

النسائي .. ترددت لقلة المال ولكن طموحها ذفع بها ان تجمع مكافآتهـا

وتتقدم وكلها أمل بأن تزيد هذه الشهادة من رصيدهـــا

وبعد انتهاء الدراسة وجاء وقت الاختبار ( طبعا كان في فلوس مقدمة )

اتضح ان الشهادة ليست من مدار الخليج باعتبار ان مدار الخليج

جحدهم !!!! يعني قال

ماحنا مختبرين بناتكم .. ولا لكم عندنا شهادات ...

قال ايش دورة الرخصة العالمية لقيادة الحاسب ...

طبعا الندوة توهقت ... فقالت : اللي تبي تختبر تروح للدمام ...؟

( خير ؟ ليه ماقلتوا من الأول الاختبار بيكون في الدمام )

طيب صديقتي هذي من بيوديها ؟؟؟

آخر شي عشان يسكتونهم ؟

صاروا يعطونهم نموذج ؟ واحفظووه صم وتعالوا اختبروا فيه ؟؟؟؟

بالله هذا كلام ؟؟؟؟؟

وش ينفعهـا ت حفظ نموذج وتحل ؟؟ بشهادة مؤقتة ؟

ماتضيف للملف أي شيء ؟؟؟؟

السؤال : من المحاسب هنـــــــــــــــــــــــــــا ؟؟


ولم تغير كلامهم بعد ام كانت من مدار الخليج ؟؟؟؟

وشهادة معتمدة !!!! حتى أصبحة الا مؤقتة

وتبين شهادة طقي مشوار للدمـام ؟؟؟؟

وليه ماوضحوا من الأول

طيب تغير كلامكم .. رجعوا ع المحتاجات فليساتهمممم


ليه ماتوضحون من الاول واللي يبي يجي

والا عارفين محد بيجيكمـــ ؟؟؟ هي فقط فركشة لجمع المال

ولكن حسبهم الله وننعم الوكييييييييييييل

ابتداء بالمدير .. ومرورا بالمديرة .. ووصولا بالموظفات !!!

الجدير بالذكر : إإننا في بلاد الإسلام محنا قادرين ناخذ حقوقنا

لو كنا في بلاد بــرا أقرب محكمة تشمع المكاااااااااااااااااان




تنويه : ((((( لاتصدقونهم مرة ثانية )))))

[عامر999]

الاخت قولب داينة

الندوه العالمية للشباب الاسلامي مؤسسة خيريه مشهود لها .. بالخير .. وموثوقه .. وايضا مزكاه من ولاة الامر حفظهم الله .. ومن هيئة كبار العلماء
ولا اضن ان جهودها في مدينة الخفجي خاصة .. يجهلها احد .. فهي تقوم بعملهم وعمل غيرهم ..
ولا يشك في كلامي السابق الا متغافل او متربص .. وهو كمن يسب هيئة الامر بالمعروف و هو كمن يتربص بمشائخنا وعلماءنا ..

اختي الكريمه ..
كلامي السابق .. لا اقصدك فيه .. ولكن احذرك من التشبه بمن لا ينبغي التشبه بهم .. ولا تكوني اضحوكه لغيرك .. وباس الرجل من كانت مطيته قالو .. ومن اراد الاصلاح يعرف طريق النصيحه .. بالسر و وليس بالفضيحه .. المحزن هو ان تحثي الناس على عدم تصديقهم ..

اختي الفاضلة
موضوع الدوره قامت به الندوه العالميه القسم النسائي وليس لها اي فائده من وراءه وهو يقام ضمن برامجها في خدمة المجتمع ..
واقيمت هذه الدوره ضمن هذه البرامج .. حيث وفرت الندوه المكان المناسب لتقام الدوره التي يستفيد منها معهد مدار الخليج فقط وليس للندوه اي فائده من ورائها .. ومعهد مدار الخليج هو من اقامت الدوره واستفاد من خلالها ..ثم حدث ما حدث بين معهد مدار الخليج و من يعطي الشهادة المعتمده .. وقد قاموا برد المبلغ المدفوع مقابل الاختبار للطالبات ..

فارجوا عدم الاسراع في توجيه التهم .. فنحن نعلم ان الندوه انما وفرت مقر لإقامة الندوه .. والمسئول عن هذا الخطاء هو معهد مدار الخليج ..

وفي الختام ..

لا نبيغي لنا التشكك في اهل الخير .. وحتى ان حدث خطا .. فنشر مثل هذه المواضيع يفقد الناس الثقه باهل الخير ..

[مســاعد]

وحتى ان حدث خطا .. فنشر مثل هذه المواضيع يفقد الناس الثقه باهل الخير ..



أخي الكريم عامر


اخالفك في هذه النقطه يا عزيزي


نحن في مملكة الانسانية بقيادة ولاة امرنا حفظهم الله

كلنا يد واحده دون النظر الى اليد المدوده كانت من يمينً أو يسارا

اخي الكريم

الخطاء لابد من الافصاح عنه .. لا يوجد شخص معصوم عن الخطاء في هذه الدنيا ومن أبسط امور هذه الحياه .. حقوق الشخص ..

....


أختي الكريمة

اتمنى من الله تعالى أن كلامك يصل الى كل مسئول والى كل شخص يرئس في هذه الندوه حتى تنظر الندوه الى الامر وتحله

فانا من الناس الي ارى الخير في اوجههم حفظهم الله


نسئل الله تعالى أن يحفظ ولاة امرنا ومشائخنا وابائنا ويحفظ جميعاً المسلمين

والسلام عليكم

[منتهى الذوق]

والله المعاهد غرضها مادي بحت بحت بحت
الحمد لله اني ما دخلتها و لا فكرت فيها :cool:

[كورن فلكس]

اتقوا الله فيما تقولوا

ويعطيك الف عافية أخونا عامر ع الكلام

[بــ الخفجي ـنت]

أختي العزيزه

انا من ضمن المسجلات بدوره الرخصه الدوليه لقيادة الحسب الآلي

وأسمحي لي أقول لك ان اللي نقل لك الخبر أما انه مو فاهم الموضوع غلط

أو حاب يشوهـ سمعة الندوة

بالنسبه للشهاده والكلام اللي جالسه تقولينه


فالشهاده معتمده من معهد مدار الخليج واذا جت لك شهاده من مكان ثاني لك حق ساعتها تجين وتقولين اللي تبينه محد بيلومك


والاختبار اللي قائم بعد من معهد مدار الخليج والمدربه مالها علاقه فيه

هم اللي ارسلو لها النماذج وحددو لها الاختبار

واذا كانت تعاونت مع المتدربات وساعدتهم في اجتيازه هذا يعتبر خطا برايك ؟؟

او خير تعمل شر تلقى ؟؟

والاختبار اللي ماراح يتم في الندوة واللي قالوا لهم اختبروة بالدمام هو اختبار المايكروسوفت

لان هذا الاختبار ما يقام في أي مكاان ولازم يكون في جهه مختصه

ومعهد مدار الخليج نفسسه ما يقيمها

يعني الموضووع مافي لا نصب ولا غيره مثل ما تقولين

الشهاده الصادره بتكوون معتمده

وبعدد ساعات

ومعترفه من وزارة التربية والتعليم .. وبتكون مساعده في التقديم للوظائف

وهالكلام اللي انا قلته أنا متاكده منه 100%

لاني مسجله بالدوره وحاضره كل الاحداث ولاني اعرف موظفاات الندوة

الاخوات فيهم الخير وبالبركه وما اعتقد قصروا مع احد بشي

وهالكلام اللي قلتيه في تجريح جهه خيريه كله بيكون في ذمتك

تحري الصدق مره ثاانيه يا اختي قبل لا تكتبين اي حرررررررررف

الله المستعان بس ...

تح ـياتي

بـ الخفجي ــنت

[الخطاايا]

بسم الله الرحمن الرحيم

: آحب آن آقـدم كل شكـري لـ الندوه العآلميه للشبآب آلآسلآمي :

على مآتبذله من مجهودآت عآليه لبلوغ شبآبنآ [ عمآد آلآمه ] إلى القمـه

شكرآ

[ياالله الجنه]

كفى بالمرءكذبا أن يحدث بكل ماسمع

الأخت الفاضلة كاتبة الموضوع
مع احترامي لشخصك الكريم فكأنني أرى تحاملا شديدا على الندوة وكأنما الإخلال بشروط الإعلان (((جابها لك يامهنا على ماتمنى))) وبصراحة لو عدلت أكثروكتبتي بموضوعية وركزتي على الإعلان لربما كنت على جادة الطريق
أما التشفي بالندوة وإبرازعيوبها ونعتهابأقذع الألفاظ فما هو إلا إخراج لما في الصدور .....والله أعلم بما تخفين .
أقلوا عليهم من اللوم لا أبا
لكم أو سدوا المكان الذي سدوا

جهودهم واضحة ومشكورة وثوابهم عندالله ولهم منا الدعاءالصالح ..وسدد الله خطاهم ..وكفاهم شر المتربصين.
أتمنى أن تقومي بالاتصال بالفرع النسائي والاطلاع على كافة التفاصيل خير لك من (قالت صديقتي .... )وتبينوا ........أن تصيبوا قوما بجهالة...........واقصدوا في مشيكم .......فلا تضيعوا وقتكم في الشكوى والتجريح على المنتديات ......واغضضوا من أصواتكم .........سترنا الله وإياكم .

[×|| حلمـ الطفوله ||×]

السلام عليكم ورحمة الله وبركاته

أمممم ماراح أطول وأزيد بالكلام

كل اللي عندي كلمتين

إذا كانت الشهاده فعلا مو من معهد مدار الخليج ( وطبعاً هالكلام ماراح يبين إلا بعد استلام الشهاده )

نزليها سكانر هنا وامسحي الاسم منها

وبعدها لكل حادث حديث :biggrin:

لكن إننا نستبق الأحداث ونجلس نتكلم في الندوه وموظفاتها ونذم فيهم بدون شهاده ولا دليل ( ونعتمد على كلام صديقتك ولا غيرها ) مايرضي أحد

لأن الناس ماعندها الا الكلام أو خلينا نقول البهارات أفضل

تحيه عطرهـ

[miss_P!nk]

بسم لله الرحمن الرحيم

سبحان الله في طبع الناس ..ما يصدقون يلاقون "جنازه ويشبعون فيها لطم" ..

سمعنا من فلانه ان الندوه كذبوا بشأن اعلانهم ..وطبعا بدون اي بينه ..راح نروح نزل موضوع ..ونجرح في الندوه مرورا بمديرها ..ومديرتها..وموظفاتها..ناسين او متناسين ... كل مجهودهم واعمالهم على مدار سنين ..

اختي الكريمه تعتقدين لو كان كلام صديقتك فيه خير ومدح وشكر للندوه على الدوره اللي قدمتها ..كان كلفتي نفسك تكتبين موضوع تشكرينهم فيه على مجهوداتهم ؟؟ اجاوبك انا .. طبعا "لا" ..

طيب ليه صديقتك لما راحت تسجل ما استفسرت وسألت عن تفاصيل الدوره بدل ما تكتفي باعلان ملصق "مكذوب" على قولتك ؟؟ برضه الواحد لما يدفع "دم قلبه" في اي شي لازم يكون واثق منه وماخذ تفاصيل وافيه ..وما اظن انهم في الندوه راح يكذبون عليها لو سألتهم علشان ياخذون فلوسها بس .. وما اظن بعد ان الندوه بتقوم على فلوس صديقتك اللي دفعتها في الدوره !!


متى راح نصير واعيين وموضوعيين في احكامنا على الناس ..وما نشوف المسأله من عيون الغير .. " لو" كل واحد حط نفسه مكان الثاني ..كان حاسب نفسه الف مره قبل لا يكتب حرف واحد ..

و"لو" كنا في بلد ثاني مثل ما قلتي يا اختي الغاليه ..كان تحاكمتي انتي بعد على التشهير بدون بينه !! لو رفعوا عليك قضيه !!

معلش .. اول مره اشارك معاكم ..بس ما قدرت اسكت وانا اشوف كلام مكذوب على جهة خيريه ما اعتدنا منهم الا كل خير ..

ويعلم الله مالي اي فائده من الكلام هذا او الرد ..بس احقاق حق

واعتذر لو كان فيه حده في الاسلوب بس ترى الموضوع احد!!

[الوايلي2]

سبحان الله أرادو الإساءة فانقلبت رفعة مكانة
اتمنى أن تكون القلوب الدامية قد وقفت عن النزيف وشفيت بعد هذا الإسعاف السريع

[الياسمين]

جحدهم !!!! :biggrin::biggrin::biggrin:
ياااااااااااالبيه يهالكلمة:102:
تـــريــحـي كلهم قاموا عليك انتي وصديقتك:D

[أيوه]

أختي الفاضلة ......

(( إذا دعتك قدرتك على ظلم الناس فتذكر قدرة الله عليك ))

[حي91]

شـكــ وبارك الله فيك ـــرا لك ... لك مني أجمل تحية . مع البحث عن الحقيقة الي ديم تزعل

[المنصف]

السلام عليكم ورحمة الله وبركاته

سؤال لأخي عامر 99

أنت تقول الندوة وفرة المكان بس للمتدربات والفلوس يروح لمعهد مدار الخليج .

طيب وش فائدة الندوة من هذه الدوره ؟

وبعدين أشوف اكثرة الفزعه بعضهم سجل من قرأ الموضوع .

وبعدين في كلام متناقض جدا مابين عامر والأعضاء الجدد الي ردوا على الموضوع .

لكن اختي بالله نزلي الشهادة في موضوع اذا لم تكن من مدار الخليج ، لكي يبين الحق .

[ياالله الجنه]

السلام عليكم ورحمة الله وبركاته

سؤال لأخي عامر 99

أنت تقول الندوة وفرة المكان بس للمتدربات والفلوس يروح لمعهد مدار الخليج .

طيب وش فائدة الندوة من هذه الدوره ؟

وبعدين أشوف اكثرة الفزعه بعضهم سجل من قرأ الموضوع .

وبعدين في كلام متناقض جدا مابين عامر والأعضاء الجدد الي ردوا على الموضوع .

لكن اختي بالله نزلي الشهادة في موضوع اذا لم تكن من مدار الخليج ، لكي يبين الحق .

وعليكم السلام .... الجدد تقصد أنا ؟؟ ايه أنا سجلت بعد ما مررت بالموضوع وأبهرني التجني في الموضوع وأحسست بحاجه الى نصح الأخت الكاتبه !!

ليس من الضروري أن أكون نسخه من عامر ولا من أي أحد .. ما أكتبه يمثلني وأمثله

من سعة أفق المرء أن يتقبل أكثر من رأي مخالف له أو ضده ما دامت في حدود الادب والاحترام.. فيجب عليك ويتعين عليك أنت وكاتبة الموضوع تقبل كل ما يثار هنااااااااااا ..

[ياالله الجنه]

يسلموا يا أبو حمد ...... كفيت و وفيت ..

[بــ الخفجي ـنت]

السلام عليكم ورحمة الله وبركاته

سؤال لأخي عامر 99

أنت تقول الندوة وفرة المكان بس للمتدربات والفلوس يروح لمعهد مدار الخليج .

طيب وش فائدة الندوة من هذه الدوره ؟

وبعدين أشوف اكثرة الفزعه بعضهم سجل من قرأ الموضوع .

وبعدين في كلام متناقض جدا مابين عامر والأعضاء الجدد الي ردوا على الموضوع .

لكن اختي بالله نزلي الشهادة في موضوع اذا لم تكن من مدار الخليج ، لكي يبين الحق .


انا ارد عليك اخووي

بالنسبه للندوة العالمية .. وش فايدتها من الموضووع

الندوة العالمية مالها اي فاايده غير انها ترعى فئه الشبااب الاسلامي وتوفر لهم كل الاحتياجاات اللي يحتاجونها من دورات متعددت المجالات

ولو لها فاايده يالغلا .. ما كان جابت داعياات من برى ووفرت لهم سكن ونظمت ملتقياات بمبلغ وقدره علشاان يستفيدون النااس

وبدوون رسووم دخوول ... وفي كثير دورات تقدمها مجاانيه

وتقدر تسأل وتتاكد من هالشي

في دورات مقاامه مجانيه .. وفي دورات اللي من المعاهد يكون عليها رسوم

وهالرسووم تكون للمعاهد نفسها .. والفايده منها

هي توفير مكان يخدم الفتيات لان في دورات كثير ماهي موجوده

ولا تقام بالخفجي والندوة توفرها وتتبناها علشاان تفيد هالفئه

اللي مو مسموح لها وظروفهم ما تساعدهم على السفر

ودورات الندوة ما تقتصر ع دورات الحاسب

لا في دورات فقة .. وحاسب .. وفنون .. وفي تحفيظ قرآن .. الخ


ونرجع ونقول لصاحبة الموضوع

نزلي الشهاادة وشوفي هي من معهد مدار الخليج او لا ...؟

واذا ما كانت من المعهد لك مني انا وكل من كذب كلامك انه يعتذر منك

لكن لو العكس ..؟

بتفكرين تعتذرين ..؟ بعد ما اتهمتي مؤسسه خيريه بالكذب

وكذبتي مدرائها وموظفاتها ..؟

اتمنى يكون في عندك صحوه ضمير .. وترجعي وتتاكدي من معلوماتك

والشهاده جايه من معهد مدار الخليج وهالكلام موثوق 100%

تحيااتي

بـ الخفجي ـنت

[قلوب دامية]

حياكم الله

ويشرفني دخول هالكم اللابأس بـه

اولا / كل أسف لمؤسسة: الندوة العالمية ان كنت اخطأت في حقهم

خطأ غير مقصود والله أعلم بالسرائر

وكل الشكر لكل من اتهمني ونعتني بالمتربصة حتى كدت ان اشكك

في نفسي .


لكن الحقيقة تنقال واتمنى من بنت الخفجي تتاكدين من معلوماتك

الشهادة المنتظرة ماهي شهادة الرخصة العالمية انما هي مؤقتة

تفيدك في اضافة من رصيدك عند التسجيل في الخدمة المدنية

وهذا كلام مديرتهم . وعلى الدارسة اذا ارادت الشهادة ان تذهب

الى الدمام حتى تنسق مع المعهد نفسه .

طيب لو نفترض ان كلامك صحيح يااخت بنت الخفجي ؟

ليه طلبوا من الدارسات الذهاب للمعهد في الدمام

وفسري كلامهم ان متى ماجاء اختبار من المعهد نختبركم مرة ثانية ؟

هل فيه فرق بين الشهادة المرجوة ؟ والشهادة اللي تختبرون عليها حاليـا


واكرر أسفي للندوة وتراني ماقصدت الإساءة لكم انا اتمنى ان توضحون

الامور من البداية !!

[بــ الخفجي ـنت]

هلا أختي

انا اوضح لك الكلام .. بالنسبه للشهادة والفرق ما بينهم

الشهاده والاختبار اللي بيتم بالدمام .. واللي الندوة حاولت جهدها انه يكون موجود في معهد من المعاهد الموجوده بالخفجي ولكن للاسف ما كان في مجال لهالشي هو اختبار المايكروسفت

والاختبار اللي بالندوة هو اختبار دوره ال( icdl) والشهادة المعطاه هي شهادة معترفة وتعد اجتياز دورة الicdl

تكون الشهادة من معهد مدار الخليج زي ما ذكر بالاعلان

والاختبار اللي بيتم بالدمام بيكون بمعهد ثاني

وفي ميزه ان هالبطاقه حقت الاختبار ما ياخذها اي احد

وما يقدر اي شخص يشتريها ويدخل الاختبار

الا يكون ماخذ الدورة اللي ترشحه لدخول هالاختبار

وهالدورة هي الدورة اللي اقيمت بالندوة وبيكوون لها شهادة خاصة ومعترفة

ولزيادة في شهادة ثانية تقدم لمن اجتاز الاختبار اللي دخوله بالبطاقة

واللي المفترض انه يقام بالدماام

وهنا يجي دور المتدربه هل تكتفي بشهادة الرخصه الدولية المقدمة من معهد مدار الخليج أو تكون حابة تدخل الاختبار الثاني اللي هو المايكروسوفت

واختي الغالية .. هالاختبار مستحيل يقام في اي جهه بغير المعهد نفسسه

ومو معهد مدار الخليج لا معهد مختص لاقامه دورات الicdl فقط

ولزيادة المعلومات اختي راجعي القسم النسائي للندوة واكيد الموظفات ماراح يقصرون معك بشي

تحيااتي

بـ، الخفجي ــنت

[*** خلوها ***]

السلام عليكم ورحمة الله وبركاته
الله يصبحكم ويمسيكم بالخير
الله يعطيكم العافية الجميع على هاذه الردود الواعيه والراقيه..
ثانيا: الندوة العالمية للشباب الاسلامي غنيه عن التعريف وسمعتها معطره بالمسك والعود وجهودها معرورفه عند اهل الخفجي الجميع وتشكر عليه...
ثالثا:نصيحه لوجه الله اذا في شي يخص شخص ما اومشكله مفروض يناقش الموضوع مع اهل المشكله نفسه الي متعرض لها مو شخص ينقل كلام عن شخص ثاني وماهو عارررررف الموضوع الي يخص الشخص نفسه...
رابعا::: ترررررررررررررررراى كلامك و مووووضوعك مادل الا على طيبتك ورقيك واسلاوبك في طرح المواضيع.....

[وليفي هجرني]

الله لايبلانا

[بلقيس]

اللة يستر بس مداخلة بسيطه انا عندى شهادة حاسب
ومصدقة من قسم علوم الحاسبات- جامعة الملك عبدالعزيز
ومكتوب المايكروسفت

مع العلم انى اختبرتة بمعهد بالخفجي بس الشهاده خذت وقت على ماوصلت يعنى تقريبا شهرين اوثلاثة شهور لانها توصل من الدمام او الرياض مادرى
سوالى: هل هذه الشهاده توهلني لاي وظيفة والا ؟
وموفقين بإذن الله ...

[منتهى الذوق]

^^^^^^^^
بلقيس انتي وين درستي في اي معهد ؟؟

[بلقيس]

هلافيج منتهى الذوق
درست بمعهد العالميه اللى بالجمعية الخيريه

[منتهى الذوق]

انا بعد درست ولحد الان الشهاده ما اخذتها !!
اخاف انه ماهو معترف فيه المعهد :rolleyes:

[شموخ الورد]

اناا بعد اخذتها وعندى مكشخة التواليت فيها هع
اللة يستر بس ان شاء الله خير
وموفقين جميعا"..

[الدووووخي]

الله يعيـــــنكم ..

[ناصر الزعبي]

يعطيك الف عافية

[الراهي]

.. لا حول ولا قوة إلا بالله ..
..
والله يحفظنا ..
..

[فتى الرائدية]

يعطيك ألف عافية