موقف أمام كلية البنات

[عبدالمنعم]

أولاً أحيي الجميع بتحية الأسلام
((السلام عليكم ))
واعذروني أنا راح أدخل على الموضوع مباشره لنه أثر في نفسي والموقف لن أنسه الموقف صار قبل 4 شهور
أناطالب جامعي أدرس بعيداً عن مدينة الخفجي مدينتي الحبيبه ولأأدري بالظبط أي يوم لكنني أشتقت لهلي فقلت خلن أستاذن من الدكتور لن الدكتور يتفهم الظرف فسمح لي بالسفر
فرحت لهلي يوم وصلت قابلت الوالد وسلمت عليه وقال لي جابك الله رح جب أختك من الكلية قلت أبشر وكنت تعبان جاي من سفر
وكان هاذا اليوم مشؤم علي فرحت للكلية وخرجن البنات من الكلية وأنا قاعد أنتظروشد أنتبهي شخص سافل وكان واضع رقم هاتفه على سيارته وكان الشخص معه واحد ثاني وكان (يغازل) والله رفع ظغطي وهاذا مايستحي مايرضاه على هله وشلون يسوي كذاء ببنات الناس وأنا كان معي العجره والله أني نويته علشان يتوب ويعرف أن بنات الناس مهي لعبه عنده وفجاه جت أختي قلت ياحول الله الحين وشلون أجلده ومعي أختي وتعوذت من أبليس وقلت مالي ألا حل واحد أني ابلغ عليه وبلغت عليه والحمد لله جاء اليوم الثاني وجت الهيئه وأختفى هاذا الشخص الجبان
وبالاخير أوجهه كلامي الى أدارة كلية البنات لماذا لتوجد كميرات مراقبه أمام كلية البنات ولا بس الكميرات فقط لشركة أرمكوا فقط
وأنا أتمنى من الجميع التفاعل وأيجد حلول للمشكله هاذي
وتقبلو سلامي من العاصمة الرياض

[الصـارم]

الله يعين

صدق ناس ماتخاف الله

وأقتراحك جميل وعجبني

أتمنى ينفذونه

[×|| حلمـ الطفوله ||×]

أمممم كاميرا المراقبة ممكن ترصد السياره لكن ماراح تقدر ترصد حركات الاشخاص داخلها

يعني ماراح تقدر تميز اذا كان هالشخص يغازل ولا يتكلم ولا وش يسوي بالضبط صعب جداً

وبنفس الوقت ماتقدر تحكم على كل الشباب اللي عند الكليه إنهم جايين يغازلون يعني فيهم اللي يجي ياخذ امه واللي ياخذ اخته وفيهم اللي يجي يتفرج

الأفضل طبعا من الكاميرات هو وجود الشرطه وهيئة الأمر بالمعروف بشكل مكثف من الوضع الحالي

على أمل انهم يحدون شوي من هالظاهره

تحيه عطره

[محد قدي]

أخوي رومل
افرض انك خذيت عجرتك وكفخته وطلع معاه مرض ومات بسرعه بعدها بفتره بيقصونك وتحطم امال امك وابوك وتحرق قلب ام المسكين الطايش
شف يااخوي انت واحد من الرجال الي يشرفون خواتهم بس والله مافيه حل
أنا بنت واذا مريت من قدام كلية البنات ماالوم الشباب لو مايرقمون لويخطفونهم ياخوي ماشفت عرض البراقع الي تقول الوحدة بس مغطيه خشمها والرقبة والخدود والصدر والسيقان كله طالع وش هذا هذا اول سبب يخلي الشباب ينهبلووون انا اقول للشباب الي عندهم خوات ترضا تركب اختك وهي بالشكل هذا
يمنعون البراقع الي مالها سنع هذي
وبعدين الشباب يحومون ومايلقون شي ويضفووون وجيههم

[ناصر الزعبي]

الحل الامثل لهذي الحالات هي تواجد مكثف لدوريات الشرطة والهيئة

[عبدالمنعم]

شرفتني بمرورك أخوي الصارم
.................................

أختي حلم الطفول وشلون الكميرات ماله مفعول أنا أعتقد أن ماعندك خلفيه هل تعلمين توجد كميرات حراريه تطلع الشخص ولوكان ورا جدار
وبعدين قبل فتره بسيطه في قضية المبحوح الذي قتل لم يتعرف على المجرمين الا بفضل الكميرات وبعدين جميع جامعة المملكه يوجد فيه كميرات.
.......................................
وياأخ أو أخت محد قدي مهي مشكله أدخل سجون أو اموت ماعندي مشكلة أهم شي محد يلمس شعره من عرضي
وبعدين فيه بنات يجن على باصات وش مدري أخوانهن هن وش يلبسن وانا أقول رائيي بالعكس جميع البنات متسترات لم أشاهد غير ذالك لكن شباب تعبان ويجب توقيفهم عند حدهم
...............................
وجزاك الله ألف خير أخوي سهل المشاعر رايك هو الصواب لاكن لا مانع من وجود كميرات
...........................

وأنا اشكر الجميع وأرجو التفاعل من الجميع
أ

[عزوز123]

الموضوع حساس ونشوف كثير منة ولا فية دوريات من الشرطة او الهيئة الا اذ بلغ احد لية المفروض انهم يتوجدون وقت خروج البنات وانت بلغت ويعطيك العافية

[منتهى الذوق]

المفروض تواجد الهيئه والشرطه بشكل يومي
عشان الاشكال هذي اللي ماتخاف من الله ماتقرب مرة ثانيه
والله يستر على البنات والشباب المفروض فيه رقابه ذاتيه وخوف من الله
قبل الخوف من البشر لانهم في سن يميز الصح من الخطأ
لانو البعض يخرب على غيره :rolleyes:
والفساد موجود في كل مكان ما هو بس في الكليه لو تروح حتى المستشفى تلاقي هالفئه موجوده :mad:
ما اقول الا
(( واتقوا يوما ترجعون فيه الى الله ))

[!!سكروووب!!]

الصحيح مثل ماقالو الاخوان علي اني افضل تواجد الهيئه الله لايهينهم قدام الكليه لمده ساعه بس وتكون الرقابه مو علي الشباب لا حتي علي البنات زي ماقالت الاخت محد قدي..

يعني الواحد يضيع مع عباه او برقع وشلون لو لمح ساق والا طرف خد طرفه بس .. والا عطر يخلي الواحد يغمي عليه طبعا ذا مو مبرر للشباب لاكن يعني ارفقو بحالكم واستترو مو تجي الوحده تدور اللي يكلمها او يغازلها ويتغزل فيها وتبلا بنات الناس .........خافي الله في نفسك..
بالنسبه للشباب اللي يغازلون ومسوين فيها اشناب تلقينهم انواع الغيره علي خواتهم ومع هذي تلقين خواتهم يتعرضن لنفس الوضع مع الشباب
عارف ومتاكد وانتو بعد تعرفون ومتاكدين..!!

علي فكره شكرا لك ياصاحب الموضوع وشكرا لغيرتك يابعدي

[مسوي فآآآهم]

....الله يــعيــن ....

........!!

[عبدالمنعم]

يعطيكم العافيه على ردودكم وأنا ملاحظ أكثرالردود شباب لكن البنات قليل لماذا لاأدري وأتمنى من النصف الأخر التفاعل وخاصتن بنات الكلية .

[ابوياسرالدحيلان]

لا تعليق

شـكــ وبارك الله فيك ـــرا لك ... لك مني أجمل تحية .

[عبدالمنعم]

حياك الله
أبو ياسر وهذي حريتك الخاصه وأنا أبصم بالعشره أن ماعندك أي خلفيه عن الموضوع

[محمد الخفجاوي]

الله يعطيك العافية
وهذا يدل على طيب اصلك وتربيتك الله يحفظك
وبالفعل المفروض ان في كاميرات مراقبة على الناس الهمج اللي جايين يغازلون بنات خلق الله
والله شي يقهر الصراحة ويرفع الظغط
وبعدين الهيئة وينهم المفروض يكونون متواجدين قبل خروج البنات من الكلية بربع ساعة
وهذا واجب عليهم وهذا شغلهم ولهم الاجر انشاء الله
شكرا على الموضوع

[عبدالمنعم]

يعطيك العافيه أخوي محمد وجزاك الله ألف خير
أنا والله ماوضعت الموضوع فقط الغيره على بنات المسلمين
وأنا أتمنى أن مايحصل مثل حادثة الباص التي وقعت بالرياض الحين الشباب يغازلون وبعدين وش يسون وراح تكبر السالفه أذا سكتنا والمطلوب عدم الصمت وأنا أقول يوجد الكثير من الشباب الطيبن ويملكون أخلاق أنا أتكلم عن الشرذمه الفاسقه أذا هو متربي ليش يسوي كذاء في بنات الناس والهيئه ماقصرو والله يجزاهم خير بس نريدهم أن يكثفون جهودهم فقط .

[اليابسي]

الظاهر أنك تبي توصل لنقطه هذي فقط

[!!سكروووب!!]

حياك الله
أبو ياسر وهذي حريتك الخاصه وأنا أبصم بالعشره أن ماعندك أي خلفيه عن الموضوع

الاخ رومل

!!

وشلون هذي حريتك الشخصيه وتبصم له علي العشره ان ماعنده فكره عن الموضوع..!!

ياخي والله لااعرف ابو ياسر ولاكن الرجل كان مهذب معك فكن كذلك معه ولك الشكر فوقها..!!

[نور الإسلام]

الله المستعان بس ......!!!


لابد لتواجد الهيئة والشرطة

لأن في تواجدهم الخير والأمن لبنات المسلمين

أشكر غيرتك أخوي وصراحه ما ألومك

أيشاء يشيب لها العقل

[وليفي هجرني]

خلها على ربك

[ابورامي]

تقبل تحياتي ..... والله يعطيك العافيه ....
الحل: الهيئه والشرطه....

[sun set]

للاسف وبك وقاحة منهم كثير يعرضون ارقامهم على سياراتهم

[بلقيس]

الله يسترنا فوق الارض ويوم العرض وتحت القبر

[×|| حلمـ الطفوله ||×]

حسب ماوصلني ومن مصدر موثوق :biggrin:

تمـ تعيين رجال أمن تابعين للكلية وبيكونون متواجدين من الصباح لنهاية الدوام

ونأمل انهم يحدون من هذه المشكله :wink:

[مراسل الخفجي]

السلام عليكم
موضوع كتبنا فيه كثير لمدير جامعات الملك فيصل سعيد العمر والدكتور الربيش واخيرا واخيرا
راح تلاحظوون تطور ملحوظ من ناحية الأمن بكلية الخفجي سوف يكوون رجال امن ينظموون السير وكلهم ترقب لكل متردية ونطيحية من الشباب الصايع سوف يبداء عملهم من اليوم الخميس سوف يكون دوام العصر رجل امن واحد وفي فترة الصباح رجلان من الامن وبصراحه انا اقول لو يحطوون 100 رجل امن ما ينفع لازم يسوون زي ما عمل الهيئة بالنعيرية يجلدون كل واحد جاي يغازل
بالنسبة للكامرات مستحيل يحطونها

[نورماس]

والله لو البنات يحترمون انفسهم :mad:
اعتقد مستحيل أحد يتجراء عليها
ووجود جيب الهيئة وسيارة دوريه مو شينه (الدورية بالذات مأفضلها لانهم ...............ولا بلاش) :biggrin:
مع أني احس ان الناس
صاروا اكثر وعي من الاول ونادر نشوف مناظر ماتعجبنا

[الدووووخي]

الله المستعان بس ......!!!


لابد لتواجد الهيئة والشرطة

[raed]

شـكــ وبارك الله فيك ـــرا لك ... لك مني أجمل تحية .

[الراهي]

.. لا حول ولا قوة إلا بالله ..
..
والله يهدي شبابنااا الى الطريق المستقيم ..
..

[مستر كيوي]

الله يعطيك العافية