شوارع الخفجي

[الغلا2007]

بسم الله الرحمن الرحيم


السلام عليكم ورحمة الله وبركاته

اشكر كل القائمين على منتدى الرائدية لما يقدمون في هذا المنتدى الرائع

انا بخش الموضوع على طول

الى متى والشوارع مكسره ورايحه فيها عندنا بالخفجي سياراتنا تكسرت

فيه شارع اللي عند حلويات السلطان اللي يخش على الغربية من عند

حلويات السلطان مكسر له الحين تقريبا 4 شهور وش الحل يعني لازم

الواحد يقطع راين سايد لا جاء يخش الغربية انا حبيت اطرح الموضوع هذا

والشباب من اول ماقصرو اطرحو الموضوع بس مافيه فايدة وين

المسؤلين في الخفجي مايشوفون مواضيعنا هذه ويهتمون شوي

[شاقني]

مشكلة الشوارع والطرق في جميع مدن المملكة
بتنحل ان شاء الله اذا كان هناك أمانة من المسئولين

شتان بين طرق اقامتها شركات كورية من 25-30 عام
وطرق اقامتها مؤسسات وشركات وطنية من سنة واحده
الفرق واضح وكبير وطبعا لصالح الشركات الأجنية ليتها
ترجع بس

شكرا على الطرح

[ابوياسرالدحيلان]

والله ان كلامك صحيح

متى الجهه المسؤله عن الشوارع
تفيق

والله تكسرت سيارتنا

[فتى الدمام]

شكرآ لك على هذا الطرح الرائع

ونتمنى من المسؤلين سرعة الاستجابه ....

[بركات]

تدري من السبب بتكسير الشوارع انا اقول لك

ادارة المرور في محافظة الخفجي هي السبب وتبي تقول وشدخل ادارة المرور بالحفريات قرب لي اذنك

لانه ياحيي مايصدر تصريح حفر بأي شارع الا بموافقة ادارة المرور الي يسمونه قسم السلامه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ولو هذا الي يصدر تصاريح حفر قلبه على مدينته كان قال للي يحفر الشارع

انجز الشارع الاول واعطيك التصريح لحفر الشارع الثاني

لاكن ماعندك احد ومانقول الا الله المستعان

[لحن الحزن]

يا اخوان صحيح انا لست من اهالي الخفجي ولكن استغرب هذه الامور من الكثير من اهالي الخفجي حينما تقول له يا اخي قدم شكوى تلاقيه يلف ويدور وبالاخير يكنس الراس ويمشي ...

قبل ثلاث سنوات كان امام شقتي حفريات صغيره ولكن تعتبر مطبات توجهة للبلدية ثلاث مرات وقدمت شكوى مره واحده وفي احد الايام والساعه السابعه صباحا اسمع اصوات زحمة امام البيت الا بسيارات الترميم متواجده



والله من قهري عليكم

يعني مالكم لسان الا في المنتدي والشكوى الحال لبعضكم البعض

اذا هذه حالكم فلن يتغير شئ بالعكس سوف تزداد

وشكرا

[محايد2009]

اين المسؤل من مقولة عمر رضي الله عنه (والله لوعثرت بغلة في العراق... لسألني الله عنها لما لم تصلح لها الطريق ياعمر)

[عبدالعزيز خلف]

سوف تبقى شوارعنا هكذا الى ان تقوم الساعة او ان يرثنا جميعا ويغيرنا ببشر آخرين !!!


اخوي تره قال (شوارع) ماقال شيء كبير


مشكوره الغلا والله يعينك

[مخاوية الاحزان]

ايه وربي تعبنا احناا ي الحريم كل اشووي ناطين فووق السياره وشوو وين جالسسن :mad:

[ابو فلان]

والله المشكلة المسؤلين عندنا مايحسون بالامانة الي على عاتقهم

يعني يحفرون الشارع عشان يمدون الوايرات وياخذون لهم قرن على ما يخلصون يزفلتون الشارع يقعد اسبوع يحفرون الشارع عشان يحطون بايبات للماء طيب ليه ماتنجزون معا بعض لان ماوراهم احد يحاسبهم

ادخل عشيرق تطلع والسيارة فيها الف صوت والغربية كذالك والمحدود واجزاء من الشمالية

لكن ادخل الشركة ولا حي الخليخ والله تنفتح نفسك على الشارع ...وهيهات وهيهات

لكن وين الناس الي يوقفون يد وحدة وينهون هالمسألة...؟

[بدرانو]

مشكلة الشوارع والطرق في جميع مدن المملكة
بتنحل ان شاء الله اذا كان هناك أمانة من المسئولين

شتان بين طرق اقامتها شركات كورية من 25-30 عام
وطرق اقامتها مؤسسات وشركات وطنية من سنة واحده
الفرق واضح وكبير وطبعا لصالح الشركات الأجنية ليتها
ترجع بس

شكرا على الطرح

يعيطك العافيه

[فهد990]

سؤال يسدح نفسه ليش مدير البلديه دائما مايكون من اهل المحافظه ؟؟؟


مدير البلديه مو هامته لا الشوارع ولاغيرها سياره من البلديه وبيته من البلديه واول مايتقاعد يقول سلالالالام ياخفجي

مايحك ظفرك مثل جلدك