كلمه من عندي وبيت شعر من عندك

[ححرف!]

السلام عليكم ورحمة الله وبركاته


تقريبآ شفت هالفكرره في أحد المنتديات وحبيت أنقلها لكم لأنها أعجبتني وأتمنى تعجبكم


وتشاركوني الفكرره وتتلخص في وضع كلمه والتالي يقول بيت شعر تحتوي هالكلمه ويختار


لنا كلمه جديده يعني الموضوع مبين من عنوانه ....؟


وأبدا بكلمه مثال ....؟


أختار أنا كلمة الغلا .... اللي بعدي يقول شعررر يحتوي على هالكلمه مثلآ


هلابك ياغلاروحي هلابك يالغلا والله

هلابك ياقصيدة عشق من شعري ووجداني

هلابك ياسما قلبي عدد خلآ لقى خله

هلابك ياهوى بالي كثر ما الصبر عناني


وبعد ما ينتهي يحط كلمه من عنده واللي بعده يقول بيت شعر يحتوي على هالكلمه ..... الخ ...؟


أتمنى الفكرره تعجبكم واتمنى المشاركه من الجميع



وأنا سأضع لكم كلمه وأول من يدخل يقول بيت شعر يحتوي على الكلمه سوا من عنده او قد قيل من

قبل وبعد ماينتهى يضع كلمه من عنده ..



(( الود ))

[ححرف!]

العضو المضاف

((أبو رائد))





وبالتوفيق للجميع

[كورن فلكس]

موضوع رائـــــع

ولي عودة بإذن الله

[أبو رائد]

في عيدٍ كل ما هبت عليه الكوس غصنٍ صـار
مثـل ورد الخزامـى وريحـة المشمـوم يرويهـا
عليـك الله وســلام الله يــا دار رجالـهـا أبــرار
ولــك مـنـي تحـيـة خـالـصـة بـالــود أهـديـهـا



الشاعره العمانيه:الحمدانيه

















سلمت على الاختيار


واللي بعدي اختار له كلمة



قلم

[غِنَــى !]

؛،
سر يا قلم وأكتب كلامي بعد ما طال السكوت
كلمة وفا وابغاك يا راعي ألوفا تفطن لها
الناس في الدنيا تعيش و في آخر العمر بتموت
كالشجرة اللي مرها العبد وجلس في ظلها
الكل يفنى ما على الدنيا مقر ولا ثبوت
بعض المناوي يتعب الرجال ما يصل لها
أهون بيوت الخلق عند الله بيت العنكبوت
وأعظم بيوت الله ليا قدر هدمها كلها
تب قبل ما تطوى السنين وموعد التوبة يفوت
صم زك حج وجاهدُ وكل الفرايض صلها
اذكر نهار يصير قبرك بيت من ضمن البيوت
وأهل القبور الله يعلم دوم وش يحصل لها
ينزل عليك من السماء مرسول لا وصلك تموت
والروح من بين الضلوع الضيقات يتلها
في ساعة والصدر ما بين التضايق والكبوت
كل العلوم اللي ترى في القلب ثمك يهلها
يا لله تجعل قوتنا يوم ألقيامه خير قوت
يا من تعز بعزتك قوم و قوم تذلها
هذي نصيحه قلتها مير السموحة في البيوت
أخذ النصيحة و أنتفع وأما القصيدة خلها
نصيحة بأرفع بها صوتي وأزيد الصوت صوت
أقولها واللي عقد روس الحبال يحلها
( الرجولة ) ..,
؛،

[كورن فلكس]

كان الرجولة بالمظاهر والاشكال
=عزالله اني ماعرفت الرجوله
وكان الرجوله بالمواقف والافعال
=عز الله اني مرتوي يالخجوله
ياجارحة احساس شاعر ورحال
=غريب تايه من زمان الطفوله
ماكل من يكشخ من الناس رجال
=الشخص جوهر وأفهمي ما اقوله
سطحية النظره ومعبودة المال
=مايعجبك شكل الغريب ونحوله
شكلي غلط لكن على الكود حمال
=ودرب الفخر نفسي عليه معلوله
والشاطر اللي يفتهم رمز الامثال
=كم داس وقتك من سلايل جموله
لاني بمغرورٍ ولاني بحيال
=لي روح عن باقي الخبول معزوله
باني لي اهدافٍ عظيمات وآمال
=والغيم من شافه ترجى هطوله
ولايندمج درب الدناسه والافعال
=والاصل يعرف من يتم بأصوله


الشاعر / سليمان المانع






" الشهامة "

[أرخصتهم واغليتك]

بسم الله الرحمن الرحيم

السلام عليكم ورحمة الله وبركاته

عزوز يعطيك العافيه ع الموضوع



حي الرجال اللي لهـم فعـل بالطيـب ***أهل الكرم والطيـب وأهـل الشهامـة
اللـي تخـاف الله وتـدرى مـن العيـب ***وتـدرى مـن الـزلـة وتــدرى المـلامـة
مثـل الصـقـور معكـفـات المخالـيـب ***دايـــم تـعـلـى فـــوق روس الـعـدامـة
لا جوهـم الضيفـان يلـقـون ترحـيـب ***ولـضـيـوفـهــم يــقــدمــون الــكــرامـــة
نعـم الرجـال اللـي تعـرف المواجيـب*** يـلـقـى الـمـعـزة ضـيـفـهـم واحـتـرامــه
لا جاهم المحتاج خالي من الجيب ***يدعـي لهـم مـن طيبـهـم بالسـلامـة
في قربهم تبـرى الجـروح المعاطيـب ***وفـي شورهـم مـا تغتشيـك النـدامـة
خـذوا مــن الدنـيـا دروس وتجـاريـب ***مـجـنـيـن اهــــل الــــرداء والـرخـامــة




,,مثلكم وشرواكم ,,






الطيب

[كورن فلكس]

الطيب بين الناس كاسب ومكسوب
واناالذي من طيب حظي كسبتك
اهل الخليج واحد وعشرين مليون
وانت تساويهم والا كنت وحدك




اللي بعدي
"الصبـــر"

[سـَمآ ♪]

تسلم يااعزوز..

ع الطرح....

[ححرف!]

ماشاء الله تبارك الله


الله يعطيكم الف الف عافيه

[ححرف!]

اصبر على الدهر إن أصبحت منغمسا
بالضيق في لجج تهوى الى لجج
لا تيأسن إذا ما ضقت من فرج
يأتي به الله في الروحات والدلج
فما تجرع كأس الصبر معتصم
بالله إلا أتاه الله بالفرج




الي بعدي

(( الفرج ))

[كورن فلكس]

جاك الفرج ياطير عقب اللهايب

عقب المقيضي والليالي المغابيش

سبعة اشهور موثق بالصلايب

مثل السجين وعند ناس مباليش

عليه للديان خمسة طلايب

ومن الغثاء زودعلى البال تشويش

جيتك اهلي يا عطيب الظرايب

ياقاطع اقلوب الحباري المخاريش

فعلك يذكر بين ربع وقرايب

واهل الولع من زين فعلك مداهيش

الصيرم اللي في افعوله عجايب

جول الحباري لا قفاهن مرابيش

العام اناء وياه مثل الصحايب

بارض قفاروالصحاري النشانيش

طلعه وكاد ولابعد رد خايب

اليا طلب ماقول طلعه على ويش

وتفاقعن من تحت قشعه رعايب

وتدافعن اتقول جمع مهاويش

وراج يتخيرطايب الكيف طايب

وسلط على خربن اشدوقه مداغيش

نزر على الثندات عضل النشايب

خلى العواشق من نجيره دناديش

ياطير اناء وياك حاضر و غايب

جيتك امولع بنقلتك والمطاريش

ياطير عقب سهيل نرجع حبايب

عزك بقلبي وللمحبه نغاميش

واليوم شفتك وشفت عزر المصايب

يوم شفت ريشك يابسات تقل حيش

وجتك الحفاة بين وكر ونصايب

ومن السويرق ذاويات بك الريش

وعضيت كفي عقب ذيك الطرايب

يوم شفت ربشك غاديات عكاريش

وجدره بخشمك واسفل البوز عايب

وفحه بصدرك ينسمع له خشاخيش

اناء احسبني بربطه الطير صايب

عند الذي ملبوسهم للطرابيش

وسلامتكم



اللي بعدي . . .

" الفـــــــــــراقــــ "

[شمس الرائدية]

شرَق هذا الفراق اللي كِسَرني حزَّة غروبك
.......................بغيتك وإستحَت عيني من الغلطات صدقني



الســـــــــراب

[كورن فلكس]

صار الهوى ياخفوقي مثل طر السراب
ماغير نسمع علومه بس مامن ذرا
القلب لامن برا ماله ومال العذاب
يمكن يحب العذاب ويمكن انه برا


للشاعر :أحمد الغشيان




الليـ بعديـ

" الرطوبـــــة "

[ديومه]

موفق بإذن الله ... لك مني أجمل تحية .