المساعد الشخصي الرقمي

مشاهدة النسخة كاملة : لاصرت بايعنى اشوفك على خير..!‎

الخفجاوى (2010)
30-06-2010, 04:14 AM
لاصرت بايعني اشوفك على خير
مع السلامه دام مابه سلامه
قلت انتهينا قلت لك خير ياطير
ماني بأول شخص يخسر غرامه
محذرك من قبلها الف تحذير
لاعفتني بيعيف قلبي هيامه
ماني بميت لا ولا احتاج تبرير
صح الله لسانك ووفر كلامه
باسمعك حكه وفكره وتصوير
وافهم عدل يامدعي بالفهامه
وجه الشعر ابيض ويحتاج تغيير
ودي تزين هالقصيده علامه
ماضيك الاسود باذكره دون تقصير
كذا يكون بخد هالشعر شامه
يصدق معى تعبير ويخون تعبير
ياضيعة الشاعر بوقت انسجامه
يمكن خطا ادونك باشعر مير
لو مااحترمتك للغرام احترامه
ماكان حبك غير بس طعنتك غير
علمتني معنى الندم والندامه
ماجاك مني أي زله وتقصير
كل ماخطيت اعاتبك بابتسامه
حسبي على الذكرى اذا هبت عصير
ماعاد تنفع شرهتي والملامه
البال ضامي وقتها والحزن بير
خسرتك وهمي كسبت اهتمامه
والليل فازع لك كذا جاني مغير
ظلمتني واكثر ظلمني ظلامه
لأقبل على اوحيت صوت المسايير
وفزيت كل ضيف نقوم بمقامه
وليا عزم هالليل ضيقه وتفكير
قلي بربك كيف بقدر انامه
مافيه داعي للعتب والمعاذير
الغدر خال الجرح واطيب عمامه
اما يجيب الله مطر تالي الخير
ولا السلامه ماش مامن سلامه

وتقبلوا تحياتى الخفجاوى2010
صانع الإبداع
30-06-2010, 09:11 AM
تسلم والله يعطيك العافية
عبدالعزيز الاحمد
30-06-2010, 10:52 AM
الخفجآوي ..!!
أختاير رائع وراقي ..!!
بارك الله فيك والله يعطيك العافيه على هذا الإنتقاء الجميل ..!!
سلمت ودمت ..!!
عاشق القمم
30-06-2010, 01:33 PM
كل الشكر لك
يا الخفجاوى 2010
على انتقاءك الرآآآئع
دووووووماً
...
أبو رائد
03-07-2010, 08:45 PM
تسلم يا الخفجاوي

والله يعطيك العافية

على هذا الاختيار
~أصداف~
25-07-2010, 12:04 AM
.
.

صح لسان محمد جارالله السهلي ..
سلمت على هذا الأختيار ..~


.
.