والله إني طرت بالسما على موتري

[سليمان الصقر]

دخلت الخفجي من طريق الكويت، ولما جيت دوار الكرنيش اخذت يمين وصار اتجاهي غرب الطريق واسع وعريض ولا هو داخل حواري وماخذ راحتي فيه وفجأة طرت بالسماء أنا وموتري ... والله من شدة الطيحة انفكت المرتبة اللي ورى ، وأنا أنزل واطالع ولا بقدرة قادر مطب صناعي رهيب وحجمه كبير مادري متى حطوه ومنين جابوه واول شي قلته حسبنا الله ونعم الوكيل وياما وصلت البيت وأنا أحسبن على اللي حطه وبعدها بكم يوم مريت من عند نفس المطب ولا صابغينه قال يعني مسوين شي ، والله إن المطبات بالخفجي لعبت بمواترنا لعب وبعدين ودنا يجيبون هذا اللي يحط المطبات بالخفجي ويسائلونه على أي أساس قاعد تحط مطبات بالخفجي يعني مثلا قاعد تمشي بالخفجي ومشغل العداد وكل 10متر تحط مطب ولا كل من جاك بخطاب ومعه ثنين ثلاثة حطيتلهم مطب ولا قاعد تتمشى وكل ماشفت لك تقاطع ما فيه مطب قلت حطوا هنا مطب ولا المطب علاج سحري لكل مشاكل المرور أي شكوى حط مطب أي حادث حط مطب أي تفحيط حط مطب أي سرعة حط مطب أنا شكلي أبي أحد لوحة بمدخل الخفجي أكتب عليها ( مرحبا بكم في مدينة الخفجي مدينة المليون مطب )

[عبدالله العوفي]

اخر الافكار ياسليمان تدري وشي لصناعة المطبات الصناعية بالخفجي


http://toha121.googlepages.com/1198673689_01_skorosti.jpg

http://toha121.googlepages.com/1198673696_03_skorosti.jpg



http://toha121.googlepages.com/1198673702_02_skorosti.jpg

وشورايك فيها

[خفجاوي زمان]

على هونك وانا أخوك لية طاير بالسماء أنت وموترك ارفق بعمرك
السرعة هلاااااااااااااااااااااااااااك


وبعدين المطبات بصراحة تخفف من الحوادث 0

ووجودها خاصة بالحواري ضروري جدا ً

تخيل وانت مسرع بالحارة وفجأة لقيت قدامك ورع وقتها راح تقول ليتهم حاطين ألف مطب ماهو بس مطب واحد

[ابتسـ ألم ـامة]

http://www.alraidiah.net/up/ar/alm1.gif

:101: هلا وغلا :101:



الله يعينكم على المطبات



بصراحة



أعجبتني مطبات تألم حتى تعلم


فكرة رائعة


بس أتوقع تسبب حوادث مميتة الله يحفظ الجميع



يعطيك العافية




دمتم بحفظ الباري
:101: وعلى الخير بإذن الله نلتقي :101:
http://www.alraidiah.net/up/ar/alm2.gif
كلمــات مـن ذهـب
قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ((أَكْثِرُوا ذِكْرَ هَاذِمِ اللَّذَّاتِ يَعْنِي الْمَوْتَ)) .
إنّه أمرٌ نبويٌّ ، أكثروا ذكر هاذم اللذات ، مفرق الأحباب ، مشتت الجماعات .
عش ما شئت فإنك ميت .
وأحبب ما شئت فإنك مفارقه .
واعمل ما شئت فإنك مجزي به .

[مســاعد]

اخوي الحبيب انت تقصد المطبه الموجود عند محطة الكيلو من جهت الدوار الي من جه الشيخ ابن مسدر رحمه الله



في نفس الموقع اخي الكريم تعرض سائق مطعم كنتاكي لحادث مروري

ادى الى دخول السائق في غيبوبه


ولانعلم عن حالته الصحيه الى الان مع العلم انه كان يعاني من نزيف بالدماغ والصدر وكسر في اربع اضلع من القفص الصدري
وكسر في الحوض

نسئل الله الرحمه له


السرعه اجبرت البلديه على مثل هذه المطبات


بحكم عدم وجود وعي للسائق بخصوص السرعه ونتائجها

نسئل الله العافيه

[أنس بن مالك]

والله إنك صادق
أنا مع المطبات حتى لو كانت كثيرة لكن بشرطين :-

الأول / أن يكون المطب سلس وغير مرتفع بالمرة وبنفس الوقت يكون عريض .

الثاني / أن يصبغ المطب باللون الأصفر الفسفوري بإستمرار حتى يكون واضح .

والمشكلة أن أصحاب السيارات الصغيرة يعانون من مطبات الخفجي بسبب إحتكاك السيارة في المطب .

وحقيقةً أفض مطبات بالخفجي التي وضعت جديدة عند دوار هانديز وياليت البلدية تغير كل مطبات الخفجي مثلها .

[نواف الفهاد]

:
:

منت لحآلك .. كلنا .. طايرين .. :biggrin: ..!!
و كلآمك كله .. صحيح .. و .. عشرة على عشرة ........!!
الخفجي كلها .. مطبآت .. و .. حفريات ......!!
و كل ماعجز .. واحد .. عن ( لملمة عياله ) .. قال .. أبغآلي مطب .. :cool: ..!!
ياخوي .. ضف ّ عيالك .. و ريــّــحنا ... و ريــّــح بالك ...............!!
أقسم بـ الله .. أن الواحد .. لآ جاء يطلع من بيته ..!!
يكره عيشته .. من كثر المطبات .. والحفريات .............!!
بـ الخفجي .. و .. شوارعها .. اللي ...!!
ماهي شوارع ..!!
و كل الأعذار .. اللي يتعذّرون فيها .. مالها .. مكان .. أبد ..........!!
وكل ماحاولت .. الإقتناع بها ..........................!!
ترتسم عبارة ............................!!
ألعب غيرها ..!!
إلين صآرت شوارع الخفجي .. تدبل التسبد .......................!!
و صارت شوارعنا .. على نوعين .......................!!
الأول .. شارع كله حفريات .. و كوارث ......!!
و الثاني .. شارع تمشي حاله .. لكن .. ممتلي مطبات ................!!
وماتستفيد من المشي عليه ...!!
بـ سيارتك ...!!




و .. أختر الحلّ الصعب .. يا حفريات .. يامطبّ ... :cool: ..!!



:
:

أشكر لك أخوي .. طرحك للموضوع هذآ ..............!!
الذي أتمنى أن ينظر لنا .. من خلاله أصحاب الشأن .. بـ نظرة الشفقة ..!!
لأننا .. والله .. ملينا .. من الصناعية .. و الورش اللي فيها ....!!
كل يومين .. طالعين لهم .. والسبب هـ الشوارع و المطبات ...................!!
مع ان سياراتنا .. جديدة ................................!!
لكن مالنا إلا ... ترديد ........................!
حسبنا الله ونعم الوكيل ..!!

:101:

:
:

لك كل ودي ...............!
سلالالالالالالام ..!!

[الكمبيوتر]

أنا مع كلام أخوي أنس بن مالك .كثرة المطبات ليست هي الحل لمشكلة السرعه والدليل إن كل مدن المملكه الصغيره والكبيره لايوجد فيها من المطبات مثل الكم الهائل الموجود عندنا.

وأكبر مثال هو شارع 18 بالشماليه الموازي لشارع الستين .

وباعتقادي لايوجد شارع بالخفجي سليم إذا مافيه مطب تحصل حفريات

[القوس]

أنا مع المطبات حتى لو كانت كثيرة لكن
تكون ملونه فى الون الصفر او الفسفورى

او يوضع عيون القطط
اشكرك اخى على موضوعك
تقبل تحياتى

[سليمان الصقر]

ياخوي يا مساعد مو معقوله كل ما صار حادث ملو الموقع مطبات وبعدين ليش نعاقب جميع أهل الحي علشان واحد غشيم ولا متهور وبعدين ما فيه أي علاقة مابين عدد المطبات وعدد الحوادث و ترى أغلب حوادثنا من هالعمال اللي ما يعرفون يسوقون وشفهم مالين الخفجي بديرته تكرمون ما يركب إلا الحمير وجاي عندنا مسوي فيها سواق ولا يهونون حقين توصيل طلبات المطاعم ، تلقى معه عشرين طلب ويبغى يوصلها بعشر دقايق والعالم شغالين عليه بالجوالات .
وبعدين وين دور المرور في تقليص عدد الحوادث وين التوعية وين الدوريات وين الدراسات المبنية على الإحصائيات والأرقام وين اللوحات التحذيرية وين علامات الطرق ، ولو سلمنا جدلا أن وجود هالمطب ضرورة ملحة ليش ما حطو إشارة فلشر أو عيون القطط أو حطو مطبات خفيفة قبل المطب ب50 متر أو لوحة أو أي شي يعلمنا ان قدامك مطب وترى حتى تلوين المطب ماينفع لأنه يومين ويروح اللون
والله يا ناس قاعدين ندفع فواتير مالنا أي علاقة فيها فواتير اهمال غيرنا وبعدين المرور ما عندهم حل إلا حط مطب ولا سكر التقاطع عزالله رحنا فيها

[شرشر]

اي والله انها ( مدينة المليون مطب )

وكثرة مطباتهم يحاسبون انهم حافظوا على نظافة او ترتيب المدينة .. مادروا انهم اعفسونا فوق تحت ...

حسبي الله عليهم توصل لمحل قريب .. وترجع والا العكوس قايمة عليك والسفايف لها صياح ...

حسبي الله ونعم الوكيل


يعطيك العافية على موضوعك

[كلي خفجاويه]

مطــبات الخـفجي كـله كــووووم والمـطب اللي بحـارتنا كـوم ثاااني :biggrin:


الله يهـدي جارنا حط لنا مـطب مدري من وين جـايبه ..

الله يعــين بس

واذا على السـيارات هـدوووو السـرعه وش له طـايرين

[مطلق الشمري]

والله العظيم شارعنا 15 وفية اربع بيوت حتى ماهو شارع عام ولا حولة لا مدرسة ولا مسجد

راح جارنا الله يهدية البلدية

وحط مطبتين وحدة اكبر من الثانية

وحدة قبل بيتة والثانية بعد بيتة

يعني اللي بيدخل الشارع لازم ياكلهن كلهن

واللي العن

انه يقول لجيرانا انه يعرف اللي عالمطبات بالبلدية واللي يبي مطبة عند بيتة يعلمة

ومن بكرا الصبح المطبة جاهزة عند باب البيت


هزلت

[أنس بن مالك]

والله ياناس إن جاري بعشيرق حاط مطب قدام بيته قسم بالله إني إذا مريت من عند المطب أجلس خمس دقايق وأنا واقف عند المطب من القهر وعشر دقايق وأنا أحاول أمر من المطب من دون ما تحك السيارة ومع ذلك كل مرة لازم تحك السيارة , وقسم بالله إن أكثر من مرة اللي أشوف سيارات تمر من عند المطب وتنشق صرة الزيت ومع ذلك البلدية همها الوحيد تعقيد المواطن فقط .

[سليمان الصقر]

أنا والله كنت تأكد إن وضع المطبات بالخفجي فوضى بفوضى ولما قرأت الردود تأكدت أكثر إن الوضع مهزلة ، ياناس معقولة موضوع المطبات يكون بيد موظف تروح تقدم عليه طلب ويصرفلك مطب وإذا انت عزيز وغالي يعطيك مطبين إلى هالدرجة استهانة بالعالم ليش سياراتنا ما هي بفلوس ليش المطب ما يلعب بالسيارة ممن يقول واحد خذ المطب بشويش ، أقول علمني إن فيه مطب حط علامه أو أي شي ينبهني إن فيه مطب والله مره طلعت من البيت العصر ورجعت بعد صلاة العشا ولا جاري حاط له مطب وطبعاً خذيته سفري لأنه داخل الحاره وعلى لفه والمطب أسود ( تقول متعمدين يوكلونك المطب غصب ) ، وبعدين ترى ما ينقص عمر الموتر إلا هالمطبات الأذرعة والوزنية وكراسي المكينة والمساعديات وجميع ربلات السيارة والصوف والجلد ومواصير التبريد ومواصير الماء ومواصيرالزيوت .... إلخ كلها تلعب فيها المطبات لعب فلذلك لا تستغرب لما تشوف بقع زيت قدام باب بيتك وأتوقع إنها ظاهره طبيعية في الخفجي كل بيت قدامه بقع زيوت متعددة الأحجام والألوان ، والمصيبة أن عدد المطبات بالخفجي بازديات حتى لو تقول أب أحفظ مواقعها ما تقدر كل يوم طالعلك مطب وأن شكلي أبي أسوي مسابقة اللي يدخل الخفجي ويطلع من غير ما ياكل مطب راح أعطيه جائزة وأبي أقترح عليهم يحطون المسابقة ضمن فعاليات (( كلنا الخفجي ))
((محباَ بكم في مدينة الخفجي مدينة البترول والمطبات ))

[أبو الوليد]

.

http://www.alraidiah.org/up/up/22951235720081217.gif






وضع المطبات في الخفجي أصبح مزريا بــ الفعل .. ...!!




المطبة اللي إنت أخذته طاير ....!!



أخذته أنا ويغيت أطيّر اللي قدامي :cool:





المفترض يكون هناكــ لوائح وقيود للمطبات نلاحظ أن الارتفاع والعرض أصبح بناء على المزاج .. ....!!



مطبات الخفجي لآ أتوقع أحد منها مشابهة للثاني .. .. ووضع السيارات لن أزيد فيه على كلامك ....!!



المفترض أن يكون هناكـ حل وسط ...!!






وإلا أنصحكـ يا أخوي تشتري .../







^




^



^



^



^



^



^



^




http://www.alraidiah.org/up/up/27834133920100705.jpg




لـــ تحدّي جميع أنواع المطبات :biggrin:










::


:101: وفقكم الباري :101:

http://www.alraidiah.org/up/up/22951247020081217.gif

:101: .. .. ومضـــــــــــــــــــــة .. .. :101:

من شجرة واحده تصنع مليون عود كبريت ..!!
ويمكن لعود كبريت واحد أن يحرق مليون شجرة ..!
لذلك
لا تدع أمر سلبي واحد يؤثر على ملايين الإيجابيات في حياتك .

[عاشق 11]

على طاري سياست البلديه في وضع المطبات
والله اذكر كانت سياره تتمشى في الحاره توقفه
ويحطون لك مطب بالمكان الي تحددهـ انت
ومتلت الحاره مطبات وبعد كم يوم شالو كل المطبات الي حطوهآ

[عشق الشمال]

احمد ربك ياسليمان


غيرك يبي يطير للسما ومهو قاااااادر :biggrin:

[مطلق الشمري]

قبل فترة رحت البلدية ابي منهم يشيلون مطب واحد ويخلوون الثاني عالاقل

لانها مطبات غبية وربي

شارع 15 متفرع من شارع الستين

مع احترامي لكم حتى لو كان الفني او المهندس هندي ما ابغى اقول حمار احتراماً لمشارعكم:frown: واشك انه فية فني اصلا

حط الاسفلت فوق بعض وامشي وصار مطب

لا مواصفات ولا مقاييس

يعني توقف سيارتين ورا بعض بشارع 15 تقفل شارع الستين

المهم رحت ابيهم يشيلون المطب

قالوا ماهي شغلتنا

حنا نحط بس

اذا عندك شكوى رح اشتك عالمرور

قلت لهم المرور وش دخلهم هالحين

يعني انتم اخذتوا منهم اذن قبل تحطون المطبات

قالوا هذا النظام اكتب معروض وشكوى للمرور وتابع معاهم

الا صارت قصة عنتر

رجعت البيت ولليوم كل ما جيت المطب ادعي على اللي حط المطبات والبلدية

وتحياتي القلبية للبلدية

[الضيغم]

والله ياناس إن جاري بعشيرق حاط مطب قدام بيته قسم بالله إني إذا مريت من عند المطب أجلس خمس دقايق وأنا واقف عند المطب من القهر وعشر دقايق وأنا أحاول أمر من المطب من دون ما تحك السيارة ومع ذلك كل مرة لازم تحك السيارة , وقسم بالله إن أكثر من مرة اللي أشوف سيارات تمر من عند المطب وتنشق صرة الزيت ومع ذلك البلدية همها الوحيد تعقيد المواطن فقط




أسكت أسكت تكفى لا تكمل . . . قمت أبتسي على حالتك ..



قهر قهر ..


انا حلمت أن قدام بيتنا مطبه قمت منخرش وركض للباب الخارجي .. والحمد لله طلعت كوابيس ..


ومفسر احلام ضحك وقال راح يتحقق الحلم عن قريب ..

آآآآه yd.885

[حمود الخفجي]

هههههههههههه
ترا المطبات مفيدة للحوامل يعني راكبه مع اخوها واخوها ماشاف المطبة وهي بالشهر التاسع ولللحين ما ولدت ويطق المطبة وتسمع صراخ الجاهل ولا المرا ولدت ههههههههههه والسبب البلدية هههههههه:d:d:d

[بشاش]

الله يعين على المطبات الجديدة

قوية مره،،والله مجربها زيك

أخ/سليمان،تسلم يديك..

ولكم تحياتي

[الحياة مدرسة]

اولا صراحه موضوع جميل جدا ومشكلة المطبات عندنا ليست هي كثرتها بالعكس ولكن المشكله في شكل المطبه ، يعني يحطونها بحجم كبير مره وبعذر الناس تشتكي ، لكن لو يخلونها مثل مطاب الشركه او المطاب الجديده الي حاطينها عند دوار الساعه بالغربيه ، هذي هي المطاب الي تفتح النفس ولا أحد يشتكي عليها ..

[خوويلد]

الله يجزاك خـير على التنبيه
بس لو انـك مصورهـ احـــســن ..؟
لاتحسبني مكذبه لا وربي
بس ابي اشوف الا وين وصلوهـا ..؟

[ŘễMẾmβER Mẻ]

خخخخخخخخ ........ الله يعينكم ....:d

[كرمان]

الظاهر انكم فاضين
تناقشوا في موضوع مفيد احسن لكم
وش اللي بغيت اطير وموتري
انتوا مايفيد فيكم الا مطبات حفر احسن

:mad: :mad:

[وَ]

^

^


كيف الحـآل كرمـآن .؟!


:

المطبـآت العشوآئية هذه مثل حيلة العـآجز ..!!
من البلدية , و المرور اللي مو قـآدر يضبط الشباب


و فعلاً هذه الفكره عندهم .. اذا صـآر حـآدث في تقـآطع
او داخل حي او في اي مكـآن
حطوا مطب مكـآنه .. كأنه تكريم و تخليد لـ اصحـآب الحـآدث


عشوائية و تقصير و عدم مبـآلاه و خلل وآضح
بين المرور والبلدية

بسألكم ..

شنو عقوبة المُفحط عند مرور الخفجي .؟
و هل تُطبق .؟
شنو عقوبة السرعه الجنونيه عندهم .؟
و هل تُطبق .؟


لو طُبقْ النظـآم هل راح نحتـآج لـ المطبـآت .؟



هل اللي يعمل المطبـآت [ متخصص ] يـ بلدية الخفجي
خـآصه اللي بـ الحواري .؟

اقسم بالله انه المهندس المختص مايشوف المطب
و ان العمـآل هم يعملون مقاسه من عقولهم
او من صـآحب طلب المطب ..!!

:


:


شكل المطبـآت عندنـآ موضه او غِيريه بين النـآس ..!!




مـآ اقول الا الشكوى لله

[ماجد منيف]

يس يس يالحبيب
والله المطب
الي عند اخر شارع
سوق الذهب
لو انك ضاربه
كان جلسنا ندورك
في المريخ
ههههههههههههه


المطبات والله لها فايده
بس ياخي شوفوا مطبات
الكويت
يالبيه
ياخي مثل ماقالوا الاخوان
يخلونه عريض وواطي
وملون
او عيون القطط

اصلا لو يلونون الشارع
بشكل كانه مطب
او يحطون عيون قطط بدون
مطب
كفا ووفا

بس مطب
طوله متر
وعرضه عشرين سنتم


ههههههههههه

والله ماقاهرني الا المطب
الي نهاية سوق الذهب

ياشيخ مااوقعت الا على نهاية الشاعر

مفروض اول مايحط المطب
يصبغ
مو يجلس شهر
لين ماندخل سياراتنا الصناعيه
يصبغونها

[فيصل الجدي]

وشمطيرك اخوي وبعدين تقول طارت السياره ما يمديك تسرع اصلا من الدوار الى المطبه يمكن 100 متر