المساعد الشخصي الرقمي

مشاهدة النسخة كاملة : دق سلف الجييب..


راضـــي
23-10-2004, 10:35 PM
يازقـارة* يازقـارة يـا زقــارة ولعي من نـار شوقـي والحنيـن
ولعي لين الخفـوق تشـب نـاره ولعي بضلوع ذا الصـدر الغبيـن
احرقي جروح(ن) بتفقع لي مرارة احرقي صفحـات همـي والانيـن
خوفي انك لو ترا تقبـس شـرارة ينفجر لغم(ن) بصدري لـه سنيـن
ثم يصير اليـوم يامطـول نهـاره يانهار اللـي تنـى ...والمقبليـن
صابهم سلـب وتـوزوا بالمغـارة ليلهـم قافـي ولـكـن جايعـيـن
شقو القربه.. وباقي فـي غبـاره العـدو ...والـزاد زاد السالبيـن
والهواجس غارة(ن) من عقب غارة تقتل و فكري جيوشـه خاضعيـن
ترفع الضغط.. وتـزود بالحـرارة مانفع بصـداع راسـي" اسبريـن"
راشد المنعـور بلـغ ذا السفـارة قلهـم قلبـه مـن الفرقـا حزيـن
قلهم شفـه تـرا "دبـي" ومطـاره فيزة(ن) له تنتهـي المـدة بحيـن
ناوي(ن) بالعرس لو فاتـه قطـاره عازب(ن) ماله على بقعـا ضنيـن
دق سلف الجيب يـاراع السيـارة لين ما صوت الكفر يشكي الونيـن
سوقها يـم الحبيـب اللـي ديـاره يـم نجـد اللـي اهلهـا مكرميـن
مكرمين الضيف ما كمـل عبـارة قبـل يوصـل للكرامـه ذابحيـن
الغـلا بانـي لـه بقلبـي منـارة منور(ن) من نورها نور(ن) بعيـن
من غلاها عايف(ن) نوره وسـارة شفـي اللـي بالحنايـا ساكنـيـن
خالد(ن) با اول لقا واخـر زيـارة قلب ذيب.. وعقله العقل الرزيـن
طير حر(ن) يفهمك لـو بالاشـارة كم نظير(ن) يشبعـه وكـم يميـن

بركـ الحب ـان
25-10-2004, 05:22 PM
سوقها يـم الحبيـب اللـي ديـاره يـم نجـد اللـي اهلهـا مكرميـن
مكرمين الضيف ما كمـل عبـارة قبـل يوصـل للكرامـه ذابحيـن


جميل وصح السانك



بركـ الحب ـان

عبدالعزيز الجلعود
26-10-2004, 01:33 AM
مشور

اكادونا


ولكن ما وضحت القصيده لمن

القصيده أعجبتني ياليت تخبرنا لمن

تحيايي

راضـــي
26-10-2004, 02:48 AM
شاكر مرورك وطلتك البهية

أخوي / بركـــــــــان الحـــــــــــــب

تحياتي لك

راضـــي
26-10-2004, 02:52 AM
العفو أبو ريـــــــــــان

ومشكووووووور على المرور

لم يتسنى لي معرفة الشاعر

وشكرا لك مرة ثانية

تحياتي لك

روكـ
24-11-2010, 12:35 PM
بسم الله الرحمن الرحيم
السلام عليكم ورحمة الله وبركاته





يعطيك العافية