مستشفيات الحكومه والمستشفيات الخاصه

[الحياة مدرسة]

بسم الله الرحمن الرحيم


الحمدلله والصلاة والسلام على رسول الله وعلى آله وصحبه أجمعين ...


إذا سألنا انفسنا الحين وش الفرق بين المستشفيات الحكوميه والمستشفيات الخاصه ، كل المستشفيات لديها مثل الاجهزه ولديها أطباء لكن اموت واعرف وش الفرق ..

لان انتشر عند جميع الناس ان المستشفيات الخاصه افضل مليون مره من المستشفيات الحكوميه وهذا ما نراه .

لما تروح لمستشفى حكومه والله ياخذ الدكتور أكثر من 10 دقايق يالله يجيك وإذا تكلمت معاه كأنه يتمنن عليك وإذا عالجك وخلص يبي فرقاك.

أنا ابي اعرف هو وين رايح يوم ينادونه يجي وليه هالنفسيه الخايسه منه مدري كأني جايه في بيتهم ..

لكن بالعكس لما تروح لمستشفى خاص تلقاهم يجونك ومهتمين فيك ويضحك معاك الدكتور ويقولك اليوم تنام هنا ما تروح كله من شان صحتي ويعطيني احسن الادويه .

مدري ليه صارت السمعه كذا يعني لو انهم يسكرون المستشفيات الحكوميه والله اصرف واحسن لانهم والله ماهم دكاتره بالعكس انا اجزم انهم جزارين ولا انهم شارين الشهاده ..

أرجوا أنه يتحسن الوضع للأحسن والله مو عشاني لا والله من شان هالمساكين الي ما يقدرون يتعالجون بالمستشفيات الخاصه ..

الله يعين بس ..

والسلام عليكم ورحمة الله وبركاته ....

:101::101::101::101::101::101::101::101::101::101: :101::101::101::101::101::101::101::101::101:

[سطام الشمري]

الحياة مدرسة

موضوع في غاية الروعه


حجز ,,, ولي عوده وسأكشف كل ماتريدون

[عبدالله بركه]

كلام واقعي من الواقع المر الذي نراه من مستشفياتنا وللأسف


الحياة مدرسة

موضوع جميل وطرح رائع

والأجمل من ذلك أننا ننتظر أخونا سطام الشمري

لكشف كل التساؤلات

فلا شك أنه سيفيدنا بحكم خبرته الطويلة في مجال الصحة

تقبلوا مروري

[لحن الحزن]

بصراحه موضوع في غاية الاهميه والله يعطيك العافية عليه

بالنسبة للمستشفيات الحكومية مايحتاج نتكلف في حل اسرارها كل ماعليك او ارتداء ثوبك او عبائتك والذهاب الى المستشفي والجلوس والنظر ....

سوف تجدين المحسوبيه والاهتمام الفاشل اذا المدير بالدف ضارب فشيمت الموظفين الرقص

حذرت ومازلت احذر من مستشفي الخفجي الحكومية والاهمال الذي يقع به

والكثير الكثير من زوار الخفجي يقولون ماذا تنتظرون يا اهالي الخفجي هل تنتظرون ان يصل عددكم 10 اضعافه لكي تتحدثوا

المستشفي ماعليه قصور وكل ميزانياته توصل له وكل طلباته مجابه ولكن باقي الاداره يجب تغييرها بأداره تقدر النظام وتحترم روح الانسان

اهمال من كل الجهات ومواعيد لا تستحق ان تأجل ليوم واحد ومع هذا تجد كل هذا التسيب احد الاصدقاء يقول لو مستشفي الخفجي العام موجود بالدمام كان اهالي الدمام اكل موظيفه وادارته الكسوله العاجزه عن تقديم الخدمات يا اخي كرسي متحرك للعجزه وكبار السن لا يوجد وغيرها الكثير

ولكن السؤال هنا من المسؤول نحن المسؤولين اصبحنا نغطي رؤوسنا الى ان قالت ادارة المستشفي هؤلاء مجرد اغنام في حوش كل صيحه تتغير من مكانها

عليكم بالحذر الحذر من مخاطر مستشفي الخفجي العام

والله يرحم شهداء هذا المستشفي سواء كبار كانوا او اطفال ...

والله ينتقم من كل مهمل ومقصر في هذا المستشفي والذي تهاون في ارواح ابنائنا وبناتنا ....


اما المستشفيات الخاصه

فهي مستشفيات جيبك وماتعطي ...تحاليل واشعة لما تقول خلص يا بشر ماتسوي كل هذا فلوس في فلوس وكأنما الخدمه فايف ستر

والخدمه بالاساس اسوء بكثير من يقال عنه مستشفي سبيل او مستشفي مفتوح مثل الذي في كراتشي وكابول بالشوارع يتم العلاج


خدمة سيئه في الاداره تسجل موعدك الساعه 9 ونص تكتشف ان ابو عرام مقدم عليك 6 اشخاص وان موعدك صار الساعه 12 و عشر دقائق

تدخل على الدكتور بعد عناء طويل من الانتظار سوء غرف الانتظار وكراسيها التي تذكرني بمراكز الصيفية الرخيصه والحر والرطوبة

يعني مستشفي اهلي كل قسم فيه كرسيين بالجدار للمراجعين اين غرف الانتظار ولما تناديك الهنديه او الفلبينيه يصير اسمك من عبدالله الى بوبله يعني امر مضحك هو انت لاقيها من مرضك او لاقيه من الموعد او لاقيها من اللي ينادي بأسمك كلها امور تزيد عليك المرض وقد تفتك بك

وصلنا الى الدكتور وفحصك الدكتور واعطاك روشيته طول وعرض وبالاخير تكتشف ان مرضك هذا تشخصية خطأ وتعود من جديد

ويتعاني من الموعد والانتظار ومحاولات حل شفرت الاسم التي تنطق بها السيستر

وبعد وصولك يقول لك الطبيب طيب خلينا نعم فحص يلا اركض ورح اعمل تحليل وتعالي تروح واذا فيك خير ارجع كل ما تضرب الباب تقول عملت تحليل يقولك طيب بعدين بعدين هو مين انتا تقول اللي قبل اشوي قلت اعمل تحليل وتعال قالك طيب خذ موعد من جديد

لا نظام ولا احترام ولا اي تقدير ومع هذا يتم سلب اموالنا تحت شعار مستشفي اهلي

والسبب هو اهمال المستشفى العام لو المستشفي العام يقوم بدوره لما احتاج مواطنوا الخفجي ان يدفع قرش في مستشفي اهلي

واعتذر عن الاطاله ولك كل التحية

[سطام الشمري]

بسم الله الرحمن الرحيم

السلام عليكم ورحمة الله وبركاته

في البداية أحب أن أشكرك على هذا الموضوع الأكثر من رائع

لأنه فعلاً هنالك أشخاص مايعرفون إيش الفرق بين الخاص والعام

وهذا اللي راح أوضحه لكم وذلك بحكم عملي في المجال الصحي

في الخاص والعام.


بدايتاً راح أرد على بعض النقاط:


إذا سألنا انفسنا الحين وش الفرق بين المستشفيات الحكوميه والمستشفيات الخاصه ، كل المستشفيات لديها مثل الاجهزه ولديها أطباء لكن اموت واعرف وش الفرق ..


بالنسبه للمستشفيات الحكومية فهي تتبع لوزارة الصحة

ولو نسأل أنفسنا سؤال !! كم عدد المستشفيات الحكومية في المملكة؟

مديريات الشؤون الصحية حوالي 114 مديرية
المستشفيات المركزية حوالي 54 مستشفى
المستشفيات العامه حوالي 221 مستشفى
المراكز الصحية 1692 مركز صحي

(هذه الإحصائية من موقع وزارة الصحة)


ولما نقول مستشفى حكومي يعني وزارة الصحة


إذاً دعونا نجعل المقارنة بين وزارة الصحة والقطاع الخاص


هناك ميزانية من وزارة الصحة توزع على جميع المستشفيات الحكومية كل سنه

فبرأيكم كم الميزانية التي ستكفي لهذا العدد من المستشفيات؟

يعني أحياناً المستشفى مابيده قرار لأن القرار بيد الشوؤن الصحية بالمديرية



أما القطاع الخاص:

فتكون ميزانيته مخصصه له فقط ويستطيع من
خلالها أن يحضر أفضل الأطباء وأفضل الأجهزة الطبية


لما تروح لمستشفى حكومه والله ياخذ الدكتور أكثر من 10 دقايق يالله يجيك وإذا تكلمت معاه كأنه يتمنن عليك وإذا عالجك وخلص يبي فرقاك.


هنا أحياناً يكون طبيب واحد يغطي عدة أقسام وذلك بحكم نقص الكوادر بالنسبه للقطاع الحكومي.

أما الخاص: كل طبيب له تخصصه وكل طبيب له مجاله.



مدري ليه صارت السمعه كذا يعني لو انهم يسكرون المستشفيات الحكوميه والله اصرف واحسن لانهم والله ماهم دكاتره بالعكس انا اجزم انهم جزارين ولا انهم شارين الشهاده ..


هنا أصابعك ماهي سوى... فيه فعلاً أطباء حمير ولكن بالمقابل فيه أطباء فاهمين شغلهم زين



والسلام عليكم ورحمة الله وبركاته ....


وعليكم السلام ورحمة الله وبركاتة



هذا الرد على مسؤوليتي وليس دفاعاً عن القطاعين.

سطام بن سعد الشمري
مستشفى عمليات الخفجي المشتركة

[أبو حسان]

أشكر الحياة مدرسة
على هذا الموضوع الرائع لكن إذا زرت المستشفى الخاص قدمت مقبل الخدمه الشئ الكثير .

[بشاش]

*الحياة مدرسة*

اشكرك على الموضوع الراآآآآائع،،

واتمنى لك التوفيق

[مطلق الشمري]

مساء الخير عالجميع


انا بتكلم عن مستشفى الخفجي العام

وربي انه من افضل مستشفيات وزارة الصحة على مستوى المملكة

رعاية ونظافة واهتمام

ممكن بالماضي كان سمعتة سيئة لانه جديد ولسة ما اكتسبوا خبرة

لكن حاليا

عكس هالصورة

فالمستشفى يعود لمى تخصصة وزارة الصحة وما تصرفة الوزارة

هناك ناس تعمل بجد واغلب ما تراة من خدمات هو اجتهاد شخصي لا تعلم انت عنه شيئاً ولا وزارة الصحة

وعلى راسهم مدير المستشفى جزاة الله خير

وياليت ما نتكلم من فراغ

اللي عندة مشكله معينة صارت في مستشفى الخفجي

يتكلم عنها

بشكل واضح ويتناقش ويشوف اذا له حق وانه فعلا هناك تسيب

بصراحة في منتدى الرائدية هناك ناس عندهم فكرة عارض وتذمر لمجرد العناد بس

مسوين فيها دولة قطر

لازم يعترضون ويتذمرون من كل شي


وبالنسبة لتاجيل مواعيد مرضى اليوم الواحد

اتحدي كل الخفجي بانة يجي مريض اعطاة الدكتور موعد بنفس اليوم وما دخل عالعيادة

واتحدي كل مراجع كانت حالته طارئة وما طلبوا له الاستشاري بنفس الوقت ان شاءالله الساعه2 بالليل وكشف علية

تحياتي

[الحياة مدرسة]

اشكر الجميع على هذه الردود الجميله وأخص الشكر للاخ / سطام الشمري على هذا الإيضاح الجيد واحترامي للدكاتره الذين اخلصوا في عملهم ..

والسلام عليكم ورحمة الله وبركاته ...

[*عمق البحر*]

السلام عليكم ورحمة الله وبركاته....

الحياة مدرسة شكرا على هذا الموضوع الجميل الذي كنت بصدد الكتابة عنه..وذلك لسوووووووء التعامل في المستشفى الحكومي(مستشفى الخفجي العام)

الفرق وااااااضح جداَ؟؟

بقولكم حاجة حصلت وأنتم أحكموا دام فيه موضوع أنفتح عن المستشفى العام..




أختي خذت عيالها للمستشفى أول مره تدخلة بحكم أنها ماهي من الخفجي..
المهم..فيه جروح برجول عيالها وحابه تسوي لهم تنظيف..طبعاَ الممرضين سعوديين كلهم..
جت أختنا العزيزة الممرضة السعودية الأخت تبي تسوي نفسها فاهمة وواثقة.. راحت تقيس درجة حرارة ولد أختي بأطراف أصابعها على عضد الولد
طبعاَ وتكتب درجة الحرارة عندها طبعاً الولد الثاني سحبت عليه وكتبت درجة حرارة الأول للثاني يعني درجة حرارتهم كلهم وحده ..
طبعاَ أنتم عارفين العضد مافيه حرارة لو أن درجة حرارة الإنسان 40 درجة العضد بارد...سكتنا ومررناها لأننا متأكدين أن أولاد أختي مافيهم حرارة..

المصيبة العظمى..
لما جاء تنظيف الجروح اللي برجول عيال أختي جاء الممرض السعودي..
هههههههههههه ينظف الجروح ورجولهم تتدلى (تتدودل) من فوق السرير ...
يعني بالله عليكم كيف يقدر ينظفه وهي تتدودل من السرير ومنزل راسه جنب السرير ........................يعني باقي شوي ويصير راسه تحت السرير..

وألحين عرفنا أن مسلسل 37 درجة ليس كوميدي فقط وإنما هو حقيقة وواقع يحصل في مستشفى الخفجي العام.. والدليل أن ماحدث معنا حلقة من حلقاته...

الله يكون بعون كل مريض يدخل هالمستشفى....
ويارب يشفي كل مريض عشان مايضطر إلى العلاج فيه...


تقبلوا مروري .....:101::101::101:

[مطلق الشمري]

عمق الحزن

بحكم انني ممرض بقسم الطوارئ

اقدم اعتذاري باسمي واسم جميع العاملين بمستشفى الخفجي العام


نظافة الجروح بالنسبة للارجل بكل المستشفيات تكون الارجل خارج السرير

علشان ينزل اي شي بالرجل في حاوية خاصة لونها اصفر تنحط تحت الرجل بمسافة قصيرة

واسهل بلف الرجل بالرباط او الشاش

لان الممرض ماهو اخطبوط يمسك رجل المريض ويرفعها ويلفها بنفس الوقت

ومرافق المراجع ماراح يتكرم ويساعد الممرض برفع رجل المريض بحكم انها مو شغلتة

والمريض بصراحة مافيها يرفع رجلة بعد لانها بصراحة وبجد متعبة

عالعموم حسيت ان ردك ماخذ اكبر من حجمة وتاليها على جرح بسيط

فكرتة عملية قلب مفتووح هههههه

وبالنسبة لقياس درجة الحرارة

كان طلبتي من الممرضة تقيس حرارة المريض الثاني

مع ان اللي فهمتة ان واحد مجروح

بس الثاني وش صفتة

مجروح معاه بعد؟

ياليت يكون عندكم وعئ شوي ونتكلم عن شي يستاهل

ما نتعب انفسنا برد غيار ولا رجول برا السرير

وعلى فكرة بالنسبة للغيار

نظام وزارة الصحة يمنع عمل اي غيار بالطؤاري حتى ايام الخميس والجمعه ما عدى الاصابات الجديدة

والغيار يتم بالمستوصفات الحكومية اثناء الدوام الرسمي

ومع هذا يقوم المستشفى بعمل الغيار وما حصل ورجع مريض اثناء عدم دوام المراكز الصحية كله في سبيل خدمة وارضاء المراجعين

وياليت يجي شخص واحد بس صادق معه نفسة ويشهد شهادة حق

معقولة مافيكم احد يشوف الجانب الحسن من المستشفى

كلكم تشوفون الجانب المظلم بس


ومع هذا

سيبقى مستشفى الخفجي العام

اعظم وافضل مستشفى رائتة عيناي



تحياتي

[محايد2009]

النصيحه لمن حالته الصحيه صعبه يذهب الى الرياض

[أنس بن مالك]

الحياة مدرسة طرحك رائع
لكن
أنا من وجهة نظري أن المستشفى الحكومي أفضل من الخاص لإن المستشفى الخاص هدفه الأول والأخير مادي بحت والله ما همه المريض ولا جاب له خبر المهم اللي في جيبك والدليل أن بعض المستشفيات الخاصة لا تعالج الحالات الطارئة التي لا تحتمل التأخير مع أن نظام وزارة الصحة يجبر المستشفى الخاص بمعالجة الحالات الطائة التي لا تحتمل التأخير مجاناً .
وأنا جربت المستشفيات الخاصة في أكثر من منطقة من مناطق المملكة ومن خارجها والله لم تفرق معي شيء أبداً .
أما بالنسبة للأطباء فهذه كفاءات فردية بعضهم ممتاز ومتمكن وبعضهم ما تسرحه بغنم سواءً في المسشفيات الحكومية أو الخاصة.

[*عمق البحر*]

عمق الحزن
أولاَ أنا عمق البحر..

بحكم انني ممرض بقسم الطوارئ
أكيد راح تدافع عن قسم الطواريء..

اقدم اعتذاري باسمي واسم جميع العاملين بمستشفى الخفجي العام
شكرا


نظافة الجروح بالنسبة للارجل بكل المستشفيات تكون الارجل خارج السرير
هههههههههههه...في كل المستشفيات تضميد الجروح بمد الأرجل على السرير..

علشان ينزل اي شي بالرجل في حاوية خاصة لونها اصفر تنحط تحت الرجل بمسافة قصيرة
يرحم والديك ماشفنا الأصفر اللي تقوله ...

واسهل بلف الرجل بالرباط او الشاش
أيييييييييييه واضح أسهل ...أحتاج للطفل بمسك الرباط والشاش..

لان الممرض ماهو اخطبوط يمسك رجل المريض ويرفعها ويلفها بنفس الوقت
ندري أنك ماأنت أخطبوط ...بس النظام وينه؟؟؟؟


ومرافق المراجع ماراح يتكرم ويساعد الممرض برفع رجل المريض بحكم انها مو شغلتة
أحياناَ المريض ما يكون معاه مرافق...

والمريض بصراحة مافيها يرفع رجلة بعد لانها بصراحة وبجد متعبة
هههههههههههه ترى المريض طفل..

عالعموم حسيت ان ردك ماخذ اكبر من حجمة وتاليها على جرح بسيط
لو هو جرح بسيط ماجيناك...

فكرتة عملية قلب مفتووح هههههه
الحمد لله أنه بينت على جرح ..أجل كيف لو شي أكبر من الجرح..

وبالنسبة لقياس درجة الحرارة
وين الترياج اللي يعمل في جميع المستشفيات .. وإلا هذا مادرسته..

كان طلبتي من الممرضة تقيس حرارة المريض الثاني
إذا الأول ماتعبت نفسها وقاست حرارته لأنها قاست حرارة الولد بيدها حطت أصابعها على عضد الولد وتكتب الحرارة...طيب وش كتبت منين جابت درجة الحرارة...فيه أرقام بيديها..؟؟؟والله غريبة...و كيف تقيس حرارة الثاني..
كيف أنا أطلب منها قياس الحرارة وهذا هو شغلها ..
شكلنا إذا جيناكم نعلمكم وش تسووووووووووووووووون..

مع ان اللي فهمتة ان واحد مجروح
مجروح جرح ملتهب..

بس الثاني وش صفتة
فيه دممممل مفتوحة حتى ماتكرم يعصرها ..

مجروح معاه بعد؟
الشكوى لله....

ياليت يكون عندكم وعئ شوي ونتكلم عن شي يستاهل
لو ماعندنا وعي كان مانقدنا تصرفكم...وأنت أفهمها!!!!!

ما نتعب انفسنا برد غيار ولا رجول برا السرير
أنتم ماتعبّتوا أنفسكم بالعلاج ... ما قلنا غياااار ..

وعلى فكرة بالنسبة للغيار

نظام وزارة الصحة يمنع عمل اي غيار بالطؤاري حتى ايام الخميس والجمعه ما عدى الاصابات الجديدة
ماشاااء الله حافظ الأنظمة... تبيني أزيدك؟؟؟؟

والغيار يتم بالمستوصفات الحكومية اثناء الدوام الرسمي

ومع هذا يقوم المستشفى بعمل الغيار وما حصل ورجع مريض اثناء عدم دوام المراكز الصحية كله في سبيل خدمة وارضاء المراجعين
لا تعليق
وياليت يجي شخص واحد بس صادق معه نفسة ويشهد شهادة حق
هذا أنا أشهد شهادة حق...

معقولة مافيكم احد يشوف الجانب الحسن من المستشفى
إذا صلّحتوا مكيفات الإدارة قسم البنات ..راح يطلع الجانب الحسن عندكم..

كلكم تشوفون الجانب المظلم بس
ما شفنا جانب منور علشان نتكلم عنه..
بس إذا شفنا بنكتب..لا تخاف!!

ومع هذا

سيبقى مستشفى الخفجي العام

اعظم وافضل مستشفى رائتة عيناي
نعم سيبقى مستشفى الخفجي العام أعظم وأفضل مستشفى رأته عيناي..قدااااااااااااااام...



تقبلوا مروري....:101::101::101:

[سطام الشمري]

ههههههههههههههههههههههههههههه

الصراحه ذبحني الضحك عليكم يالأثنين


مطلق الشمري و عمق البحر



-----------------------------------

أرجوا أنكم ماتطلعون عن الموضوع


الكلام عن الفرق بين المستشفى الحكومي والمستشفى الخاص


وأتركونا من مستشفى الخفجي العام !!!

[*عمق البحر*]

سطام الشمري...الضحك من مميتات القلوب..أنتبه لنفسك!!!!

وأنا عارفة أن الموضوع عن الفروق المالانهاية بين المستشقيات العامة والخاصة...

وكما قلت في أول رد لي للموضوع هناك فروق كثيرة جداَ يموت الحي وحنا ما أحصينا هالفروق...
وأيضاَ من ضمن ردي قلت أني كنت بصدد الكتابة عن المسخرة اللي صارت لنا بالمستشفى..بس ليش أكتب موضوع جديد وهناك موضوع كتب عن المستشفى...

ياحبذا لو أنك تفهم قبل تضحك....وأنا عارفة أنكم أنتم بس جيدين بالضحك فقط...

[مطلق الشمري]

والله ما الومة اذا ضحك

موضوع عن المستشفيات الحكومية والمستشفيات الخاصة

وش دخل مستشفى الخفجي العام

زي الموضوع اللي قبلة حق سنتر بوينت
عضو يقول علشان نتطور لازم البلدية تسوي لنا سفلتة
وعضوا ثاني يقول من جاب الارض قدام الشرطة

بمنتدى الرائدية لو يكتبون عن احداث 11 سبتمبر

كان ردوا الاعضاء وقالوا ان السبب بالبلدية ما حطت اسفلت قدام ابراج مبنى التجارة العالمي

والعساف ما يعطي بطاقات محايدة

والشرطة يعطون مخالفات لناس وناس

والاحوال يدامون الساعه 9 ونص الصبح ومالهم نفس

حتى الردود حفظناها

وبعدين اخ مدري اخت عمق الحزن

كل هذا صار بولد اختك مدري اخوك

خنقوة وطاح راسة مع السرير وبغى يموت وانتي جالسة تتفرجي

ولا ورادة برد هزلي وكله ضحك وتقولي 37 درجة

بالنهاية الحكومة سمحت بالمستشفيات الخاصة

اللي مو عاجبة وضع وامكانيات المستشفيات الحكومية ومستشفى الخفجي بالتحديد يروح الخاص

وراح يستقبلة بكل صدر رحب زي ما مستشفى الخفجي يستقبل المراجعين بكل صدر رحب

ومن عندة غير هالكلام يتكلم

تحياتي

[مطلق الشمري]

عمق الحزن

برد عليكي بالنظام دامك تتكلمي بالنظام

علشان ينزل اي شي بالرجل في حاوية خاصة لونها اصفر تنحط تحت الرجل بمسافة قصيرة
يرحم والديك ماشفنا الأصفر اللي تقوله ...

يمكن لانك ما تعودتي تناظري للاسف وراسك دايم فوق

لو تكرمتي شوي ونزلتي راسك تحتكنتي راح تشوفي حاوية لونها اصفر
الرموز المعتمدة من قبل منظمة الأمم المتحدة للنفايات المعدية والمشعة.


نوع النفايات
لون الوعاء
نوع الوعاء


نفايات طبية غير خطرة

أسود
كيس أو عبوة بلاستيكية


نفايات طبية خطرة
- نفايات شديدة العدوى

أحمر
كيس أو عبوة بلاستيكية


- نفايات معدية

أصفر
كيس أو عبوة بلاستيكية


- نفايات تشريحية

أصفر
كيس أو عبوة بلاستيكية


- نفايات حادة

أصفر
عبوة بلاستيكية


- نفايات كيميائية

بني
كيس أو عبوة بلاستيكية


- النفايات السامة للجينات

أزرق
كيس أو عبوة بلاستيكية


- نفايات دوائية

بني
كيس أو عبوة بلاستيكية


- نفايات مشعة

-
عبوة من الرصاص




وهذي طبعا موجودة في كل اقسام المستشفى اللي تستدعي وجود هالاكياس او الحاويات
ومراقبة بمستشفى الخفجي العام من قبل مكافحة العدوى

والمريض بصراحة مافيها يرفع رجلة بعد لانها بصراحة وبجد متعبة


هههههههههههه ترى المريض طفل..



اذا كان طفل وتشوفية تحت السرير حسب وصفك وراسة تحت ومدري وش فية بعد

فهذا اهمال انتي تتحملي
كيف تشوفي هالوضع وتسكتي

مع ان اللي فهمتة ان واحد مجروح





مجروح جرح ملتهب..



بما انه وصل درجة الالتهاب فهذا يدل ان الجرح قديم وله اكثر من ثلاث ايام والجرح قديم وحسب النظام ياللي فاهمة النظام هالجروح تتابع مع المركز الصحي وليس قسم الطؤاري والمفروض قسم الطوارئ ما يكشف علية
اصلا محد مسبب زحمة بالطؤاري الا اصحاب الغيار اللي يجهلون النظام اصلا
وكويس انكم ذكرتوة بعد الالتهاب

بس الثاني وش صفتة



فيه دممممل مفتوحة حتى ماتكرم يعصرها ..



دمل؟؟
الدمل نفس الحكاية ببداية تجمعه يراجع المركز الصحي وياخذ كورس مضادات حيوية لثلاث ايام تقريبا او اكثر حسب حجم ومكان الدمل لحد ما يتجمع في منطقة معينة وتاخذي تحويل من نفس المركز لعيادة الجراحة وهناك تتابعي مع الدكتور المختص

يعني اطباء الطؤاري مش مصرح لهم طبياً بفتح الدمامل
وواضح انه معلومة جديدة عليكي مع اني احسك فاهمة طبيا
ياليت يكون عندكم وعئ شوي ونتكلم عن شي يستاهل



لو ماعندنا وعي كان مانقدنا تصرفكم...وأنت أفهمها!!!!!

واضح انه عندك وعئ والدليل قصة عنتر
ما نتعب انفسنا برد غيار ولا رجول برا السرير



أنتم ماتعبّتوا أنفسكم بالعلاج ... ما قلنا غياااار ..


الحمدلله نشتغل باللي يريح ضمائرنا
نظام وزارة الصحة يمنع عمل اي غيار بالطؤاري حتى ايام الخميس والجمعه ما عدى الاصابات الجديدة



ماشاااء الله حافظ الأنظمة... تبيني أزيدك؟؟؟؟


لا طبعا
بسمع اغنية كاظم الساهر زيديني عشقاً زيديني يا احلى نوبات جنوني
تكفيني
معقولة مافيكم احد يشوف الجانب الحسن من المستشفى



إذا صلّحتوا مكيفات الإدارة قسم البنات ..راح يطلع الجانب الحسن عندكم..

هذا يا عمق الحزن يتبع لشركة صيانة ترجع هي كمان لمديرية الشؤون الصحية بالدمام
والمديرية هي المسؤلة عن اي يخلل او تاخير في صيانة الاجهزة
ممكن انتي تراجعي المستشفى لنص ساعه او ساعه بالكثير
الموظفين غيرك يجلسون 8 ساعات من غير تكييف

ممكن نسوي جمعية نحن موظفي المستشفى ونصلح المكييف علشان يحوز على رضاك لحد ما تتابع المديرية الخلل الحاصل

واضح انك تعبتي بالتفكير وبالاخير ما طلع معك الا مكييف خربان

لا دخلة له بادارة المستشفى
بل بمديرية الشؤون الصحية

تحياتي واعتذر عن الاطاله

[مطلق الشمري]

بالنسبة للمستشفيات الحكومية مايحتاج نتكلف في حل اسرارها كل ماعليك او ارتداء ثوبك او عبائتك والذهاب الى المستشفي والجلوس والنظر ....

طيب البس ثوبك وعلمنا ماترى من اسرار نحن بانتظارك

سوف تجدين المحسوبيه والاهتمام الفاشل اذا المدير بالدف ضارب فشيمت الموظفين الرقص


ماراح اتكلم عن المحسوبية لان المحسوبية موجودة في كل مكان تقريباً وهذا شي محد يقدر ينكرة

لكن ان المدير للدف ضارب

من مبداء الرجولة اذا عندك شي تدخل مكتب المدير شخصياً وتقولة انك للدف ضارباً او انك تقول وش شفت علية من تقصير

اتوقع انه الرجال وهذا مجرد توقع انه اكبر منك عمراً وعلماً
وممكن خبرتة بالعمل تفوق عمرك بسنوات
ولولا دراستة واهتمامة ما ووصل للمكان اللي مستحيل الاغلبية توصل له ولو بعد 100 سنة

فا من العيب انه يجي شخص مننا يحمل الشهادة الثانوية ودبلوم حاسب ثلاث شهور ويقيم رجل جامعي متعلم. خلونا نوصل لربع علمة عالاقل علشان نقدر نشوي نبدي رأ ينا فية..حتى ما نوصل لمرحلة التقييم

ممكن نعرف انت وش تحصيلك العلمي واي تخصص تحمل
علشان نعرف على اي اساس قيمت رجل بكالريوس ادارة مستشفيات واخصائي علم نفس اذا ما خاب ظبي
اما شيمة الموظفين الرقص
فالموظفين اغلبهم عيال قبايل وعيال ناس محترمين سواءً الرجال ام النساء ومنهم اللي جاي ضيف عندنا ممكن شهر شهرين ويرجع لديرتة

فاتوقع بعد انه عيب علينا كرجال وليس كـ سكان مدينة الخفجي نصفهم بهالصورة الجميلة

المستشفي ماعليه قصور وكل ميزانياته توصل له وكل طلباته مجابه ولكن باقي الاداره يجب تغييرها بأداره تقدر النظام وتحترم روح الانسان

هل انت مندوب المستشفى لمديرية الشؤون الصحية بالدمام لكي تعرف بانة يوجد قصور ام لا؟؟ نعم لا يوجد قصور واذا فية قصور ياليت تتكلم عنها علشان نقدر نفيدك اكثر

اهمال من كل الجهات ومواعيد لا تستحق ان تأجل ليوم واحد ومع هذا تجد كل هذا التسيب احد الاصدقاء يقول لو مستشفي الخفجي العام موجود بالدمام كان اهالي الدمام اكل موظيفه وادارته الكسوله العاجزه عن تقديم الخدمات يا اخي كرسي متحرك للعجزه وكبار السن لا يوجد وغيرها الكثير

اتحدى شخصياً اذا فية موعد ليوم واحد وتم تاجلية
واذا عندك دليل نتمنى نشوفة وما تتكلم من فراغ
الكراسي موجودة ومحدودة حسب ما صرف من المديريةفي مدخل الطؤاري واذا استخدمت من قبل مرضى قبلك......بكلم المدير يشتري لك كرسي خاص من جيبة
ولكن السؤال هنا من المسؤول نحن المسؤولين اصبحنا نغطي رؤوسنا الى ان قالت ادارة المستشفي هؤلاء مجرد اغنام في حوش كل صيحه تتغير من مكانها

لا تعليق......

عليكم بالحذر الحذر من مخاطر مستشفي الخفجي العام

والله يرحم شهداء هذا المستشفي سواء كبار كانوا او اطفال ...

والله ينتقم من كل مهمل ومقصر في هذا المستشفي والذي تهاون في ارواح ابنائنا وبناتنا ....

عن اي شهداء او ارواح تتكلم.... لا انكر اذا حصل هناك خطاء طبي
وهذة الاخطاء تصير في كبرى مستشفيات العالم
لكن ارواح وشهداء
احس اني مجزرة صبرا وشاتيلا...خلنا واقعين شوي ونتكلم في حدود المعقول
ومن ناحية تحذيرك
انا اتحداك شخصياً اذا كنت فعلا تحذر
بانك تجي انت واي شخص من المنتدى
ونفتح السجل الطبي لك ولافراد اسرتك
ونشوف مراجعاتك والتحاليل اللي انعملت والادوية اللي صرفت لك والعيادات اللي زرتها..حتى اسم الموظف اللي طبع لك ورقة التسجيل
ونشوف هل فعلاً انت تحذر .... ام انك ممن يحذرون بالليل ويزورون المستشفى بالنهار.
اما المستشفيات الخاصه

فهي مستشفيات جيبك وماتعطي ...تحاليل واشعة لما تقول خلص يا بشر ماتسوي كل هذا فلوس في فلوس وكأنما الخدمه فايف ستر

والخدمه بالاساس اسوء بكثير من يقال عنه مستشفي سبيل او مستشفي مفتوح مثل الذي في كراتشي وكابول بالشوارع يتم العلاج


خدمة سيئه في الاداره تسجل موعدك الساعه 9 ونص تكتشف ان ابو عرام مقدم عليك 6 اشخاص وان موعدك صار الساعه 12 و عشر دقائق

كراتشي وكابول هنا وبالمستشفيات الحكومية والخاصة بعد

جد رضاء الناس غاية لا تدرك

بعدين واضح انك تبي كل شي مجاناً

حتى في موضوع سنتر بوينت كان اغلب تركيزك عالفلوس
يا اخي منت مجبور تتعالج بالاهلي اذا ما كنت حاب تدفع
والسبب هو اهمال المستشفى العام لو المستشفي العام يقوم بدوره لما احتاج مواطنوا الخفجي ان يدفع قرش في مستشفي اهلي

واعتذر عن الاطاله ولك كل التحية

من منكم يتعالج بالمستشفى الاهلي على حسابة
99% على حساب الشركات
ممكن 1% بس اللي يتعالج على حسابة والحمدلله مستشفى الخفجي قايم بدورة على اكمل وجه بس فية ما يعجبهم العجب ولو قدمت لهم الادوية باطباق من ذهب لن يشكرو الله
والدليل مستشفى الشركة
لمى كان يعالج سكان مدينة الخفجي كانت اقذر والعن مستشفى بالسنبة للغالبية وماهو عاجب احد.. ولمى قفلوا الملفات صارت احسن مستشفى بالعالم للغالبية بعد

اعتذر عن الاطاله
وتحياتي

[الغلا2007]

اخي العزيز اشكرك على طرح مثل هذا الموضوع

لانه يقرقع تقرقع في صدري فيه مستوصف الغربية

تبع الحكومة انا اشوف الادارة فيه والدكاترة

والموظفين ككل محترمين جدا جدا جدا وبعكس

ماقلت

اما مستشفى الحكومة العام والله انك صادق مدري

وش سالفت الفركات عندهم بعدين ياخي الموظفين

اغلبهم شايفين نفسهم هم والدكاترة مادري ليش

كأنهم يتصدقون علينا بالعلاج خاصة الاجانب

لكن فيه عندي ملاحظة مانبي نظلم احد السسترات

السعوديات انا شايف ان معاملتهم حلوه جدا جدا

الله يستر عليهن بعكس الاجنبيات المتبجحات

تدرون وش السبب

السبب ادارة المستشفى ادارة في الاول والاخير

خاصة المدرى المناوبين لازم يهتمون شوي

[مطلق الشمري]

الغلا

اشكرك على شهادتك

موضوع الفركات بالمستشفى هذي خاصة بلجنة المتابعه اللي تتخاطب رسمياً مع المديرية
وهذي اصلا ما اتوقع انه لك علاقة فيها سواءً فرك ولا ما فرك
انت كـ مراجع لك انك تاخذ علاجك على اكمل وجه ومن غير تقصير من قبل اي شخص
وموضوع ان الدكتور يتصدق بالعلاج

الدكتور مو قاعد يدفع شي من جيبة

وبالعكس بحكم شغلي معاهم
والله انفسهم طيبة ويعاملون المريض بكل احترام وتقدير
ممكن ساعات تصير لهم مشاكل مع المرضى بحكم انه المريض يخطي على الدكتور او يضايقة وساعات توصل للسب والشتمية والاهانة
مع هذا يتحمل
يعني اذا كانت نفسيتة شوي تعبانة فياليت تتحملو لانه بعد بشر يزعل ويتضايق وتمر علية ظروف وساعات يحس بتعب من كثر عدد المرضى اللي يكشف عليهم
وبخصوص المدراء المناوبين واهتماهم ياليت نعرف منك نوع الاهتمام بايش بالضبط
اعتذر لصاحب الموضوع
لكني ساقوم باسمي بالرد عن اي تعليق يخص مستشفى الخفجي العام
وبما اني اجازة ومتفرغ بشكل خاص لهالموضوع راح اتابع كل تعليق يكتب عن مستشفى الخفجي العام
تحياتي واعتذر عن الاطاله

[الغلا2007]

الغلا

اشكرك على شهادتك

موضوع الفركات بالمستشفى هذي خاصة بلجنة المتابعه اللي تتخاطب رسمياً مع المديرية
وهذي اصلا ما اتوقع انه لك علاقة فيها سواءً فرك ولا ما فرك
انت كـ مراجع لك انك تاخذ علاجك على اكمل وجه ومن غير تقصير من قبل اي شخص
وموضوع ان الدكتور يتصدق بالعلاج

الدكتور مو قاعد يدفع شي من جيبة

وبالعكس بحكم شغلي معاهم
والله انفسهم طيبة ويعاملون المريض بكل احترام وتقدير
ممكن ساعات تصير لهم مشاكل مع المرضى بحكم انه المريض يخطي على الدكتور او يضايقة وساعات توصل للسب والشتمية والاهانة
مع هذا يتحمل
يعني اذا كانت نفسيتة شوي تعبانة فياليت تتحملو لانه بعد بشر يزعل ويتضايق وتمر علية ظروف وساعات يحس بتعب من كثر عدد المرضى اللي يكشف عليهم
وبخصوص المدراء المناوبين واهتماهم ياليت نعرف منك نوع الاهتمام بايش بالضبط
اعتذر لصاحب الموضوع
لكني ساقوم باسمي بالرد عن اي تعليق يخص مستشفى الخفجي العام
وبما اني اجازة ومتفرغ بشكل خاص لهالموضوع راح اتابع كل تعليق يكتب عن مستشفى الخفجي العام
تحياتي واعتذر عن الاطاله
المدراء المناوبين هم المسؤولين عن تواجد الموظفين والاطباء
ثانيا اذا كان فيه حاله حرجة بالمستشفى ويستلزم تحويله الى مستشفى خارج الخفجي اليس من الضوروري ان يكون المدير المناوب موجود حيث يستلزم توقيعه على بعض الاوراق
واذا المدير مو موجود من اللي يوقع مكانه والا تتأخر الحالة عشان سواد عيونه
انا ما اتكلم من فراغ لانه كانت عندي حالة وكان يستوجب توقيع المدير المناوب الا ان المدير المناوب مو موجود كان مفرك ويوم الحيت على انه لازم يجي والى اشتكي عليهم بالامارة قال لواحد من الموظفين يوقع عنه اخوي اكيد انت راح تدافع عنهم لانك شغال معاهم وشهادتك فيهم مجروحه

تحياتي

[مطلق الشمري]

الغلا انا مع الحق

ماني مع احد

وكان من حقك انت او اي شخص تعرض للاهمال والتقصير بانة يقدم شكوى رسمية ويطلب فيها فتح تحقيق ويتحاسب الشخص المقصر
سواءً مدير مناوب ولا غيرة
وتاكد او تاكدي ان الشخص المقصر راح ياخذ عقوبتة حسب النظام والقوانين ويتحمل كل الاضرار اللي تسبب فيها للمريض
دام المسأله فيها تاخير اجراء مريض
وعلى فكرة
اي شخص ممكن ينوب عن المدير المناوب حسب اختيار المدير المناوب نفسة

عالعموم هذي محسوبة على المستشفى ولك منا كل الاعتذار

[سـَمآ ♪]

الرجاء عدم.. الخروج عن صُلب الموضوع ..

[جساااس]

بسم الله الرحمن الرحيم
السلام عليكم ورحمة الله وبركاته

اولناً / يعطيك العافيـــه على الموضووع
ثانيــاَ / الفرق واللــه واضــــح

ثالثـاً : واهمـ شي
الحيـــن شي معروووف ان المستشفيات الاهلــيه لمن احـــد يراجع فيـــه اكيـــد انه مريض مرهـ يعني مايمزح ولا انـــه عن طريق شركـــه او انــــه يبي سكليف .، وطبعن تبي الدكتوور يبتسمـ بوجهــك ولا تلومه لو سلم عليــك خد اهم شي عندهم كسب الزبــــون

ومستشفى الحكومــــه لو كان العلاج فيــه مقابل مادي والله محـــد يجييه غير المريض صحيح
لاكــن العلاج بلاش خلق الله وش وراهمـ يعني لمن الاحــد يطفش وين يروح يتمشى صار المستشفى الحكومــه منتزهـ لهمـ يعني كل من هب ودب جااء يعالج نااس متعافين بس كذا لاعاانه و طبعنـــا دكــاترهـ الحكومه مادرسو الطب عبــث يشخصون الحالات من وجيه العــالم وطبعــن إذا جااء مريض ربع ساعه يدخل على الدكتور من النـــاس اللى قبــله مسنترين مافيهمـ شي بس ذا جاييين والله مرات يجيــك رجال معــه العائله الكريمــه والثاني بــعــد يدخل بعــدهـ بعششرهـ دقايق بالله وش خليتوو للمرضـــاء
الله يصبرهمـ والله الدكاترهـ والموضفين على النـــاس اللى كــذا
واذكر مرهـ كان الوقت عصـــراً اطواى مرهـ زحمـــه والله من شكولهمـ تقل جايين على الخيريــه
عــاد الموضف راح ولبس كمــام واعطـــاء السكرتي كمـــام استقربوو المراجعيــن << اللى هم لمرضــاء ههه
عاد قالو ليه لابسين كذاقال الموضف عندنا حاله انفلونزا الخنازير والله خلال ثواني ماتشوف ولا بشر من المراجعيــن ..،
على العموم مابي اطول عليكمـ اقول اللى رد قبــل شوي ويقووول بــعض الدكاترهـ حمير بالله وش شهادتــك انت يامستشاار خلك على تنظيمــك الدورات حقات الاسعافات الاوليه وقرصت النحله
واخر شي اقولـــه يعطيكم الف الف عـافيه لكل موضف ولا دكتووور في مستشفى الحكومــه
لان رغم كل الجهـــد اللى تسونـــه مايبين بعيونهمـ لكــن احتسبو الاجـــرٍ الله يسدد خطاكم انشاللــه

تحياااتي
جســــاس

[الغلا2007]

الغلا انا مع الحق

ماني مع احد

وكان من حقك انت او اي شخص تعرض للاهمال والتقصير بانة يقدم شكوى رسمية ويطلب فيها فتح تحقيق ويتحاسب الشخص المقصر
سواءً مدير مناوب ولا غيرة
وتاكد او تاكدي ان الشخص المقصر راح ياخذ عقوبتة حسب النظام والقوانين ويتحمل كل الاضرار اللي تسبب فيها للمريض
دام المسأله فيها تاخير اجراء مريض
وعلى فكرة
اي شخص ممكن ينوب عن المدير المناوب حسب اختيار المدير المناوب نفسة

عالعموم هذي محسوبة على المستشفى ولك منا كل الاعتذار
اخوي انا معاك فيه من ينوب عنه ولازم يكون فيه من ينوب عنه لان كل انسان عنده ظروف حتى المدير المناوب يمكن عنده ظرف قاهر بس ذاك اليوم يوم فرك وش كان ظرفه تدري شنو
انا اقولك كان يتابع مباراة ايام كاس العالم اللي طاف ولا عنده عذر حتى لو كان عنده عذر كان الادارة عندها خبر
تحياتي يالغلا

[*عمق البحر*]

السلام عليكم ورحمة الله وبركاته...

أشكر كل من ساهم في هذه الردود...

وإذا كانت كل مشكلة تصير في مستشفى الخفجي العام يقعدلي الأخ مطلق الشمراني يرد عليها بهذه الطريقة لن نصل إلى حل أبداَََ....

أتمنى لك إجازة سعيدة مطلق الشمراني ....:101::101:


تقبلوا مروري.....:101::101::101:

[مطلق الشمري]

عمق الحزن

ماني شايف انه فية مشكلة اصلا علشان يكون فية هناك حل

الغلا

تكلمت معك بكل صدق

وقلت لك

فيكي تطلبي فتح تحقيق مع كل مقصر بالمستشفى

وصدقيني المقصر راح يأخذ جزائة

اعتذر للاخت شذى عن الخروج عن الموضوع

لكن خروجي كان بمبداء الرد وليس التعليق

تحياتي

[الحياة مدرسة]

السلام للجميع ورحمة الله وبركاته ...

يا اخوان ترا السالفه كلها ما تسوى انا نخليها توصل لكذا ...


وبما اني انا الي طرحت الموضوع فسأذكر لكم ما شاهدته بعيني والله على ما اقول شهيد ،، ولم يكن لدي نيه بأن اقول ما شاهدت ولكن ارى ان الاخ مطلق الشمري متحمس زياده عن اللزوم ونحن عند طرحنا للموضوع نريد الصدع بالحق ولا تأخذنا الحميه ..

اولا :
الاستقبال / والله ثم والله لم اتي للمستشفى الا واجد موظفين الاستقبال خارجين عن مكاتبهم ويعلم الله اني اذهب بنفسي وابحث عنهم وبالاخير اجدهم خارج المستشفى يدخن مع زملائه ولا يهتم بالذين يدخلون من امامه للمستشفى .. صراحه وصراحه (( لا تعليق ))..

ثانيا :
الدكاتره / اقسم بالله ان هذه الحادثه حصلت معي انا شخصيا :

ذهبت بابن عمي وهو كويتي الجنسيه للمستشفى العام وعندما اخذت الورقه قال لي موظف الاستقبال عطها الدكتور ، ذهبت الى غرفة الدكتور ولم اجده والله دون مبالغه انه تاخر اكثر من ربع ساعه ، وعندما اتى سألته ليه التأخير يا دكتور ، قال لي (( والله نوم واجد )) وهو هندي الجنسيه ، بالله وش راح تكون ردة فعلي ، اخذت الورقه وعفستها ورميتها بوجه الدكتور ، وقلت له هذا وانت دكتور وش خليت لغيرك ..

يا اخ مطلق اذا انت ما شفت الاشياء هذي ترا حنا شفنا ،، وانا والله ما انكر الجانب الحسن للمستشفى ولكن عندما اذكر الاخطاء ليس من اجل الشماته ولكن من اجل ان تتعدل هذه السلبيات ..


وانا اضم صوتي مع صوت (( عمق البحر )) و (( الغلا 2007 ))

واعذروني عن الاطاله والشكر موصول للجميع ..

والسلام عليكم ورحمة الله وبركاته ..

:101::101::101::101::101::101::101::101::101::101: :101::101::101::101::101::101::101::101::101::101:

[مثل العسل]

مســاء الخــير على الجمــيع ..


إذا سألنا انفسنا الحين وش الفرق بين المستشفيات الحكوميه والمستشفيات الخاصه ، كل المستشفيات لديها مثل الاجهزه ولديها أطباء لكن اموت واعرف وش الفرق ..

لان انتشر عند جميع الناس ان المستشفيات الخاصه افضل مليون مره من المستشفيات الحكوميه وهذا ما نراه .


التساؤل عن الفرق بين المستشفيات الحكومية والخاصه في محله
لكن الاستدارك بالاجابه .. كانت غير شافيه لان الفرق واضح جدا
هناك فرق في المعدات الطبية المتوفره والمتاحة وفي مهاراة الاطباء وايضا في انواع الامراض والاصابات التىي يعاني منها المرضى الذين يترددون على هذه المستشفيات
وبهذا تختلف جوده الخدمة الطبية باختلاف اي من هذه الامور ..




لما تروح لمستشفى حكومه والله ياخذ الدكتور أكثر من 10 دقايق يالله يجيك وإذا تكلمت معاه كأنه يتمنن عليك وإذا عالجك وخلص يبي فرقاك.

أنا ابي اعرف هو وين رايح يوم ينادونه يجي وليه هالنفسيه الخايسه منه مدري كأني جايه في بيتهم ..

لكن بالعكس لما تروح لمستشفى خاص تلقاهم يجونك ومهتمين فيك ويضحك معاك الدكتور ويقولك اليوم تنام هنا ما تروح كله من شان صحتي ويعطيني احسن الادويه .


مستشفيات الحكومة تبنى لاستقبال كافة الحالات وهدفها الاساسي
ابقاء المريض بعيدا عن حالة الخطر .. ومن ثم محاولة الارتقاء بالخدمة
وصولا الى الرفاهيه التى ينشدها كل مريض .. ( مجانا )
وبالنسبه للدكتور لما يترك مريض فهو يذهب لمعاينه مريض اخطر حالا

اما المستشفيات الخاصه فهي تبدأ من المرحلة الثانيه وهي الوصول بالمريض للرفاهيه العلاجيه وذلك لعدة اسباب ومن اهممها التخصص في
مجال طبي معين كالمستشفيات المخصصه للاسنان او للعيون او للقسطره وامراض القلب .. ( بمقابل )



مدري ليه صارت السمعه كذا يعني لو انهم يسكرون المستشفيات الحكوميه والله اصرف واحسن لانهم والله ماهم دكاتره بالعكس انا اجزم انهم جزارين ولا انهم شارين الشهاده ..

أرجوا أنه يتحسن الوضع للأحسن والله مو عشاني لا والله من شان هالمساكين الي ما يقدرون يتعالجون بالمستشفيات الخاصه ..


حتى لو كــان فيه قصـور .. فيجب ان الا نسئ الظن بأحد
ونتهمه ظلمنا وبهتانا .. وحتى لو وجد من زور شهاده او اشتراها
فليس العيب عيبه .. وليست الجريمه جريمته بل جريمة من
احضره واعطاه فرصة للعمل هنا ..



كونوا بخير وسعاده
مثل العسل :101:

[مثل العسل]

الاخطاء هي نتيجة مصاحبة لأي جهد أو عمل مبذول ..
ولا يوجد عمل بلا اخطاء اطـلاقا .. والا لما اعتبر عملا .. !!

ومايحصل في مستشفى الخفجي العام .. من اخطاء هي نتاج طبيعي
للعمل الذي يقوم به طاقم المستشفى وللامانه مايقدمه مسـتشفى
الخفجي العام من خدمة هي اكبر بكثير من الامكانات المتاحة له ..
وهو في تطور دائم ومستمر ومواكب لحاجة المرضى ..

وانا لا اقول هذا الكلام محابه لأحد .. بل لأنني على علم واطلاع بما يقومون به من جهد .. لا انكر وجود بعض الملاحظات لكنها لا ترقي لتكون من الأخطاء التي من شأنها ان تعيق الهدف الاسـاسي الذي انشيء
المستشفى من اجله .. ولكي نحكم بحكم منصف علينا ان ننظر لحال المستشفيات الاخرى التي تفووق امكانات هذا المستشفى سواء بالمملكة او بعض دول الخليج .. وايضا ان لا يكون انتقادنا من دافع شخصي
وان لا يلغي اي جانب ايجابي قدمه المستشفى

اسف للتطرق لهـذا الموضوع لكن هذا من بـاب احقـاق الحقـ ..
وحتى لا اكـون شــيطان اخرس .. :)

مع ودي / مثـل العســل

[مهاااايطيه]

السلااااام عليكم ؛؛؛؛؛؛؛؛؛

وانا بعد اضم صووووووووووووتي وبقوووه للأخت ::: عمق البحر .. :101:

واشكرها على ابداااااعها بقول الحقيقة وإضاحها للناس لكي يأخذوا الإحتياط عند دخولهم للمستشفى....

ولا ننسى بالذكر الأخ :: الغلااااااا :101: والأخ :: الحياة مدرسة.:101:


ولكم كل الشكر والتقدير...:102:

[عبدالله بركه]

مطلق الشمري


أرجو عدم الخوض بردود لا علاقة لها بالموضوع نهائيا

وكما أرجو عدم إقحام منتدى الرائدية . والتهكم على كتابها

وردودها . وأود أن تكون الردود والأجابة بحد المعقول

وعدم تخطي الحدود والنظام المتبع بالمنتدى




الموضوع مغلق بواسطتي أنا


عبدالله بركه