جــرح الايـــام مصافحه ثانيه سـيف الراشــد

[سيف الراشد]

السلام عليكم

واعتذر عن الغياااااب
اليكم هذه القصيدهـ واتمنى ان تنال اعجابكم




ياوقت و ضلوع الحشا دمها سال
لكني اكابر... وأقــوول:اني بخير

مابيه...يفــرح كل حاســد وعــذال
اللي على جرحي يسوق التباشير

((جروح وقت))و((مــرّ غربه)) وترحـال
وأمــر وادهى اللي حصل دون تبرير

وين انت؟؟يازولن ولا كــل الازوال
اللي على شانه تهـــون المشاوير

((ربيع وصله)) يحيي عــروق وامــال
و((شمعــة غرامه)) تضوي الدرب وتنير

كانــت هنــا تختـــال..وهناك تختـــال
و((نهــر المواصل)) يجري الصبح وعصير

كنــا..وكنــا للغـــلا مضــرب أمثـــال
وكانت!! وكانت لكن؟؟ القسمه تصير!!

فجأه كـذا؟؟ ((بــرج الغـــلا)) قام ينهال
وانزاح((حلم العلم)) من دون تفسير

((سحاب عيني))بعض الأحيان همال
ليامن ذكرت ايامنا اللي مضت غير

و((ميثاق حبن)) كان له قدر وإجلال
قطـّـعته((سيوف الفراق)) البواتير

واليوم حتى بيننا ((قطع الارسال))
وان جيتهم من باب حشمه وتقدير

((سموم هجره))مابقى دونها اظلال
((وسهوم هرجه)) مثل طعن المسامير

حسبي على من بدل الحاال باحوال
احرق ثياب الوصل ((نفّاخت الكير))

ومادام غض الطرف مع هرجهم مال
قولوا له انه صار في عيني اصغير

يبشر بفرقاً عمرها اجيال واجياال
ماني بمن يرجي قلوب المدابير

ارحل فمان الله ياسمـــح الاقبــال
عساك تلقي خير والقي بعد خير


سيـــف الراشـــد

[صانع الإبداع]

صح لسانك
يعطيك العافية

[ناصر الزعبي]

فجأه كـذا؟؟ ((بــرج الغـــلا)) قام ينهال
وانزاح((حلم العلم)) من دون تفسير

((سحاب عيني))بعض الأحيان همال
ليامن ذكرت ايامنا اللي مضت غير

و((ميثاق حبن)) كان له قدر وإجلال
قطـّـعته((سيوف الفراق)) البواتير



صح لسانك اخوي سيف
قصيدة رائعة

[عاشق القمم]

...
رآآآئعة
صح لسانك
ويعطيك العافية
في انتظار القاااادم ’’
...

[أبو رائد]

صح لسانك على هذه القصيدة

والله يعطيك العافية ..

[سـَمآ ♪]

ياوقت و ضلوع الحشا دمها سال
لكني اكابر... وأقــوول:اني بخير

مابيه...يفــرح كل حاســد وعــذال
اللي على جرحي يسوق التباشير




صح لسانك.. والف شكر لك ع القصيده الرااائعه...

[عبدالعزيز الاحمد]

ومادام غض الطرف مع هرجهم مال
قولوا له انه صار في عيني اصغير

يبشر بفرقاً عمرها اجيال واجياال
ماني بمن يرجي قلوب المدابير

ارحل فمان الله ياسمـــح الاقبــال
عساك تلقي خير والقي بعد خير

سيف الراشد صح لسانك وبيض الله وجهك على هذه الكلمات الجميله

الله يعطيك العافيه يالغالي ولا هنت ..!!

[خوويلد]

الله يجــزآكـ خــيــر
والله مــاقصـــرت
يالغــالــي
...

[فارس الحب]

و الله زينه و صح لسانك

[لأجل اشتياقي]

صح لسانك


ابيات جميله كجمال حضورك



الف شكر لك

[ماجد منيف]

وين انت؟؟يازولن ولا كــل الازوال
اللي على شانه تهـــون المشاوير

((ربيع وصله)) يحيي عــروق وامــال
و((شمعــة غرامه)) تضوي الدرب وتنير



الله الله الله عليك

دخلت معها جو والله


عساااااااااااااااك تلقى خير
ان شاءالله


ويعوضك خير


صح لسانك مليون
ولايسدون

ولاتحرمنا جديدك



هنا سأكون
ومتابع لك

يابطل


تحيتي لك

[سيف الراشد]

اشكر الجميع على اشادتهم
وعلى المرور الذي عطر متصفحي

وشكر خاص للاخ ماجد العتيبي

على اشادته وقراته لرموز القصيــدهـ

[بشاش]

صح لسانك،،

ويعطيك العافية..

[سيف الراشد]

بشاش

صح بدنك ياغالي

ولاهنت على المرور

[مجنونة .com]

صح لسانك
وبارك الله فيك

[عبدالرحمن الميزاني]

صح لسانك يابو ناصر

[الهلالي2010]

شـكــ وبارك الله فيك ـــرا لك ... لك مني أجمل تحية .

[سيف الراشد]

اشكر الجميع على المرور

الذي عطر متصفحي

[ابتسـ ألم ـامة]

http://www.alraidiah.net/up/ar/alm1.gif

:101: هلا وغلا :101:



كلمات رائعة



صح لسانك مليووووووون



سلمت يمناك



لاتحرمنا جديدك



يعطيك العافية



دمتم بحفظ الباري
:101: وعلى الخير بإذن الله نلتقي :101:
http://www.alraidiah.net/up/ar/alm2.gif
كلمــات مـن ذهـب
قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ((أَكْثِرُوا ذِكْرَ هَاذِمِ اللَّذَّاتِ يَعْنِي الْمَوْتَ)) .
إنّه أمرٌ نبويٌّ ، أكثروا ذكر هاذم اللذات ، مفرق الأحباب ، مشتت الجماعات .
عش ما شئت فإنك ميت .
وأحبب ما شئت فإنك مفارقه .
واعمل ما شئت فإنك مجزي به .

[ليث العقيدة]

..... صح لسانك .....

..... الله يعطيك العافية .....

[أبو الوليد]

.

http://www.alraidiah.org/up/up/22951235720081217.gif






صح لسانكـ .. .. والله يعطيك العافية ....!!



كلمات رائعة .. .. لآ حرمنا من كل جديدكـ المميز ....!!



ولآ عدمنا تواجدكـ ...!!





::


:101: وفقك الباري :101:

http://www.alraidiah.org/up/up/22951247020081217.gif

:101: .. .. ومضـــــــــــــــــــــة .. .. :101:

من شجرة واحده تصنع مليون عود كبريت ..!!
ويمكن لعود كبريت واحد أن يحرق مليون شجرة ..!
لذلك
لا تدع أمر سلبي واحد يؤثر على ملايين الإيجابيات في حياتك .