srab
09-08-2010, 08:54 PM
كانت تجيني تشتكي قلة المال = وتصيح لاجا طاري الفقر صيحه
تقول ابويه دايم الدوم رحال = وامي كبيرة سن دايم طريحه
وانت الوحيد اللي لك القلب ميال = دايم يصارحني وانا له صريحه
طفله وانا معشوقها بين الاطفال = جريح حب وطاح له في جريحه
كنا سوى نرسم على التربه امال = واحلام تقتلها الحياة الشحيحه
كم دمعة كانت على الخد تنهال = واذا نزلت ضاقت علي الفسيحه
الله كم صرخة وهمسة وموال = الله كم جادت علينا القريحه
الله كم بيت كتبنــــاه يختـــال = واقول انا (ضيدان) وانتي (مليحه)
نخيل لو ما في السما برق وخيال = وانكذب الايام لو هي صحيحه
تقول لا حطيت بشت وعقال = وسخر لك الرحمن عيشه مريحه
اخاف تتركني على عثرة الفال = للفقر ووجيه الحياة القبيحه
وحبيتها بين الخلايق والازوال = حب يطول الوقت محد يزيحه
وسلمتها قلب تباريه الاهوال = وطاح الخفوق . وطيحة القلب طيحه
راحت وخلتني مع القيل والقال = شاعر صواريف الدهر تستبيحه
ودار الزمان وغير الحال بالحال = وجاها الزمان بكل ورده وشيحه
فله .. وخدامه .. ولكزس وجوال = وانا عجزت ادفع رسوم الشريحه
للشــاعر : ضيــدان بن قضعـــان
تقول ابويه دايم الدوم رحال = وامي كبيرة سن دايم طريحه
وانت الوحيد اللي لك القلب ميال = دايم يصارحني وانا له صريحه
طفله وانا معشوقها بين الاطفال = جريح حب وطاح له في جريحه
كنا سوى نرسم على التربه امال = واحلام تقتلها الحياة الشحيحه
كم دمعة كانت على الخد تنهال = واذا نزلت ضاقت علي الفسيحه
الله كم صرخة وهمسة وموال = الله كم جادت علينا القريحه
الله كم بيت كتبنــــاه يختـــال = واقول انا (ضيدان) وانتي (مليحه)
نخيل لو ما في السما برق وخيال = وانكذب الايام لو هي صحيحه
تقول لا حطيت بشت وعقال = وسخر لك الرحمن عيشه مريحه
اخاف تتركني على عثرة الفال = للفقر ووجيه الحياة القبيحه
وحبيتها بين الخلايق والازوال = حب يطول الوقت محد يزيحه
وسلمتها قلب تباريه الاهوال = وطاح الخفوق . وطيحة القلب طيحه
راحت وخلتني مع القيل والقال = شاعر صواريف الدهر تستبيحه
ودار الزمان وغير الحال بالحال = وجاها الزمان بكل ورده وشيحه
فله .. وخدامه .. ولكزس وجوال = وانا عجزت ادفع رسوم الشريحه
للشــاعر : ضيــدان بن قضعـــان