وين الرقابه عن اللي حاصل بالخفجي

[Roqi220]

مساكم الله بالخير اعضاء وزوار منتدى الرائدية ..
والله هالموضوع محيرني ( المركزيه في العمل الاداري) لم اجدها في جميع مناطق المملكه ماعدا بالخفجي تجدها بكثره لعدة اسباب منها ضعف الرقابه يعني اي مسؤول يجئ الخفجي يمسك اي دائره حكوميه او شركة تطلع قراراته شخصيه وبعيده عن النظام وهذه عدة امثله عليها من قبل بعض ادارات التي تعمل بالخفجي :
1- توزيع الاراضي بالبلدية الناس اللي مقدمه من سنين ومن اهل الخفجي الاوليين ما حصلهم وطلع للي توه جاي او معرفة لرئيس البلدية وين الرقابه .!!!

2-توظيف الامن الصناعي بشركة عمليات الخفجي 85% من قبيلة المدير واقرابه وناسه نقول عليهم بالعافيه ومبروكين لكن على الاقل وضع اعلان توظيف رسمي مو يصير التقديم اخر الليل ومن تحت الطاوله - ويومين فقط والغريب بالامر بانه يوجد بالدفعه الاولى اخوه الدفعه الثانيه صارت الوظيفه عائليه وطيب الناس الثانيين ماهم مواطنين والا ايه وكذلك ما ذكره سابقا احد الاعضاء توظيف اصحاب السوابق وهذا مخالف - السؤال اين الرقابه عن تصرفات المسؤول !!!!.

3- في المدن الاخرى يتم فتح شوارع جديده ومداخل وحنا هنا نكثر الصبات الخرسانيه ونغلق الشوارع على وجه المواطن لاسباب منع التفحيط والتجول والله غريب -- طيب وين الرقابه !!!!

4- هناك شغلات كثيره والله تخلصها اذا كنت بالدمام او الخبر او الجبيل بيومها او خلال ساعات وحنا بالخفجي يقولك الموظف راجعنا بعد 3 ايام .... وين الرقابه عن اداء الجهه الحكوميه !!!!

والله الخفجي تحتاج نفض من هذي ؟؟؟؟؟؟

[خفجاوي زمان]

الطاسة ظايعة وانا أخوك

خله على الله باكر تشوف عينك

[الهلالي2010]

شكرا لك
كلامك يحتاج ايضاحات أكثر لأن فيه غموض وعدم وضوح ياليت تفصل في كل نقطة مع بعض الأدلة اذا كانت متوفرة لديك علشان نعرف كيف نتكلم ونرد
شكرا لك

[روكـ]

اتمنى تشوف يالهلالي الباكلين ( الحفار ) اللي قدام بوابة الطوارى للمستشفى الخفجي كم له واقف والحين تحرك مترين بس وش السااالفه وين نلقى شاارع نروح من الباكلين هذا اللي مسكر الشااارع
اتنى اشووف مخالفه على التاخير اللي صاير عليه وكم له سنه ومتى بيخلص ليكون بيصير من علامات شوارع الخفجي

[حزن الأمواج]

يـــــــــــآرب يستـجـيبون لندآءآت النآس المحتاجـه..

فعلأ الــوآو يلـعب دور كبيـر سواء بالخفجي او غيرها

وعلى حسآب الغيـر..ولا ذمـّه ولا ضميـر..

وكما تعوّدنا الصوت يصـل من خلال هالـموقع ..

ونتمنّى يصـل

وفعلأ كما قآل روقي...مركزيّـه...وتشبــّـث...رغم التخبـّـط بالقرآرآت

حتى الخرسـانات..توضع والسبب...لأن اهل المنطقه هذي اشتكـوا

طيب انت رجل امن..ماتقدر تحرر مخالفه..تسجن ..تحجز..

بس مع الأسـف // لو نفضـنا رجآل الأمن الا من رحم ربي..

يطلع من دوامه ويركب موتر وفراااااااره ..وتفحـيط ..

يعني ضآيــــعين بالطـوشـه

والبلديـّه ...صرآحه لها جهـود جبّـاره.. والطرق تقفل وتفتح بوقت ماهو طويـل..وشـغلهم زيـن ..

وهذي شهآدة حقّ ... الله يعطيهم العافيه وعلى رأسهم المهندس "الشويـل"

[آبـ{ناصر}ـو]

لا حول وقوة الا بالله
يعين الله

[سحاب]

تدري متى بيلتفتون للخفجي !!!

اذا ضربتها كارثة " حماها الله " كسيول جده أو الرياض ،،

ويطلع ربك للعيان ما كان خافي ،،

ما بيدنا غير " حسبنا الله ونعم الوكيل "

[محايد2009]

يعطيك العافيه تسلم على الموضوع.
مهم شاطرين غير بالمطبات الي مسوينها كل 20 متر مطب كل 6 اشهر لازم تغير سفايف صار الواحد ماله خلق يطلع مشوار

[كدوش]

مشكووووووووووووووووووووووووووووووور

[رمسيس الاول]

انا معاك بالنقطه الاولي وبقوه
واعتقد اسهل طريق لايصل صوتك المجلس المندي اسف اقصد البلدي

النقطه الثانيه
85% اعتقد انك مبالغ فيها شوي صار ترسيمهم على دفعتين يعني العدد 172
واللى اعرفه ان اللى من جماعه المدير عددهم مايتعدى 15 شخص
اما كلامك عن اللى عليه سابقه هل حرام انه يتوظف ياخي يعني يظل طول عمره بدون وظيفه.
فيه واحد كانت عليه سابقه وكان يمشي مع الهيئه وبعد ماتزوج اعتقد سحب عليهم
(احكم بنفسك الحين ياروقي)

النقطه الثالثه
مالومهم لان بعض رجال المرور متساهل مره
وبعضهم من يطلع من دوامهم شغلته بس فر ودوجه بالشوارع وتفحيط.
مالوم مدير المرور يوم حط الحواجز والخرسانات

النقطه الرابعه
لا تعليق نهائيا

[بو حمد]

ياجماعة انتم مالاحظتم كثرت المطبات اكثر الأهالي امام بيته مطب صناعي واكثرها خرسانة ومرتفعة بشكل رهيب ( مصدات ماهي مطبات ) أعدموا السيارات لاحول ولا قوة إلا بالله وين دور المرور والبلدية والمواصلات من فوضى هذه المشكله راح يجي يوم وتشفون امام كل بيت مطب .

[ليت الزمن يرجع]

انا مابي اتكلم الاعلى هالدوارات اللي حاطينها بالشوارع وين ماتلف وجهك تلقى لك دوار مايبون يجطون اشاره وتقاطع واتوقع مع كثرتهن بيسمون الخفجي ام الدواوير

[بشاش]

شـكــ وبارك الله فيك ـــرا لك ... لك مني أجمل تحية .

[ابوسعد العالمي1]

الطاسة ظايعة وانا أخوك

خله على الله باكر تشوف عينك

yx.013 اييييه بس خله على ربك

[فتى الدمام]

شـكــ وبارك الله فيك ـــرا لك ... لك مني أجمل تحية .

[أبوماجد]

مساكم الله بالخير اعضاء وزوار منتدى الرائدية ..

مساك الله بالنور والسرور

والله هالموضوع محيرني ( المركزيه في العمل الاداري) لم اجدها في جميع مناطق المملكه ماعدا بالخفجي تجدها بكثره لعدة اسباب منها ضعف الرقابه يعني اي مسؤول يجئ الخفجي يمسك اي دائره حكوميه او شركة تطلع قراراته شخصيه وبعيده عن النظام وهذه عدة امثله عليها من قبل بعض ادارات التي تعمل بالخفجي :

الكرسي يبي حقه

1- توزيع الاراضي بالبلدية الناس اللي مقدمه من سنين ومن اهل الخفجي الاوليين ما حصلهم وطلع للي توه جاي او معرفة لرئيس البلدية وين الرقابه .!!!

الاراضي حدث ولاحرج واحد عمره 45 سنه للحين ينتظر الدور واللي عمره 25 سنه استلم
امرهم غريب .. يارجال واسطاتهم خلها تنفعهم عند رب العالمين لاسألهم عن الامانه

2-توظيف الامن الصناعي بشركة عمليات الخفجي 85% من قبيلة المدير واقرابه وناسه نقول عليهم بالعافيه ومبروكين لكن على الاقل وضع اعلان توظيف رسمي مو يصير التقديم اخر الليل ومن تحت الطاوله - ويومين فقط والغريب بالامر بانه يوجد بالدفعه الاولى اخوه الدفعه الثانيه صارت الوظيفه عائليه وطيب الناس الثانيين ماهم مواطنين والا ايه وكذلك ما ذكره سابقا احد الاعضاء توظيف اصحاب السوابق وهذا مخالف - السؤال اين الرقابه عن تصرفات المسؤول !!!!.

منت منهم اقعد وخلهم هذا هو نظامهم والاغلبيه تعرفه لكن مثل ماقلنا خل جماعته وربعه ينفعونه
في الموقف العظيم قدام رب العالمين ... يارجال الله لايبلانا واحد منهم وجهه مغبر همه الدنيا
يركض وراها .... الله يرحمنا برحمته

3- في المدن الاخرى يتم فتح شوارع جديده ومداخل وحنا هنا نكثر الصبات الخرسانيه ونغلق الشوارع على وجه المواطن لاسباب منع التفحيط والتجول والله غريب -- طيب وين الرقابه !!!!

قال شوارع جديده قال يارجال هنا تدمير شوارع جديده كل الشوارع تقفلت اللي بخرسانه
واللي بمدري بشنو وبدون اسباب يقولك تسبب حوادث الا يبون يعطون فرصه لشباب يدعسون
وخاصه اهل السيارت المزعجه بأصواتها .. حسبي الله على ابو يمن هو اللي مضيع شباب الخفجي
والمشكله يمنعون الشباب من تركيب الهدر ويسمحون بيعهم ...غريبه والله كل هذا واسطه

4- هناك شغلات كثيره والله تخلصها اذا كنت بالدمام او الخبر او الجبيل بيومها او خلال ساعات وحنا بالخفجي يقولك الموظف راجعنا بعد 3 ايام .... وين الرقابه عن اداء الجهه الحكوميه !!!!

عادي هذا الروتين ومعروف عند كم دائره بالخفجي مستحيل بدون واسطه معاملتك تمشي
طبعا مو السبب ان معاملتك فيها نقص لا السبب الموظف يبي الناس توسط عنده يعني روتين
ومثلك عارف نظام ذكرني ... اقسم بالله ياجماعه صارت لي معامله ورحت ابي اخلصها
واول يوم ادور الموظف يقولون الحين يجي من الساعه 9 الصبح والى الساعه 2 الظهر
اخر شي قالي زميله نصيحتي لك تعال بكره وخلاص طبعاً الاخ تارك مكتبه مفتوح علشان
طب عليهم مفتش او شي يقول طالع عمل ويرجع المهم جيت ثاني يوم ولقيته طبعاً الساعه
11 توه يشرف الاخ وطبعاً على كتفه سمنت ... شكله كان عنده صبه خرسانه او شي من
النوع هذا .... المهم قدمت معاملتي له قال النظام مايسمح قلت ليش ذكر اسباب وهميه
قلت له تدري الحمد لله ان جميع مناطق المملكه فيهم دوائر غيركم قال ليش قلت لو انتم
الوحيدين عزالله ضعنا وطلعت من عنده ورحت لمنطقه ثانيه وقدمت اوراقي لهم
واستقبلوها والامور تمام التمام .. الزبده لاتدور رقابات عندك واسطه حركها قبل
تراجع وخلاص........

والله الخفجي تحتاج نفض من هذي ؟؟؟؟؟؟

يبيلها نفض وغسيل وكوي بعد



..........................

[نايف عايد]

يعطيك العافيه على الموضوع ملاحظات و نأمل ان يتم حل جميع مشاكل أهل الخفجي ومسائلة المتسببين

[أبو زيدان]

نحتاج للأمانة في العمل



ونحتاج للمدير اللي يخاف الله في مسؤلياته

[المحتسب]

لك مني كل الشكر اخي الفاضل على هذا الطرح ولكن الا ترى اننا بحثنا عن امور دنيانا ونسينا ان نتطرق لأمور ديننا اعني مساجدنا ومقدساتنا بيوت الله الا ترى ان المدير المسؤل قد عين ابناء عمومته في وظيفة ( امام - مؤذن - مراقب - اداري ) وترك من هم اهل بحجج واهية وذهب الى القبيلة والانحيازية ولهذا لم نعد نسمع خطب او دروس او ندوات او دورات مثل الزمن الماضي لماذا لايطرح هذا الموضوع للنقاش بكل شفافية وبعيدا عن الترهات والانحيازية لنضع الحلول المناسبة لكي نتكاتف ونعيد لبيوت الله هيبتها ومكانتها التي نزعت منها انا ارى ان هذا المنتدى يحمل بين جنباته اقلام فذة والله لو اسغلت في معالجة امور الدين والتفريط الحاصل في مساجدنا لكان افضل وفقك الله اخي لكل خير وصلاح

[ابوحفص]

اشكر اخي المحتسب وغيره من من انصف وابدع في رده للمصلحه العامه وصحيح نحن نحتاج الى
هيئه رقابه وتحقيق

ونحتاج الى
مباحث اداريه...... تعمل !!!

والى
كتابه في مواقع الوزارات
فأن كل وزاره لها موقع وكل موقع فيه قسم الشكاوى والمقترحات فما عليك الا ان تدخل الموقع وتكتب الشكوى باسم الدائره واسم المخالف وتعرض رسالتك على الوزير مباشره
من اكبر وزير الى اصغر وزير وهذا من فضل الله عليناوعلى الناس:smile:

[nobleman4u]

موفق بإذن الله ... لك مني أجمل تحية .

[الغلا2007]

الله يعين بس قال رقابة

[مجنونة .com]

ألف شكر لك

أنت ذكرت اربعة نقاط كل نقطة تحتاج لموضوع وحدها
الله يهديهم ويردهم للصواب

ياويلهم من الله اليوم عمل ولاحساب وغدا حساب ولاعمل

سوف يحاسبهم الله ليس بينه وبينهم ترجمان فينظرون ايمن منهم فلا يرون الا ماقدمو وينظرون اشأم منهم فلا يرون الا ماقدمو وينظرون أمامهم فلا يروووون الا النار000

فاتقو النار يامسلمون 000 وخافو الله قبل فوات الأوان 000

دمت بحفظ الله00