مهم جدا للخفجي بخصوص مفاعل بوشهر الايراني

[Roqi220]

السلام عليكم ورحمة الله وبركاته
قريت خبر بجريدة القبس الكويتيه الصادره يوم الاحد عن انشاء 15 محطة رصد مبكره بمختلف مناطق الكويت لكشف اي تسرب اشعاعات نوويه من محطة بوشهر الايرانيه التى تبعد عن الكويت 250 كم .
وكذلك تامين ادوية دوليه مخصصه لهذه الاشعاعات لمختلف الاعمار وبكميات كبيره عند حدوث اي طارئ وكذلك وضع خطة طوارئ بالتعاون مع الدفاع المدني .
-------------------------------------------------------
هذا الخبر يهم الخفجي لعدة اسباب قربها من المفاعل 220كم يبعد عن راس الخفجي والمفاعل صار له اسبوع وهو شغال واي مفاعل نووي بالعالم معرض لتسربات اشعاعيه نوويه مثل ما يحصل بمفاعل روسيا وما سببه من امراض وسرطانات حتى بالاجنه .
وين استعدادات الجهات المختصه ( الصحة - الدفاع المدني بالخفجي ) يلزمنا محطات رصد مبكره لاي تسرب اشعاع نووي .
ويلزمنا تامين الادوية عن الضرورة وهي كما ذكرها سمير العصفور وكيل وزارة الصحة الكويتيه من حبوب وشراب ( اليود المشع اقراص يوديد البوتاسيوم 65 ملجرام .
الموضوع لابد ان يأخذ بمحمل الجد حتى لا نكون فيران تجارب .
المفاعل اشتغل الحين والله يعين ويحفظنا .

[مطلق الشمري]

اخوي روقي

ماعليك ولا تشغل نفسك بالتفكير

اذا اشتغل المفاعل وتسربت منه الاشعه ووصلت الخفجي وتسمموا نص اهل الخفجي

راحوا يفكرون عندنا بمحطات الرصد والادوية

تحياتي

[مجنونة .com]

لاحول ولاقوة الا بالله
حنا ناقصين مشاكل
ايران هذي مامنها الى المشاكل وأذية الجيران ورفع الضغط
المفروض يمنعون من المفاعل لأنه خطر على الجيران
واين احترام الجار
حسبنا الله عليهم ونعم الوكيل
افضل شيء دول الخليج تسوي مراوح كبيرة في البحر على طول الحدود ترجع التسرب عليهم (من حفر حفرة لأخية وقع فيها )
الله يكفينا شرهم ويجعل كيدهم في نحرهم

[مجنونة .com]

امحق جيران
والله ان هذولي هم جيران السوء
حسبي الله عليهم ونعم الوكيل

[Roqi220]

ههههههههه اما سالفة المراوح يا مجنونه والله تضحك
عن جد لابد من تدخل المسؤولين بالخفجي على الاقل توفير الادويه ونعتمد على الله ثم على الكويت اذا حصل تسرب اشعاع نووي من المحطه .
وبعدين الصناعه الروسيه ذات الجودة العاليه حصل بها تسرب فما بالك بالصناعه الايرانيه يمكن من اول شهر يحصل - والمحطه اشتغلت مالها الا ايام . والله يعين ننتظر رد الاخوان مسؤلي صحة الخفجي .

[أنس بن مالك]

افضل شيء دول الخليج تسوي مراوح كبيرة في البحر على طول الحدود ترجع التسرب عليهم


هههههههههههههه
والله إني قاعد أضحك لما تقطع بطني
الله يقطع شيطانك

[مجنونة .com]

ليش تضحكووووون والله اني اتكلم من جد
مراااااوح كبيرة ضخمة قوية ترجع التسرب عليهم جعلهم للسلال
لاوالله جعل المفاعل للزلزال
وبعدين اذا فيه كلامي غلط اوسوء فهم لاتشرهون علي مجنونة العذر والسموحة مقدما
انا حبيت اساعد في حل المشكلة والظاهر اني جبت العيد
على قولة القايل جاء يكحلها عماها
الظاهر اني عميتها
مشكووووووررررين

[ماجد منيف]

هي صادقه مجنونه

خخخخخخخخخخخخخخخخخخخ



ماقول غير حسبي الله ونعم
الوكيل
على هالـ ؟@

واسأل الله العظيم ان يحفظ
جميع المسلمين



مشكور اخوي
ويعطيك العافيه



تحيتي لك

[مجنونة .com]

طيب عندي حل ثاني
اذا كانت فكرة المرااااوح ماتصلح اقترح على شرطةالخفجي يجمعون السرااااقين اللي يسرقون السيارات والبيوت ويرسلونهم للمفاعل اخر الليل ويسرقونه بسرعة ويقطونه بالبحر اذا سلمو الحمدلله وفكونا من المفاعل واذا ماسلمو الشكوى لله وافتكينا منهم عصفورين بحجر
هاه وش رايكم بالإقتراااااااح

[فتى الدمام]

طيب عندي حل ثاني
اذا كانت فكرة المرااااوح ماتصلح اقترح على شرطةالخفجي يجمعون السرااااقين اللي يسرقون السيارات والبيوت ويرسلونهم للمفاعل اخر الليل ويسرقونه بسرعة ويقطونه بالبحر اذا سلمو الحمدلله وفكونا من المفاعل واذا ماسلمو الشكوى لله وافتكينا منهم عصفورين بحجر
هاه وش رايكم بالإقتراااااااح


اعتقد هذا الحل الانسب خخخخخخخخخخخ

الى على طاري الحراميه كثروو هالايام والله يستر منهم يارب

شكرآعلى الموضوع اخوي ولا بد يأخذ محمل الجديه لانه بصراحه موضوع خطير

[شيخة الغيد]

ههههههههههههههههههههههههههه

صح عليك يامجنونه .. ياملا السلال لهم ياارب .. الله يخسف في هالايرانيين ..


أخوي الكل داري عن الموضوع مافيه شي متخبي بس مافيه تحرك ...

الله يحفظنا يارب ...

[هيله يارمانه]

انا معك في الحل الثاني صراحه انتي ياغاليه اعقل وحده فينا حنا المجنن قاعدين بس نضحك
قررت باذن الله اعيد خارج الخفجي وانتبهو لنفسكم

[مجنونة .com]

اشكرك ياهيلة
اخيرا احد اعترف بقدراتي
وباقي الجماعة لاعندهم حل وبس يضحكون وماهم حاسين بالمصيبة
ياجماعة الخير هذا مفاعل نووي ماهو طرطيعان وشراخيات
المسألة كبيرة حييييييل

[هيله يارمانه]

ليش قررت أعيد خارج الخفجي لاني متأكده لويصير أنفجار بها العيد لا سمح الله بيظنون الناس انها طراطيع
العيد طعيني يالغاليه وحطي رجلك

[مجنونة .com]

ماشاء الله عليك ياهيلة
بصرااااحة مخك كبير
انا بعد قررت اعيد بالكوووويت
اووووه الكويت نفس المشكلة طيب وين نرووووح
الدمام لالالا الرياض العيد بالرياض مايصلح لأهل الشرقية
بصرااااحة ننطق بالخفجي والشكوى لله

[هيله يارمانه]

بنحااااااااااااااااااااااااش أبها ها ها أقصد بعيد بأبها وطمنيني عليك في حفظ الرحمن
خرووووووووووووووووووووووووووووووووووووووووج في أمان الله

[مجنونة .com]

والله اللي يقرأ تعليقاتنا يقول هذولي مجانيين كأنهم يتكلمون عن شراخيات والا طراطيع
ماكأننا نتكلم عن مفاااااااااااااعل نوووووي
يمكن نكون مجانييين ويمكن بل الأكيد اننا اهل عقيدة وتوحيد الله اكبر توكل على الله
مايدرووووون يحسبووونننا مثلهم هالفرس الله يكفينا شرهم اعتمادهم على (علي والحسين والعباس)
ونحن اعتمادنا على الواحد الأحد الفرد الصمد
الله اكبر مااجمل العقيدة
انها العقيدة الصاااااافية
الله اكبر
توحيد خالص
لااله الا الله

[f.اللويش]

لاحول ولا قوه الابالله

حسبي الله عليهم هالفرس اذونا كل شوي نووي ونووي

الله يستر بس

مشكور ع هالخبريه

[نور الإسلام]

نعم نحن نتوكل ع الله

لكن ما هو تعريف التوكل /
هو تفويض الأمور إلى الله مع بذل الأسباب

أما التواكل /
وهو تفويض الأمور إلى الله مع ترك الأسباب

وهذا ما أشرتي إليه يا أختنا مجنونة حمانا الله من الجن
فنحن مفوضون أمورنا لله وذوو عقيدة صافية راسخة ولو كان الأمر كما قلتي

لما قام رسولنا بأبي هو وأمي صلوات ربي وسلامه عليه بحفر الخندق
عندما علم بقدوم جيش قريش فهو يعلم بأن الله سينصره لكنه بذل الأسباب

أشكر لك رأيك وأنتي عاقلة لست مجنونة محترم رأيك الشخصي

لكن الإنسان ليس معصوم من الخطأ


الله يكفينا شرهم

والله إنهم بلشة .. وكل يوم ومخربينها مع دولة ..

الله يستر بس

أكيد بيشوفون لهم حل مع التسرب

لكن شوف متى

[مجنونة .com]

نور الاسلام
يعطيك العاااافيةعلى رأيك وتوضيحك
الله يجزااااك الجنة ووالديك

[راجع أشوفك]

افضل شيء دول الخليج تسوي مراوح كبيرة في البحر على طول الحدود ترجع التسرب عليهم (من حفر حفرة لأخية وقع فيها )



:101::101: ’ باركْ الله فيكْ وفي تفكيركْ .,’ فكرة ممتازة

اما من الغازات والتسربآت .. يآخي ابي يجي يوم اطلع برى البيت

اشم هواء نقي بالخفجي احس كتمه واطالع للسماء كلها غازات وسواد .,’

آبي اشووف النجوم بس مانقدر .. الله يحفظنا بحفظه و ( بسم الله الذي لايضر

مع اسمه شيئاً بالأرض ولا في السماء وهو السميع العليم ) يجب ان نداوم

عليها كل صبآح ومساء والله خيراً حافظا .,’

[أبوماجد]

افضل شيء دول الخليج تسوي مراوح كبيرة في البحر على طول الحدود ترجع التسرب عليهم


ههههههههههههههههههه

فكره طيبه بس اخاف تطلع المراوح مضروبه وتسحب التسرب لنا

الله المستعان بس

[بو حمد]

ههههههههههههههههههه

فكره طيبه بس اخاف تطلع المراوح مضروبه وتسحب التسرب لنا

الله المستعان بس

مادام المراوح بها شكه
كل واحد من الأعضاء يأ خذ مهفة مصنوعة من خسف النخيل ونجلس على الشاطىء ونهف بدل المراوح والقائدة المجنونة

[أبو زيدان]

الله يكفينا شرهم

[فتى الدمام]

مادام المراوح بها شكه


كل واحد من الأعضاء يأ خذ مهفة مصنوعة من خسف النخيل ونجلس على الشاطىء ونهف بدل المراوح والقائدة المجنونة



ممتااااز هذا حل آخر

يعطيك العافيه

نرجو من الاعضاء الكرااااام تزويدنا بحلول ومقترحات اخرى لهذا الموضوع

دمتم بود

[ماجد منيف]

طيب عندي حل ثاني
اذا كانت فكرة المرااااوح ماتصلح اقترح على شرطةالخفجي يجمعون السرااااقين اللي يسرقون السيارات والبيوت ويرسلونهم للمفاعل اخر الليل ويسرقونه بسرعة ويقطونه بالبحر اذا سلمو الحمدلله وفكونا من المفاعل واذا ماسلمو الشكوى لله وافتكينا منهم عصفورين بحجر
هاه وش رايكم بالإقتراااااااح


ههههههههه
والله انك شششششي

:D


:biggrin:

الا وش رايك انتي ماشاءالله دام عندك افكار جهنميه

تروحين انتي
وتسوين اللي براسك
وتفكينا منهم
:biggrin:

<< ناوي يوديك بداهيه
هههههههه


الله يحفظ المسلمين
اللهم امين

[صوتك محجوب]

الله يخلي لنا امريكاء لاتخافون بس خوفي واللة يسحبون علينا مالهم امان

والعراق اقرب مثل قالوا صدام عندة نووي وطلع كذب عادايران توحد فيناويالله عاد من زين جيشنا 60الف عسكري

اكثرهم اعمارهم فوق 45 سنة ومكرشين من المفاطيح ولا الحرس هههه اسلحتهم منتهية الصلاحية واكثرهم شيبان

وعددهم 80 الف وصورايخ مداها 80 كيلوا فقط ويمكن تنفجر قبل ما تطلق لانها مصدية ههههه

ايران عدد الحرس الثوري 1000000 مليون عسكري الجيش الاحتياط 500000 خمسمائة الف

غير هممممممم ماندري عنهم

ونجن مجموع قواتنا الجيش والحرس والبحرية والجوية مايجون 200الف او اقل بعد

وظفوا الشباب السعودي هو الباقي لنا والله اقولها من قلب مواطن صادق لكن والله للاسف اي اي واحد يقول الصدق فهو ظدنا لا والله هاذي عقلية وتفكير قديم الشباب متفتح الان ويعرف كل شي ليس مثل الاجيال السابقة

واسمعو الايراني هذا وش يقول في المقطع الخطير


http://www.youtube.com/watch?v=cOKA8DStP5Y



ومجنونة هههههههه تقولين مرواح اخاف ترجع علينا المرواح تمسح اهل الخجفي عن بكرة ابيهم



الله يستر ان مارحت الى ابو زعبل مشكلة ماعندنا ديموغرافية اسف قصدي (ديموقراطية)


والله امنية حياتي ان اشوف كل شباب السعودية يشتغلون مافيهم عاطل والله الجيش والحرس تستوعب جميع العاطلين بالسعودية ولاعاطل يجلس عند ماما وبابا

[nobleman4u]

شـكــ وبارك الله فيك ـــرا لك ... لك مني أجمل تحية .