تذكر قبل البناء بالمخططات التاليه المعرضه للسيل

[Roqi220]

هل تعلم بأن الخفجي يمر بوسطه وادي يأتي من صياهد الوفره ويمر بالمخططات حي الامير فهد بن سلمان ( الخليج ) ويمر كذلك بمخطط الجوهره ويصب في خور الخفجي تقريبا ما بين مبنى امن المنشات وشركة acmcحدثني احد الشيبان بحادثه محاصرة السيل لعشيرق قبل 40 سنه جاهم مطر مده 4 ايام متواصله ولم يستطيع سكان الخفجي بعشيرق انذاك من المرور وكان السيل محاصرهم مده اسبوع كامل .
وليس لهم طريق الا الذهاب الى ميناء سعود .
-------------------------------------------------------------------------------
السؤال اللي يطرح نفسه ماذا لو عاد السيل من جديد ماذا يحصل للمخططات السكنيه ( حي الجوهره - وحي الخليج ) ؟؟ هل هناك مجرى له
يعني من 40 سنه والحمد لله الامور طيبه لكن ليه مافيه تخطيط من البلديه مع انه هناك تعليمات مشدده بمنع اعطاء تراخيص مخططات على مجاري الاوديه والاراضي السبخه الغير صالحه للبناء !!!

العام الماضي جاءت الخفجي امطار خفيفه ماذا حدثت لشوارع الخليج والجوهره انهيارات فما بالك بقواعد البيوت !!!
الموضوع ليس للتخويف والتهويل لا والله لكن حبيت انقل لكم ما قاله احد شيبان الخفجي القدامى ... والله يستر على الجميع

[هوجاس]

السؤال اللي يطرح نفسه ماذا لو عاد السيل من جديد ماذا يحصل للمخططات السكنيه ( حي الجوهره - وحي الخليج ) ؟؟



اكيد بيشتغل الدفاع المدني بكل طاقاته
وبيشتغل حرس الحدود بكل قواربه
وبتجي لجان التعويض ولجان تحقيقyd.885
وهنا اجد ان على البلدية
ان تجعل من شروط الحصول على ترخيص
بنأ ان يحضر المالك شهاده غوص وسباحه:wink:

[طيوفه]

مادري ليه مايتعلمون من الي يصيبهم
المفروض يحطون الخطا الي صار بجدة نصب عيونهم وياخذون احتياطاتهم
مو اذا طاح الفاس بالراس ساعتها يبدون يقترحون حلول
قسم بالله مليت من الغباء المتفشي بين المسؤولين
كلن همه نفسه والشعب ؟؟؟؟؟؟؟؟؟؟؟

[مسبار]

وهل في تصور الكاتب الكريم ان لدينا مسؤولين
بهذا المستوى في العقليات والفهم والتخطيط ؟؟؟!!!

لا تغترون ولا تصدقون المقوله التي تقول لكم كلمات
التخدير .... مثل ... ((حنا احسن من غيرنا وافضل)) .
اعكسوها لتصبح صحيحه .. (( غيرنا احسن منا ))

عندي اعتقاد ان اي مسؤول يحب التفشخر والمديح
والفخفخه هو المتخلف الذي لا ينفع وطن ولا مواطن

[أنس بن مالك]

لا لازم يصير سيول ويموت أكثر من 500 نفس على شان حضرة البلدية تفكر وش تعمل من حلول , وإذا فكرت بالحلول وجابت مستشارين بمليارات الريالات ويجلسون المستشارين أربع سنوات ويطلعون بحلول لا تخطر على أحد والحلول هذه أساسها حل واحد وهي إزالة الأحياء التي تمر بمجرى الأودية , وبعد 25 سنة تبدأ البلدية الموقرة بتنفيذ القرار , ويجلسون 25 سنة أخرى وهم ينفذون القرار , وتطلع مشكلة ثانية بعد 50 سنة من التعب وهم قاعدين يسهرون الليل والنهار في خدمة المواطن تطلع مشكلة ثانية وهي أن الأحياء الجديدة اللي استبدلوها طلعت في مجرى سيل هي الأخرى , وراح يرجعون لنفس المواااااااال .

[Roqi220]

الله يعطيكم العافبه على تعليقاتكم
الجميع يعرف ان معظم اراضي الخفجي سبخه وليس هذا موضوعنا
الموضوع هو مسار الوادي (السيل ) يمر بهذه المخططات القادم من شمال غرب الخفجي
وعند مقابلتي لاحد شيبان الخفجي القدامى هو شاهد عيان عن الحادثه اللي حصلت لهم قبل 40 سنه وهم بعشيرق هو اللي حذر من البناء مالم يتم ايجاد حل من قبل البلديه حتى لا تقع كارثه

[فتى الدمام]

شـكــ وبارك الله فيك ـــرا لك ... لك مني أجمل تحية .