سبحان من بيده الاعمار.......روحِ يهبها وياخذ روح



كل نفس عنده لها مقدار.......تأخذ اجلها وثم تـروح

إحذر تهاون وتترك فـرض.......وإغنم شبابك قبل لا تشيـب



قدام تطوى عليـك الارض.......وشمس العمر يالحبيب تغيب

على أيش مغترَّ يامسكيـن.......وش هو مكانك من الإعراب



كيف إتّكبر وأساسك طيـن.....ونهايتـك فالأخيـر تـراب

ما كل ما ينعـرف ينقـال.......بعض الحكي فالخطر غاية



إختر لسدك ثقات رجـال......قرارهـم مالـه نهايـة

أهل السفاهـة تجاهلهـم.......أبلغ إجابة لهـم سكـوت



في لغوهـم لا تجادلهـم.......بالصمت كمد السفيه يموت

بحلمي أصفح عن الجاهـل......اللي بجهله حسبها ضعـف



لو كنت اراعيـه يستاهـل......إنـي أرد الأسيـة ضعـف



لكـن ماهـيّ بالسـاهـل......من شان جاهل اخالف عرف



ياللي من المعرفـة ناهـل......لاخّطأ عليك الجويهل أعـف

شتّان بين الرجاء والياس......في راحة القلب وأحزانـه



لكن ما يستوون النـاس......كلً علـى قـدر إيمانـه

ماباقي الا صدى الذكرى.......ناقوس في عالم النسيان
كل مافؤادي بدا يبـرى.......جدد بي الجرح والاحزان

اغـراب الايـام لمتـنـا.......حتى هوينا وصرنا احباب
ونفس البدايـه نهايتنـا.......اغراب جينا ورحنا اغراب

دمع القلم عانـق الأوراق........وأسفر عن عناقهم قصـه
قصة رجل للسراب انساق........عطشان وفداخله غصـه