|
* * الذاكرة ماعادها ( تذكر أوجاع ) .. ياللي تقول ( شلون تنسى تذكّر ) ......!! رجّع لي عهدن من سنين العمر ضاع .. و أنا أوعدك ( للجرح راح اتشكّر ) ...!! ملح الغياب اللي سقوني بلا داع .. من حبهم حسّيته بطعم ( سكّر ) ........!! و لحظة فهمت الدرس ميّزت الأوضاع .. قعدت في الواقع سنين اتفكّر ...........!! خذيت لي ذكرى و سجّة و مرباع .. وأقول ياشمس اللقا ( الصبح بكّر ) ....!! و أقول للي من قسى الصدّ مرتاع .. دام المزاج اللي صفالي ( تعكّر ) .......!! رح أسأل اللي يسأل شحال الأوجاع .. وش فيه طيّب .. ( للحبايب تنكّر ) ......؟؟ * * |
* * هذا الزمن رتمه يحيّر و مقلوب .. ولا كل من سولف عن الحب ( صادق ) ..!! بعض العرب جنتل و يعجبك و أسلوب .. مثل ( الرسبشن ) في كبار / الفنادق ......!! * * |
* * أنا مشيت هناك و هناك و هناك .. و عاشرت لي ناسن صحاح و مريضة ..!! و بأقول لك قولن عسى العمر يهناك دام الحياة بعين مثلك ( عريضة ) ........!! ازحف و سوّ اللي بدالك بدنياك .. بس انتبه تنسى ( صلاة الفريضة ) ......!! * * |
* * عاهدت نفسي أشوم و ( م أذكر الماضي ) .. و لا عدت أفكّر بلا زينه و لا شينه ..................!! أول اداري خواطر ناس و أحاظي .. و يكسرني منظر حديهم لا آدمعت عينه .............!! و اليوم ماني على طرد الهوى ( فاضي ) .. ولا همّني الشوق لو هو بيني و بينه .................!! حكّمت نفسي و صرت الخصم و القاضي .. وأقنعت نفسي و كانت ( حالتي زينه ) ................!! ماني بعد صدّة اللي كان ( متغاضي ) .. إلين يرجع يسدد بالزمن دينه ...........................!! و إن كانه أقفى و كان بصدّته راضي ؟؟ ( تمرّ الأيام .. يانفسي و تنسينه ) ......................!! * * |
* * لك الله ياجسر البحر من ورى ( موجه ) .. على جال موجك كنت واقف و لا عدّيت ...........!! ترقّبت لين الحزن سيطر علي فوجه .. بك الذكريات تحدّني من وين مالدّيت ..............!! يا كم ليلتن قد جيت و أخذت لي دوجه .. ويا كم حلم شيّدته وكم حلم قد هدّيت ...............!! ويا كم صديقن كان يبني لي بروجه .. وكم عهدن أقفى به وكم عهد له أدّيت .............!! و كم دمعتن سالت و لي نفس مفلوجه .. و موجك لو أنه كان يسألني ( ماردّيت ) ..........!! اراقب قمر هالليل من لحظة خروجه .. و لابان نور الفجر لفراقك انحدّيت ..................!! ذكرتك مسا هالليل والشاطي وموجه .. و لحظة وصلتك قلت ( ياليتني صدّيت ) .............!! و هذا حنين القلب و الدمع منتوجه .. وكابرت لين الدمع فضّح بي و عدّيت ................!! للتوضيح فقط .. الشاطي ( شاطئ الخفجي ) .. و الجسر معروف .. و ( موجه ) بوفية للوجبات السريعة يقع الجسر خلفها مباشرة .. و سلامتكم .. http://www.tfasel.com/vb/images/smilies/smail.gif * * |
* * للحياة دروس .. من راقبها جيدا .. لن يتعب كثيرا .. في تحديد دروب حياته ..!! و لن يندم في اختياراته .. فقط تأملوها جيدا ..!! و ستنجحون ..!! * * |
* * ياصآحبي لي صاحبن صنته سنين .. .. و أقفى و شفته داخل بـ وسط كونــك ...!! الله يهنيكم و لكن .. أنا .. الحيـــن ..! .. بـ أنصحك دامي .. ذايق الجرح دونك ...!! خلك حريص بصحبته و أنتبه زين ..! .. صدّقني منهو خان غيرك .. يخونك ......!! * * |
* * ياموج انا شارب من الصدق .. فنجال .. .. و مابدّلوا صدقي .. و .. لو بدّلوني ........!! فإن شفتني مكسور خاطر على الجال ..! .. لي العذر .. لو غيـّـر الصمت لوني ........!! لمــّــعتهم لين الردي صآر .. رجــّـآل .. .. و عادوا على طبع الردى و خذلوني ......!! * * |
* * قلبن تخبرونه ( وسط خافقي حيّ ) خلّوه .. دام الله كفيله و عونه .................!! كّوت سنينه فيه إلين ( أدمن الكيّ ) .. و الحين يوم أقفى ( تب / ترجّعونه ) ........؟؟ ماكان طامع قبل لا يروح في شيء .. كان يتمنى ناسه يودّعونه ......................!! ياما شكى جرحه ولا كنتوا الفيّ .. الحين يعني توّكم تسمعونه .....................؟؟ قفل على نفسه دهاليزه ( ب غيّ ) ... و اختار يرحل لأجل يستر ( طعونه ) ...........!! اختار ظُلمة راحته دامكم ( ضيّ ) .. و لو أجدبت صحراه لا تزرعونه ................!! طوى جميع اللي عرفهم كذا ( طيّ ) .. لو هم على رأس البشر يرفعونه ................!! باب الوصل دون الوصل صار به ( ليّ ) .. ماهو مثل أول إذا تدفعونه ........................!! ماينفتح هالباب أنا قلت له ( عيّ ) ... ماينفتح هالباب .. ( لا توجعوووونه ) ..........!! * * |
* * لما قدم حاتم الأصم إلى أحمد بن حنبل ..! قال له أحمد بعد الترحيب به : أخبرني كيف التخلص إلى السلامة من الناس ؟؟ فقال حاتم : بثلاثة أشياء ..!! قال أحمد : ما هي ؟؟ قال : تعطيهم مالك ولا تأخذ مالهم ، وتقضي حقوقهم ولا تطالبهم بقضاء حقوقك ، وتصبر على أذاهم ولا تؤذيهم ..!! فقال أحمد إنها لصعبة ........!! قال حاتم : وليتك تسلم .. و ليتك تسلم .. و ليتك تسلم ....!! * * |
| الساعة الآن 02:49 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.