يازمنا فيك خير وفيك عكسه
وان فقدنا شي بالخالق عزانا
كل عام وتطرد الافراح نكسه
موت ابن شايق وكارونا غزانا

يامكثر الشيخان كشخات واصوات
من دون ختم ودون فعل وتواريخ
شاخوا على شاشات بعض القنّوات
مافيه حفل الا يجي صاحبه شيخ

يتوق قلبي سوات الطير
من فوق وكره نوى شلعه
حروة عشى تاق وقت عصير
حازم وجازم على طلعه
عليك يامشغل التفكير
ودارك بعيده ومنقلعه
ياللي خوالك شمال سدير
وابوك حاكم على القلعه

قالوا صباح وقلت يسعد صباحك
ياللي صباحك يندمج في صباحي
واقول ليتك طير واصبح جناحك
والا أصير الطير وانت الجناحي

من عقبك الخفجي ولا شي صاير
والمنفذ اللي فيه صاير ولا شي
ياليت لي جنحان واصير طاير
واعبر بحور الشرق واجيك يامي

صبيت حبك واشربه شرب قهوه
ماهو حظيظ اللي بْقربك مانعم
غيرك يمر وُفيه مالي اشهوه
الا انـت لك لبيــه لـك سم ونعم

قالـوا حمـد ماشفـت بـاب الحـاره
تعجـبـك حلقـاتـه ولـــهْ تشـتـاقـي
واكبـار نـصـف المجتـمـع واصـغـاره
يـتـابـعـونـه والـمـسـلـسـل راقـــــي
وانــــا مـتـابــع حـــــارة الــغـــداره
ضـد الفلسطيـنـي وضــد عـراقـي
اشــــن غــــاره واتــصــدى غـــــاره
مااحسب حساب الأولي والباقي

ياحمود عــزالله انجلّطوا
المــدعـو فْـــلان واصـحـابه
غلّطــوا ولاكـنّهـم غلّـطوا
اشكالهم مااحسب حْسابه
خلـطتهم زين واختلّـطوا
وحـطـيـتهـم تـحـت سـبـابه
تمددوا خوف وانبلطوا
واستسلموا جمـلة عـصابه

عندما تكون وسيط يجب ان تكون ناقلاً محايد بالمهمة بين الطرفين وليس ممثلاً لأحد الأطراف

التاريخ

تدري وش اللي بالزمن يعتبر درس
درسٍ ماغيره في جميع المدارس
لامن غرست وماطلع للوفاء غرس
في من تحسبه للمواجيب فارس

ماتجتمع (عين) معها (حاء) في كلمه
في كلمةٍ واحدة مَحدٍ يركبها
يقولها شاعرٍ فن اللغه علمه
والارض يمشيبها يفهم مناكبها

يانوف وضعي معك يانوف
مـاهـو بعيدٍ ولا قـريّب
معك بصرح على المكشوف
قبل اسود الراس لايشيّب
بتبع سياسة حروف ألوف
الأنسحــاب اعـتقد طيّب

خـلـي هــلا ياريـم لاقـلـت يــاريــم
قــولــي ليـا ناديـت يـاريـم لــبيـــه
سلمت لك فكري مع القلب تسليم
وخبي شعورك لي عن الناس خبيه

يفـخر الإعـلام فـي مثل الكحيله
صححت وضع النساء في تجربتها
كل ماسـوت عمـل تعـطي دليله
مـبـدعـه متمـكنه فـي تغـطــيــتـها
كل صوره تلتقـط تـطلــع جميله
فن لامن صوّرتْ في كـــامِيرتها

النجاحات تذبح عاذلي ياعمر
وانكشف لي عدوي وانكشف لي صديق
صرت بكبود عذالي سوات الجمر
ذابت كبودهم واشعلت فيهم حريق
عابس الوجه واضح مثل شمس وقمر
كل ماصار ضدي سكته تستضيق

ياقرد حظ الشعر يامعيض قرداه
من ناس سوت به روايه وقصه
ويابعدهم من منطق الجزل بعداه
حتى ولو فيه اعتلوها المنصه
مات الزلامي واشهدنا فقدناه
ليته قبل موته عطى الغشم حصه

الناس طاحوا في برامج من حذف واللي يضيف
وانا معي برنامجي يكشف لي اصحاب الردى
واكشف به القلب المصدي واكشف القلب النظيف
والنيه الغـبرى مـايقـطع دوم صـاحـبها مـدى

لاصرت رسمي قالوا انك مُعقد
وان صرت تمزح قالوا انك مخفه
حتى ولو انـك مـريض وُمـرقّد
قـالوا سلـيم ولو على جـال هفه

ياكثر ماتنطق فديتك ولبيه
ماشفت في لبيه صدق وفديتك
كشفت شي وشي عادك مْخبيه
وانا على قدر التعامل عطيتك

ياهلال تبقى معتلي شامخٍ فوق
المجد عنوانك ولك فيه بصمات
تلعب ولعبك فن واخلاق مع ذوق
لو تنهزم تبقى زعيم البطولات

السفط في ماهو ولا شي لي شي
سياسة التطنيش هي لي سـياسه
احط بعض الناس ميّت وهو حي
قدره ولا حتى صفر في مقاسه

الناس فيهم طبع دايم في بعضهم ياكلون
مايسلم مْن الحي ناسٍ في سراديب القبور
حتى على الواتساب قاموا بالعيون يراقبون
يراقبون اول دخولك عندهم واخر ظهور

تدري وش اللي بالزمن يعتبر درس
درسٍ ماغيره في جميع المدارس
لامن غرست وماطلع للوفاء غرس
في من تحسبه للمواجيب فارس

للضغط والسكر وكتمات الانفاس
وصفة علاج ان خذتها مايجنّك
احتاط في فن التعامل مع الناس
بالـذوق و الأخـلاق يمتـاز فـنّك

ياليتني ياطير مثلك ليْاضقت
اصعد فضاء ماني على الارض مكتوف
امر فوق ديار ريمه ليا اشتقت
واطلق نظر عيني على البيت واشوف

اخذت اعادة راي مع وجهة نظر
في حال من وصله ليّا عاهد يبور
سويت له في قائمة قلبي حظر
لامتصل ولابقاه اخر ظهور

حاله جديده مْلاحظها ولي فتره
واشوفها بين مقبوله ومرفوضه
مع لابس الثوب واللي لابس الغتره
في كل عام جديد التهنئه موضه
والشي لاصار بدعه واجبٍ بتره
واللي ماهو في كتاب الله يجي فوضه

ينتهي توقيت الاخلاص من عشْرّة نـذل
ماتواليها حسايف معه لو تنتهي
يدعي في بذل والوقت يكشف من بذل
في مسارٍ حدد المنتبه والمنتهي
من عذلني في فْراقه ياليته ماعذل
عايفه قلبي ونفسي على ماتشتهي

ملامحك ترجمتها نظرة عيونك
فيك الغضب لو تخفى فاضحٍ سره
خل الزعل وابتسم والعيد من دونك
مافيه من عالم الافراح لو ذره

تموت المشاعر لالقت ميت الاحساس
ولاتنتعــش لـلــي تصــنّع باحـــاسـيســه
وانا معي جوده ختمها للوفاء نبراس
لبسها الوفاء من خالص الصدق تلبيسه

حلمت لي حلم وضعه مختلف يامعيض
شــفت الاوادم بحلـمي واقفـه وتحبي
والشعب ثلثه غبي والثلث الاخر مريض
وانا الوحيد الذكي ومعيض ماهو غبي

ياقرد حظ الشعر يامعيض قرداه
من ناس سوت به روايه وقصه
ويابعدهم من منطق الجزل بعداه
حتى ولو فيه اعتلوها المنصه
مات الزلامي واشهدنا فقدناه
ليته قبل موته عطى الغشم حصه

مات الزلامي ومات الحاضر الماضي
والشعر بعد الزلامي يبتدي حزنه
ماعاد للشعر لاحاكم ولا قاضي
يموت معناه فـي قافه وُفي وُزنه
مااظن عقبه يغيث وبارقه ياضي
حتى ولوشفت في عرض الفضاء مزنه
يامعشر الشعر ياالمليان والفاضي
مفتاح في قفل ماينفع بلا خزنه

الشعر ماقلته معرى وفـاضح
مافيه من قل الحيا بيت مصلوخ
ابنيه في كل المواضيع واضح
عرفي يزيد الشعر وارقابه شموخ
اسبح بّحوره عندي الخير ناضح
ماصرت به شحاذ ومطبّل شيوخ

منّك سمح خاطري لاتقول لي آسف في
وجه دربك وعذرك قافلٍ بابي
لو لنتقام الغرام حزام لي ناسف
عادي افجرك لو سموني ارهابي

تموت المشاعر لالقت ميت الاحساس
ولاتنتعــش لـلــي تصــنّع باحـــاسـيســه
وانا معي جوده ختمها للوفاء نبراس
لبسها الوفاء من خالص الصدق تلبيسه

ياسوق الذهب ياللي تْباع الجواهر فيك
انا جيت صدفه فيك شفت الذهب يمشي
ذهـب لـويبيـعـونه هـله قـلت لـه شـاريك
اغــذيـه من قـلبـي واغــطيه مـن رمـــشي

يافـرخ ياللـي تو ريشـك مااكتمل
وان اكتمل وان مااكتمل ماانت بكفـو
ماانت بكفو يافرخ تنطح لك جمل
مـنـك الخــطا مايشمـله منـي عفـو

http://cdn.top4top.net/d_233ee577681.mp3


تابعوا برنامج المجلس مع الشعر الجزل
قمة الابداع في حاضر وفي وقتٍ مضى
شامل الاغراض في مدح وثناء وصف وغزل
والفخر يمتاز من بوح المشاعر ماقضى
من مناطق مملكتنا عن مراده مااعتزل
بالتراث وسيرة الموروث لضيوفه حضى
شاشة الصحراء تبثه مستواها مانزل
مرضيه جمهورها وافضل قناوات الفضاء