![]() |
لاتغرك المرتبة والجـاه......والعز لا تحسبـه دايـم
لاتفتري في عبـاد الله......حذراك من دعوة الصايم |
سبحان من بيده الاعمار.......روحِ يهبها وياخذ روح
كل نفس عنده لها مقدار.......تأخذ اجلها وثم تـروح |
إحذر تهاون وتترك فـرض.......وإغنم شبابك قبل لا تشيـب
قدام تطوى عليـك الارض.......وشمس العمر يالحبيب تغيب |
المرء مهما صنع وانجز.......حتى اكتشف عالم الذرّة
فالعلم مهما بلغ يعجـز.......يخلق من الكون لو ذرّة |
على أيش مغترَّ يامسكيـن.......وش هو مكانك من الإعراب
كيف إتّكبر وأساسك طيـن.....ونهايتـك فالأخيـر تـراب |
ما كل ما ينعـرف ينقـال.......بعض الحكي فالخطر غاية
إختر لسدك ثقات رجـال......قرارهـم مالـه نهايـة |
أهل السفاهـة تجاهلهـم.......أبلغ إجابة لهـم سكـوت
في لغوهـم لا تجادلهـم.......بالصمت كمد السفيه يموت |
بحلمي أصفح عن الجاهـل......اللي بجهله حسبها ضعـف
لو كنت اراعيـه يستاهـل......إنـي أرد الأسيـة ضعـف لكـن ماهـيّ بالسـاهـل......من شان جاهل اخالف عرف |
شتّان بين الرجاء والياس......في راحة القلب وأحزانـه
لكن ما يستوون النـاس......كلً علـى قـدر إيمانـه |
القلب والعين والافكـار.......وايام عمري وما فيهـا
خذها وجرب لهيب النار.......واللي من أجلك اقاسيها |
الساعة الآن 12:30 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.