قصدك (عبيدلله ) قديمه لكن اللي اشوفه انك قلتي عبدالله بالاسم وليس الصفه اللي تقوليها لكنابي اشغل دبابيسي وبكره اكتب رقم شارع بيتكم:D وعدد المستاجرين بالحاره وكم فاتورة الكهرب وعداد الماء وفاتورة التلفون وهل الجوال باسم هندي والا لا:wink: :wink: عموما وعلى قولتك انتي من اي القسمين افيدك انك مانتي من اي قسم من الفاشلين بالعكس انا جبتلك حكمه ابيك تمشين عليها بس وعموما ..... ابي انحاش قبل لاتطلعون السيره الذاتيه لي:biggrin:...... عبدالله ابووصال

بالنسبه يااخوان عن مسألة خيانة الزوجه وقضية الشك لدى الازواج او الزوجات .... هناك معلومه اتمنى ان يظفر ويتحلى بها كثير من المتزوجين والمتزوجات والخاطبين والمخطوبات والسامعين والسامعات والحاقدين والحاقدات على الازواج على ان احد الكتاب يقول اياك ان تشك ولو بجزء واحد من المائه حيث يقول لاينتابك الشك الا عندما ترى شخص نائما في سريرك :d لانك اذا سلمت نفسك للشك انتهت حياتك الزوجيه فالزموا هذا الامر ولا تجعل نظرتك سوداويه للحياة وللنساء فذلك ادعى لان تكون حياتك فاشله وليس بالظروري ان تكون او يكون الشخص الذي فشل في حياته مره او مرتان ان يكون اغلب الامر منه .... فقد يكون الله قد وضعك مع اشخاص غريبين الاطوار اما الرجل او المراه .... مارايكم برجل يدع زوجته تذهب الى السوق وتجعل الهاتف الجوال باتصال مستمر مع الزوج حتى يسمع المحادثه بالكامل بين الزوجه والبائع .... اعتقد ان الزوجه لو قالت للبائع بتغنج يالله خفضلي السعر شوي ... اعتقد بالجهه المقابله الزوج يكون جالس بين رجال ... في اعتقادي انه راح يقوم على طوله ويصرخ وهي ماتسمعه وقتها اعتقد راح يغز رجوله وينصرع :) .... هذا الرجل مسكين لانه اسير شكه وغيرته معا .... الله لايحطنا محط هالرجل ويشفيه .... وفيه حريم يغارون غيره عمياء ... اذكر واحد يقولي ياابووصال عندي زوجتي اذا رحت انام بالليل وهي تبي تسهر على التلفزيون كل 5دقايق تدخل فجأه علي وتشيل الغطاء بعد مااكون غطيت في بداية النوم واقوم مفزوع تشوفني نايم بعدها تروح وتطلع ....سألته ليش .... يقول تحس اني اتكلم مع حريم ....طيب هناك مشاكل غيره مابين الرجل والمراه والله يعين الناس لانها مسلمة لاشية فيها :d ....اركدو يالرجال واركدو يالحريم المشكله الرجال لو ترك المراه عند اهلها فترة ... جلست تثاغي وتحن على زوجها .... والرجال لو تركته المراه فتره بسيطه تلقاه يصير مثل ابو الحصين ماغير يتلفت .... طيب من اول هدو الرمي لين الله يصلح الحال ..... لابد ان يكون هناك احترام متبادل بين الطرفين وصدقوني ..... يالجوقه دانه والاخ شافيز عايد :d لو تتكلمو من هنا الى بكره راح تجيبو مشاكل كثيره لاتعد ولاتحصى بين المراه والرجل ولو تتكلمو من هنا الى بكره راح تجيبو حسنات للأثنين معا ..... الواحد يقول يالله الستر .... اعتقد من اللي قريته والله اعلم ومن الردود ان كل من دانه الكون والاخ نايف عايد له تجارب ربما فشلت بالحياة من اللي ذكرناها وانا متاكد منها لان الاسلوب يتضح جلي لدي بما اني عبقري الله يخليني لنفسي ويعوض على :d لكن الناس كثير فيها خير ...... وانا اولهم:d..........اخوكم ابووصال بدون عبدالله

الله ينور مقدارك 220 فولت انا تكلمت بالتصفيق لاي شخص مو لك انتي :D الشاعر لو كان امير وهو يتكلم يقاطعونه بالتصفيق فهل هذا امر مخزي ... لااعتقد ذلك طيب انا اصفق لك وش المشكله ثانيا حكمة الفاشلين انا ابي ابين لك حتى ولو واجهتي انتقادات بعد الانتقادات دائما تفتر عزائم الرجال فما بالك بالنساء وانا وصلتلك معلومه ابيك تنتبهي لها ماحبيت يصير بعد المقاله ان احد ينتقدك او يجرح فيك او يغلط معاك فهنا تحبط المعنويات اخت دانه بعدها تصبح كتابات الشخص تحيز وممكن تكون باحتراز منه فوقتها يبدا يكتب ولكن بدون روح وانا للامانه امتدحتك وللان وانا امدحك لانك لك اسلوب معين بالكتابه وعندك افكار جيده وممتازه تصلح لان تكوني مشرفة قسم وعموما .... اللي فوق راسه بطحاء بين... الله يسامحك ... اما مثل التيس والثغاء فوالله اني توي اسمعه منك :wink:.... ماقلتلك لك كتابات جيده:D.... وبخصوص الفواتير والعدادات واللي بس لاتكتبها :) مجرد مزحه (ايه هين) احممم والامور الله يعين عليها بخير .... وعندي ملحوظه ماعلقتي علا باقي كلامي بالنسبه لك وللاخ نايف .... طلع كلامي صحيح :D ياحظي ذكي صح ... حصل معاي موقف طريف مره .... طلعت من البيت الا جاري يقول ياعبدالله:wink: طفى الكهرب عن بيتنا قلت وانا بعد طفى الكهرب عندي الا فيه واحد راكب سياره اكسنت صغيره .... فقالي جاري هذا موظف الكهرب اللي فصل العداد ....قلتله ماتفاهمت معاه قال كلمته ويقول ياخي انتم خليتونا نضطر ونتخذ الاجراء هذا معاكم الواحد يسدد قبل مايطيح الفاس بالراس قلت لجاري عز الله انه صادق فعلا حنا ليه نترك الفاتوره كذا المفروض قبل لايطبعونها نجيهم ونسدد قلت الموظف وينه قال ركب مع واحد وترك سيارته ... شفت فعلا سياره لفت من عندنا وراحت باتجاه الشارع قلت بنفسي الله يعين .... جاري اتصل بموظفين الكهرب وقال ياخي شلون تقطعو الكهرب عن بيتنا والفاتوره تو ماصدرت ... رد موظف الكهرب قال يااخ الكهرب ماقطع عنكم للحين ... قال جاري الا قطعتوه وانتم فيكم ومافيكم وفيكم فساد وفيكم البلاء .... شفت جاري انمغص من الجو اللي هو فيه مسكته قلت امش نروح نصلي ونرجع .... المشكله الرجال اللي راح معاه موظف الكهرب انا اعرفه من الحاره ورجال عاقل قلت غريبه اتصلت فيه بالجوال وقلت ياابو رنيم وين وديت موظف الكهرب قال ياخي ذا سكران :Dلقيته عند بابكم ويخربط بكلامه قلت تدري الحين عرفت الموضوع ... لقيت ابو الشباب وقف بسيارته وناظر شاف فاتورة الكهرب واخذها وشاف المبلغ راح قطع الكهرب من العداد بس ... ... بعدها بشوي الا ليموزين جاي ومعاه موظف الكهرب المزعوم:eek: نزل وجاء عندي ... الان ابي اتعامل معاه حسب عقليته قلت حياك الله اخوي انا اسف لكن ماتكرر بس انا سددت واعذرني بس لو سمحت ممكن تشغل الكهرب لنا .... قال سددت اكيد قلت نعم قال ياخي والله ماودنا نتفشل مع الناس لكن انتم تجبروننا على كذا والا الود ودي اني مااقفل على اي واحد عداده(طبعا للحين هو مصدق )قلت يعطيك العافيه ومشكور راح وشغل العداد والحمدلله ....... فكل موقف له طريقة تعامل قريت اللي بدرج سيارته كانت ايجار شفت المهنه الا عسكري ... متزوج .... وعنده عيال .... يوم وقف عندنا كانت حالته يرثى لها .... لو فيه واحد ثاني كان اتصل بالشرطه وجو سوو قضيه رفعوها الى مرجعه ممكن ماتكون الاولى ولا الثانيه يحاكمونه بعدها يجيه فصل .... وش تتوقعون راح يضيع مستقبل عياله فطريقة التعامل تكون على جميع الاشكال مع الزوجه مع الجيران مع الاصدقاء مع الام مع الاب ولكن بطريقه مميزه تحفظ فيها طريقتك وهيبتك واسلوبك يكون واضح حتى يعرف الناس اللي تتعامل معاهم طريقك في السير ونضجك لذلك تجد الاغلبيه منهم ياخذو برايك ... هنا اقولكم اعذروني على الاطاله لكن حبيت اتكلم واهربد لكم للي في بطني ومشكورين .... ابووصال

يادانه الله يستر علينا وعليك قلنا لكم ان الانسان سواء رجال او حرمه لابد يكون فيه الغريزه هذي اللي هي الغيره ولكن عندما تزود قليلا تتحول الى كابوس مرير يهدد حياة الاسره اما سالفة اللي يقول لزوجته وهي عند اهلها ليش تضحكون اكيد تتغامزو علي فالظاهر انه منسم صحيح ومو مريض بس الا اساس المرض متعديه ...... عموما قلتلك يادانه ان العلاقه الاسريه اكمل وابقى من انا نسولف فيها ونبين اخطاء ربما تكون فيني انا او فيك انتي فعندها يتعلم الانسان من هذه الاخطاء واعتقد ان الانسان يبحث عن الكمال دائما ولن يجده ابدا لكن يسدد ويقارب دانه قلتلك باقي فاتورة الكهرباء ماجبتها مع اني موصي واحد اليوم:d

حياك الله اخوي ابو وصال
والله يستر على الجميع ،، يعطيك العافيه وجزاك الله خير على النصائح المجانيه المفيده.
وانا اقول وين فاتورتنا ماهي بمكانها:biggrin: انا قلت لك اعرف الي تبي مايهم "واثق الخطا يمشي ملكً" بس لا تكتب والا بخلي لك المنتدى بكبره.