|
* * الذاكرة ماعادها ( تذكر أوجاع ) .. ياللي تقول ( شلون تنسى تذكّر ) ......!! رجّع لي عهدن من سنين العمر ضاع .. و أنا أوعدك ( للجرح راح اتشكّر ) ...!! ملح الغياب اللي سقوني بلا داع .. من حبهم حسّيته بطعم ( سكّر ) ........!! و لحظة فهمت الدرس ميّزت الأوضاع .. قعدت في الواقع سنين اتفكّر ...........!! خذيت لي ذكرى و سجّة و مرباع .. وأقول ياشمس اللقا ( الصبح بكّر ) ....!! و أقول للي من قسى الصدّ مرتاع .. دام المزاج اللي صفالي ( تعكّر ) .......!! رح أسأل اللي يسأل شحال الأوجاع .. وش فيه طيّب .. ( للحبايب تنكّر ) ......؟؟ * * |
* * هذا الزمن رتمه يحيّر و مقلوب .. ولا كل من سولف عن الحب ( صادق ) ..!! بعض العرب جنتل و يعجبك و أسلوب .. مثل ( الرسبشن ) في كبار / الفنادق ......!! * * |
* * أنا مشيت هناك و هناك و هناك .. و عاشرت لي ناسن صحاح و مريضة ..!! و بأقول لك قولن عسى العمر يهناك دام الحياة بعين مثلك ( عريضة ) ........!! ازحف و سوّ اللي بدالك بدنياك .. بس انتبه تنسى ( صلاة الفريضة ) ......!! * * |
* * عاهدت نفسي أشوم و ( م أذكر الماضي ) .. و لا عدت أفكّر بلا زينه و لا شينه ..................!! أول اداري خواطر ناس و أحاظي .. و يكسرني منظر حديهم لا آدمعت عينه .............!! و اليوم ماني على طرد الهوى ( فاضي ) .. ولا همّني الشوق لو هو بيني و بينه .................!! حكّمت نفسي و صرت الخصم و القاضي .. وأقنعت نفسي و كانت ( حالتي زينه ) ................!! ماني بعد صدّة اللي كان ( متغاضي ) .. إلين يرجع يسدد بالزمن دينه ...........................!! و إن كانه أقفى و كان بصدّته راضي ؟؟ ( تمرّ الأيام .. يانفسي و تنسينه ) ......................!! * * |
* * لك الله ياجسر البحر من ورى ( موجه ) .. على جال موجك كنت واقف و لا عدّيت ...........!! ترقّبت لين الحزن سيطر علي فوجه .. بك الذكريات تحدّني من وين مالدّيت ..............!! يا كم ليلتن قد جيت و أخذت لي دوجه .. ويا كم حلم شيّدته وكم حلم قد هدّيت ...............!! ويا كم صديقن كان يبني لي بروجه .. وكم عهدن أقفى به وكم عهد له أدّيت .............!! و كم دمعتن سالت و لي نفس مفلوجه .. و موجك لو أنه كان يسألني ( ماردّيت ) ..........!! اراقب قمر هالليل من لحظة خروجه .. و لابان نور الفجر لفراقك انحدّيت ..................!! ذكرتك مسا هالليل والشاطي وموجه .. و لحظة وصلتك قلت ( ياليتني صدّيت ) .............!! و هذا حنين القلب و الدمع منتوجه .. وكابرت لين الدمع فضّح بي و عدّيت ................!! للتوضيح فقط .. الشاطي ( شاطئ الخفجي ) .. و الجسر معروف .. و ( موجه ) بوفية للوجبات السريعة يقع الجسر خلفها مباشرة .. و سلامتكم .. http://www.tfasel.com/vb/images/smilies/smail.gif * * |
* * للحياة دروس .. من راقبها جيدا .. لن يتعب كثيرا .. في تحديد دروب حياته ..!! و لن يندم في اختياراته .. فقط تأملوها جيدا ..!! و ستنجحون ..!! * * |
* * ياصآحبي لي صاحبن صنته سنين .. .. و أقفى و شفته داخل بـ وسط كونــك ...!! الله يهنيكم و لكن .. أنا .. الحيـــن ..! .. بـ أنصحك دامي .. ذايق الجرح دونك ...!! خلك حريص بصحبته و أنتبه زين ..! .. صدّقني منهو خان غيرك .. يخونك ......!! * * |
* * ياموج انا شارب من الصدق .. فنجال .. .. و مابدّلوا صدقي .. و .. لو بدّلوني ........!! فإن شفتني مكسور خاطر على الجال ..! .. لي العذر .. لو غيـّـر الصمت لوني ........!! لمــّــعتهم لين الردي صآر .. رجــّـآل .. .. و عادوا على طبع الردى و خذلوني ......!! * * |
* * قلبن تخبرونه ( وسط خافقي حيّ ) خلّوه .. دام الله كفيله و عونه .................!! كّوت سنينه فيه إلين ( أدمن الكيّ ) .. و الحين يوم أقفى ( تب / ترجّعونه ) ........؟؟ ماكان طامع قبل لا يروح في شيء .. كان يتمنى ناسه يودّعونه ......................!! ياما شكى جرحه ولا كنتوا الفيّ .. الحين يعني توّكم تسمعونه .....................؟؟ قفل على نفسه دهاليزه ( ب غيّ ) ... و اختار يرحل لأجل يستر ( طعونه ) ...........!! اختار ظُلمة راحته دامكم ( ضيّ ) .. و لو أجدبت صحراه لا تزرعونه ................!! طوى جميع اللي عرفهم كذا ( طيّ ) .. لو هم على رأس البشر يرفعونه ................!! باب الوصل دون الوصل صار به ( ليّ ) .. ماهو مثل أول إذا تدفعونه ........................!! ماينفتح هالباب أنا قلت له ( عيّ ) ... ماينفتح هالباب .. ( لا توجعوووونه ) ..........!! * * |
* * لما قدم حاتم الأصم إلى أحمد بن حنبل ..! قال له أحمد بعد الترحيب به : أخبرني كيف التخلص إلى السلامة من الناس ؟؟ فقال حاتم : بثلاثة أشياء ..!! قال أحمد : ما هي ؟؟ قال : تعطيهم مالك ولا تأخذ مالهم ، وتقضي حقوقهم ولا تطالبهم بقضاء حقوقك ، وتصبر على أذاهم ولا تؤذيهم ..!! فقال أحمد إنها لصعبة ........!! قال حاتم : وليتك تسلم .. و ليتك تسلم .. و ليتك تسلم ....!! * * |
* * أحبابي اللي قدرهم بالغلا غير .. آليا أحضروا ( ok ) و غيابهم ( bad ) ..!! فريق أحبابي معه خصمه يحير .. هدف على الطاير و أهداف ( باك وارد ) .....!! كم واحدن لعب معي لعب تكسير ... و تجمّعوا حسّادي أضداد و أضداد .............!! من زود ماني منطنخ كنّي الزير .. كم واحدن جمّع لي الجمع مافاد ...............!! من زود ماني منطنخ كنّي الزير .. كم واحدن جمّع لي الجمع مافاد ................!! لو اتحدّى منتخبنا .. ( على خير ) ... حرام لا أطقطق على رأس ( ريكارد ) .........!! * * |
* * ماعرفت الشوق يوم انك تغيب ؟؟ ماكسرك الحزن ؟؟ قل ( مالك لوا ) ......!! كنت لي يامنوتي ( أغلى حبيب ) .. واللي مثلي لا غوى قلبه غوى ............!! انتحيت و رحت و صوت الشوق ذيب .. كل ماحنّيت لك قام و عوى ..................!! لا تهمّك ضيقتي ... بكرا تطيب .. كل جرح استحدثوا لأجله دوا ...............!! عالم الأحباب ياخلّي غريب .. كم غصن من عقب ما أزهر ذوى ..........!! حتى انت الحين لو ودّك تغيب .. غيب بس أنساك أنا .. مالك لوا ............!! يكفي إني ناوي اختارك حبيب .. و كل قلب بهالحياة و مانوى ................!! * * |
* * أنا الغريب المغترب وسط داري .. ملــّـت خطاوي غربتي جرهد البيد ..........!! أحيان أفكـــّـر في هجوم إنتحاري .. على الصداقة و الوفاء والمواعيد .........!! أبي أشعلل في سمآ الصدق ناري .. و أبي أسدد واقع الحال تسديد ..............!! كم واحدن لو يلبس الثوب عاري .. و خلــّـوني ساكت ماني محتاج تحديد .....!! نصّ خويآ هالوقت صنعه تجاري .. و النصّ الآخر بالغلآ جايب العيد ..........!! فـ إن كنت شاري ي أبيض الوجه شاري ؟؟ حاول تلاقي شخص ماهو بــ تقليد .........!! * * |
* * أن تقضي العمر بلا صديق .. خير من أن تمتلك صديق يقضي على عمرك بلحظة و يرحل .. صدّقوووووني ..!! أنا رجل .. أجتاح الأصدقاء أغلب بساتينه .. و لم يتركوا من بعدهم إلا خريف الذكريات الموجع .. و بمرارة ..!! أنا لا أحزن لأنهم يرحلون .. فالرحيل سنة الحياة .. لكنني أحزن على من سيجتاحون حياته من بعدي و لا يتركونها .. إلا و هي .. خاويةُ ُ على عروشها ..!! الوقت موحش و البشر .. لها بخفّاقي دوي ..!! ماكل من نهوى أصيل .. ياذيب معذور تعوي ..!! و أن شانت وجيه الرجال .. أحسن تعيش بلا خوي ..!! * * |
* * لا شفتني ساهي وسط زحمة الناس ............ أرفع مدى شوفي سما و أتأمـــّـل ..!! هذا انعكاس اللي بقلبي من إحساس ! ............. ماحب أشوف وجيه ماتنتحمّــل .....!! * * |
*
* ماهو مهمّ الغياب و حزني و جمري .. بس أسمع .. أسمع .. كلام القلب يالشاطر ......!! عن عمر يناهز غلاة سنين من عمري .. ماتت طموحات واحد كان له خاطر .............!! * * |
*
* ليس مهماً .. بالنسبة لي ..! أن يبقى أحدهم صديقاً لي مدى العمر .. فــسنّـة الحياة أن لا يدوم أحد ..!! لكن .. مايهمني .. أن يظل جميلا بعد رحيله ...!! كما كان حينما تعرّفت عليه ..! لأول مرة ..!! * * |
*
* ذبحني بمشروهه عليّ والنفوس عزاز .. و طوّفت له بس كنّ السالفة طالت ...................!! وأنا الوافي اللي ماشكى لو غدى معتاز .. و له دمعتن يبطون ع الخد ماسالت .................!! فبلــّـغ ضعيف النفس لاجاك يافواز .. صبرنا على الدنيا والأيام لو مالت ...................!! كنوز الذهب واللازوردي مع القزّاز .. لو انـّه تساومني على العز .. م أحتالت ............!! يقولون و أنا أقول كلمة وسط برواز .. كرامة خفوقي لو يزولون ما زالت .................!! بكيفي ، مزاجي ، ما أبي ماهي بألغاز .. هذي عزّتي و العفون تموت مانالت ...............!! نهيت الخفوق عن الردي قلت عطه القاز .. فلا مرّ ذكره ناظر النفس م أهتالت .................!! ولا يشرب المزّاز إلا .. ( أبو مزّاز ) .. و أنا طبعي ما طوّف ولي نفس ما عالت ........!! فقولوا لأبو مشروه يوم النفوس عزاز .. إذا .. مرّني طاريه .. ( والله و ماقالت ) ..........!! * * |
*
* الليلة هذي ماني بــــ يمّ الأبيات ... بس أسمحوا لي .. ع الهجر و القطاعه ..!! الليلة هذي بالصدر ( واحدن مات ) ... قدّمت له قلبي .. و ياحيــــف .. باعه .....!! سبحان ربي .. عاد هالشخص بالذات ... ماقد طرت لي يوم ( لحظة وداعه ) ......!! * * |
*
* من زرع في عقولهم أن رحيلهم سيغيـــّــر في حياتنا ..! كان الأجدر به صدقاً .. !! أن يخبرهم .. انهم يرحلون ..!! و تستمرّ الحياة ..!! * * |
*
* ماني بميــّــت و حاذر يخدعك ظنك .. مدام ناوي فراقي جرّب فراقي ..!! الله خلقني عزيز و مغتني عنـــّــك .. تطيح الأوراق ، لكن غصنها باقي !! بكره بيصحى ضميرك لا كبر سنـك .. و تجي تدوّر و لكن منته بـلاقي ..!! صدرن يضمــّـك لذاته صدق و يحنـــّـك .. و قبل نتوادع كتبت بآخر ، أوراقي !! شكراً .. على كل طعنة جاتني منـــّـك .. يا أول إنسان سكـــّــنته بأعماقي .!! * * |
*
* يامن عليك الأماني مالها آخر .. و لياطلبناك .. من فضلك تحققها ......!! رحمتك ذخر الفقير و فزعة الذاخر .. و ابواب عفوك سعيد اللي بيطرقها ..!! أنا بوجهك من الكذاب و الســـاخر .. و من خوّة اللي سنين العمر يسرقها ..!! أرجيك و أرجي بحر مدّاتك الزاخر .. تعفو لنفسن كثير الهمّ .. محرقها .......!! * * |
*
* الله يصلح حالنا و أنت أمــّــن .. خان التقدّم بالعرب خان الإعلام .......!! و دام العذر لو ينكتب مايسمــّـن .. ياضيعة الإسلام .. يا أهل الإسلام ....!! وجه الفرح لو نكتبه بيتضمـــّــن .. شيـــّــن تحار به الدفاتر و الأقلام ....!! الوضع في كل الدول مايطمــّـن .. و الناس مشغولة براغب و أحلام ....!! * * |
*
* يابحر .. ماجت لي على ماتمنيت .. يومي على حدّك رسمت أمنيــــاتي ....!! ياما علشان الخلايــق تعنــــّــيت .. و قلت يالله .. يامقابيل هـــاتي ............!! و يومه خذلني صاحبن فيه ظنيت .. ماهزّ .. وقع الكارثة .. من ثباتي .........!! لكن خويّ الذات .. مادام كنـــّــيت .. غلاه .. وش خلاه يبغى شتاتي ..........؟! من جدّ يابحر الوفا .. ماتهنــّــيت .. و أخذت من ذاتي دروسن لــذاتي ......!! دلهت عن جرحن مضالي و غنــّـيت .. و كانت أصعب مرحلة في حياتي ......!! * * |
*
* الدار لولا قوة الساس ماكان .. تجي لها أيام غير .. مهدودة ........!! و الآدمي ساسه للأفعال برهان .. و المحترم لاشكّ يلزم حدوده ......!! و لكل واحد منــّـنا عقل و لسان .. و عقلية الواحد تجي في ردوده .. .!! و للفكر نيشان و للآراء نيشان .. و أحيان راحة خافقي في صدوده ..!! وليا تكبّر .. راعي العز و الشان .. قـــدّامه القبر .. يتحرّاه دوده .........!! إنسان عشت و رايح أموت إنسان .. و محد يحاسب عن فعايل جدوده ...!! فيارب لا صارت حسابن و ميزان .. لا تتكل العبد الضعيف لــ جهوده ...!! * * |
*
* ياللي تبيعون المواجع على الناس .. ودي أقول و أكثر الناس وده .. !! فيضوا عطا .. فيضوا وفا .. فيضوا إحساس .. لا تهيــّــضون اللي ملا الدمع خدّه !! * * |
*
* ماجيت أحســّـب مكسبي و المخاسير .. ... راضي و أشوف أن الزمن حيل وفــّــآ ...!! هو كيفه يفســّـرني ... ( بكل تفسير ) .. ... وأنا أعتبرته .. ( مرحلة عمر قفــّـــآ ) .....!! * * |
*
* يقول عطني نصيحه , ودّي أسمع و هات .. ... وأقول إن طعتني ؟! لآ عاد تـــآثق بأحد ..........!! كم واحدن كان عايش في ضميري , و مات ! ... من عقب عشرة طويلة لـ الصداقة ( جحد ) ......!! * * |
*
* أنا / ليآعفت أرتحل دامني عفت .. ... ماني لـ جرح اللي هقى بي .. هاوي ..!! كونوا على قدّ الهقاوي .. أنا / شفت ... الرجل ... عيب تخيب فيه الهقاوي ....!! * * |
*
* لآ يرخص ..! إلا من يعرّض نفسه .. لـ رياح السنين .. بـ رخص ..!! صدّقووووووووني ..!! * * |
*
* ياوجيه كنتي في حياتي تعيشين ..! .. عن كل درب أمرّه اليوم .. زيــحي ....!! أنا رفعتك في حياتي من سنين ....! .. ماقلت لك .. من نظرة العين طيحي ....!! * * |
*
* طعني , و خذ مني و أنا مآخذن منك .. .. شفني , قضيت سنين عمري أطيـــعك .....!! لآ تشتري قرب الذي يبتعد / عنـــك ...!! .. مهما تسوّي .. راح يرجع .. يبيــــعك ......!! وليآشعرت بضيقة و قسوة و ضنك ....؟؟ .. في طاعة الرحمن .. تلقى ربيـــعك ........!! وأضمن وصــالك مع إلاهك ويضمنك !! .. وسلــّـم على اللي بالقيــــامة شفيعك .......!! * * |
*
* ما أعرف أنساك .. لكنــّــي دريت .. .. من دخل درب المحبة .. ماسلم .............!! ولو ظلمت القلب أنا / كلي رضيت ! .. شفني أصوّت .. ( حبيبي ماظلم ) .........!! حتى لو منك أنا ضقت وبكيت ......؟؟ .. أنت حبك غير , لو حبك ( ألم ) ...........!! يكذبون إن قالوا يا خلي قسيت ......!! .. هذي أقداري .. و ذا / خطّ القلم ............!! * * |
* * و كنت إذا بعض العرب صدّ / زعلان ؟ .. اتعب على إني اعتذر .. لين يرضى ....!! و طحت في جاهل و ضايع و غلطان .. مثل الصحيح اللي سكن وسط مرضى !! أنا أعاملهم على إني ( إنسان ) ..! .. و هم قلوبن حاقدة .. صعب ترضى ......!! * * |
* * يابحر .. و إن مرّت الذكرى و كانوا .. لا مكان و لا سلام و لا خبر ، قلّهم .. ( وشلون بالخفاق .. خانوا ) .. ماذكرت أنه بليـــّــاهم .. صبر ..! ليه طيــّــب .. بأول المشوار / لانو .. ليه ما عدّوه ( مجهول و عبر ) .. قلــّــهم من يوم ماخانوه هانوا .. قلــّــهم كسره ترى طاب و جبر .. و لو تقول شلون في ماضيك ( مانو ) .. كان في صدري طفل .. لكن ( كبر ) .!! * * |
* * يارب أنا بوجهك من الشمــّــاته .. و من المطيح و من ( كلام الجاهل ) .. و راعي النميمة أكفني ( نمــّــاته ) .. و من واحدن لا اخطى عليّ متساهل !! و قرّب اللي صادق بــ ضمــّــاته .. ما عاد له قدرة .. يشيل الكاهل ..!! الوقت هذا ياكثر ( خمــّـاته ) .. من كل ميـــّــة واحد الـــ يستاهل ..!! * * |
* * أبي أصفــّـي حساباتي وأبتريـــّـح ، يا ساعة الصفر قبل أشوفهم دقــّـي ...!! ومن منطلق جرح كان و دمعن مسيــّـح ، أشكر أنا كل غالي ( قصــّـر بحقــّـي ) ..!! * * |
* * ياطير وش صاير لـ نصّ المخاليق .. لا ترفرف بريشك جب العلم يا طير .. والله يا شخصن معه عذر و يضيق .. عدّه ليامن ضاق ( عامل بنا خير ) ! * * |
*
* الحنين لأشياء كانت معنا مزعج ، الحنين لأناس رحلوا موجع ، الحنين مع من لا يستطيع فعل شيء تجاه الحنين مؤلم ، أنا لا أحكي من فراغ .. صدّقوني ! * * |
*
* لا أحتاج جروحاً من أحد ، غرّبتني الحياة بمافيه الكفاية ! * * |
| الساعة الآن 09:03 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.