منتديات الرائدية - نفسي عزيزة لوان الموت في حجري

الشعرماهوكلام اسمح لي لو تدري
في اي وقتٍ يجيك الخاطرمن اقصاه

^

مانكتب الا الذي قد فاح من صدري
عندك خبر كل حرفٍِ من قصيدي آه

^

ان قلت مابيك رد ومارضى عذري
مافيه وافي ترك محبوبه وخلاه

^

وأنا الحقيقه عطيت السالفه ظهري
وكلن يغني على مايشتهي ليلاه

^

كنت اسهرالليل كله وأنتظر فجري
والحين ليلي قضيته نوم لين ءضحاه

^

سويت مثل الذي صلى السنن بدري
والفرض فاته على غفله ولاصلاه

^

ابشرك طاب جرحي وانت ماتدري
ماني بحاجتك طبك مايفيد دواه

^

والصبرفيني طبيعة مانفذ صبري
عزي لمن هونفذ صبره ولاكفاه

^

قدني حزينة وشلت الهم من صغري
دوِّنت حزني قصيده لابغيت أنساه

^

ماغرني حب دنيا ووجوه السحري
وأن دق قلبي لحبه أنثني وأعصآه

^

مآهزقلبي حكاه وعطره الخمري
الحب صكيت بابه راضيه ماآبغاه

^

ان جيت عادي وعادي حيل لوتسري
الحب من قبل أعرفك صاحبي عفناه

^

دربه خضرياحبيبي من نوى هجري
ماني من اللي تبع مقفي بكا لقفاه

^

نفسي عزيزة لوان الموت في حجري
ضمِّيت موتي وعزة راسي بمبداه

^

لاتشره ان قلت بأخذ أجرك وأجري
ان كان ودك براحة قلبي وسلواه

^

ماودي انسان اشيله وزرمع وزري
امَّا اقلِّه تعال وسرٍّني نجواه

^

والااقلِّه صريحه ينتظر غدري
رح ياعساها مهف مقيط ويَّارشاه

^

مابعتك الا بسوقن قادرن تشري
والله يسعدك مع من خاطرك ترعاه

^

وداعة الله تحياتي معا شكري
والله يحفظك ياغالي في امآن الله

:101::101::101::101::101::101::101: