منتديات الرائدية - كل ما ذعذع عليّ صلف الهوى حدرية ... لإبن فطيس ..

[align=center]
كل ماذعذع علي صلف الهوى حدرية
...................... يكفخ فؤادي بصدري قبل يكفخ ثوبي

خص لاجا باردٍ ومذعذعٍ عصرية
...................... يجمع اللي به من الذكرى وياتي صوبي

قبل يلعب بي وانا قد ريت في مارية
...................... ضايقٍ من صبح والهاجوس دوبه دوبي

والله ان كنه يداوي الجرح بالشبريه
...................... والجوارح من هواه الصلف ماصدوبي

لاذكرت اللي رحل وعيونه الدريـّـة
...................... كل مالديت فيها تهت لا لدوبي

تمطر عيوني وخفاقي سرى ساريه
...................... ينعصر وانا دموعي للوفاء عذروبي

صمت عن وصل المحبة لانها عذرية
...................... والردى ماهوب من طبعي ولابإسلوبي

اذكر انه قال لي مرة وش الحرية
...................... قلت عكس اللي لقيته منك يامحبوبي

اهتوي طاري هله من حبي لطاريه
...................... والدروب اللي تجنبهم ماهي بدروبي

متعبٍ رجلي ولو هي صوبهم عبرية
...................... وابني آمالي على الترحيب لاهلو بي

اثرهم ناويني بالنيّه الشريّه
...................... واثرهم دارين وانااقول ماشكـّــو بي

واثرني ضايع واصدق قصة الحورية
...................... وش ينجيهم من آثامي اذا قفـّـو بي

جزت مادام الهوى يبغي عصا سحرية
...................... وتبت مادام القدر عيا على مطلوبي

قد همومي وين ألاقي الصيد في البرية
...................... وقومةٍ في وجه ضيفي واعرف ماجوبي

اصغر اهدافي تزول الدولة العبرية
...................... واكبر امالي يغفر الله جميع ذنووبي

للشاعر : محمد بن فطيس المـّري
[/align]