_سلطة الخضار المقلية المقادير زهره مقليه بصل مقلي بطاطس مقطع شرايح ومقلي بصل أخضر خيار خس أمريكي فلفل بارد الوان أحمر/ أخضر/ أصفر الطريقة نخلط كل شي مع بعض الا البصل .. نبدأ بخلط السوس عبارة عن .. 2 علبة زبادي 2 ملعقة طحينه 1ملعقة مايونيز ملح / ليمون على النار نكون مشوحين بقدونس وثوم نحطه على خلطة الزبادي نحط الخضار بالصحن ونحط فوقه التتبيله وبعدها البصل المقلي عليه ونقدمها زي ما نحب .. وصحتين وعااافية .. _حلقات البصل وأصابع الموزريلا نقطع جبن الموتزريلا الى أصابع ونقطع البصل الأبيض حلقات .. للتغميس علبة حليب مبخر ( مكثف غير محلى ) تبلته بملح وفلفل وبابريكا مع رشة فلفل حار نبدأ نغمس بالدقيق بعدين الحليب بعدين البقسماط ونرجع نعيد نفس الشي يعني مرتين يابنات نغمسهم بالبيض والبقسماط ( عشان الطبقة تثقل وتصير من قلب تقرمش ) البصل والأصابع نفس الطريقة .. ونقليهم لحد ما يصير لونهم ذهبي.. مع اصابع الجبن قدمت صوص الثوم وصوص الطماطم .. وصحتين وعافية _سلطة البنجر المقادير علبة بنجر ( شمندر ) يُقطع مكعبات كرنب نص حبة متوسطه تقطع مكعبات باذنجان مقلي 3 حبات مخلل براعم الخيار أو اي نوع متوفر 3 حبات بصل .. الصوص .. علبتين زبادي ملح / ليمون / زيت زيتون نصف علبة متبل الثوم 4 ملاعق كبيرة سيزر سوس الطريقة .. نشوح البصل على النار مجرد ما يذبل نبعده عن النار نخلط خلطة الزبادي مع متبل الثوم والملح والليمون والسيزر سوس وزيت الزيتون ونحط عليه البنجر ونتركه على جنب باخذ اللون الوردي بعد نص ساعه نخلط الزبادي وبالبنجر بالملعقة نتأكد اخذ اللون بعدها نحط البصل والباذنجان والكرنب .. نرش الوجه بالسمسم والمخلل وصحتين وعافية ..