[أبو رائد]

السلام عليكم ورحمة الله وبركاته

قصيدة رائعة .. من روائع الشاعر المبدع

حاكم بن مشعل المعلا

[poem=font=",6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""] الله حسيـبي على الأيام غـدّاره = ما كنت أحسب إنها في يوم ترميني
شفت الذي شدّني من دون ما أختاره = تافه ولكن أحس إنه ينــاديــني
يا ليتـني يوم أنا مريت بجـــواره = طنشـّـت .. ما أحد على اللوعة موازيني
" ملعب حواري قديم " وطافي أنواره= ومن الشجن : فيه ما يلفت نظر عيني
في يوم أنا كنت " كابتن شلة الحـارة " = ألعب وسط ونزعــة التهديف تغرينـي
ما شفتني يوم أنا أنزل لابس الشاره= ما كنـّي إلا " فولر" وإلا " بلاتيني "
حريف .. مغرور .. ومثلي لا أتقن أدواره= يحق له يومـها : ما أحد يجــارينــــي
ألعب بهم لعبة الفارس بمضمـــاره= من وين ما مالت الهجـمة تلاقينــي
أشنـّـها ضدّهم غارة بأثر غارة = ترتدّ .. وآقف لهم وقفـات " مالديني"
وأشوت شوت الذي " يلعب بنظـاره"= أو كنّ رجلين " زين الدين " رجليني
تسديدتي تجيك مبرومــة وفرّاره = أتقنت شوتات " روبرتو" بتمريـني
وأحيان مثل " الدخيل" و"جاسم " يساره= وإلا كما "ماجد " و " يوسف " على يميني
راحت سنين الطفــولة ... ماتت أخباره = ومات الشقي اللي على صغـري مخاويني
ما باقي إلا التعب والهم وأنصـــــاره = وأوراق بيض .. وقلم عيـّـا يعزّيـــني
إي والله حسبي على الأيام دوّاره = ما كنت أصدق يجيني يوم تنهيني[/poem]