حقيقة الموضوع يمكن يكون مهم بالنسبة للبعض ويمكن يكون غير مهم بالنسبة للبعض الآخر .... ونتيجة لذلك قررت أنا الموقع مدري وين أكتب الموضوع هذا ... طبعاً ما هو علشانه مهم عند البعض ... ولكن عناد في اللي مو مهم عندهم ...
8
8
8
استخرج مما سبق كم مرة قلت كلمة مهم ؟!!
العموم هذا ما هو موضوعنا ... موضوعنا عن اللون البرتقالي ... وتأثيراته على أربطة و عين الركبة ... ولماذا السيلانيين لا يحبون البرتقال ... وحاجات كثيرة ما أقدر أقولها لكم في هذا الموجز ..
نجي للتفصيل << تفصيل والا جاهز خخخخخخ
البرتقال : فاكهة لذيذة .. وأتحدى ابن أمه ما بعد أكلها .. ويمكن أيضاً أن يخرج منها عصير
( كبس والا خلاط ) ..
وهناك برتقال صغير أو كما يطلق عليه فرخ البرتقال وهو
( يوسف أفندي ) ..
وعلى طاري يوسف أفندي .. يقول لك فيه وحدة قالت لأبوها إنها تبغى يوسف أفندي .. قام وصفقها على وجهها وقال لها انتِ ما لك غيرك ولد عمك
نرجع للبرتقال :
هناك نطق آخر للبرتقال .. وهو ( بردقان ) وهي لفظة متداولة في سوق الأسهم خخخ أقصد متداولة في شمال شرق غرب جنوب شبه جزيرة الكنز ,,,
لكن السؤال هل اللون البرتقالي ( البردقاني ) مأخوذ اسمه من البرتقال ( البردقان ) .. والا البرتقال مأخوذ اسمه من اللون البرتقالي
فاصل بردقاني :أثبتت الدراسات التي أجريت على عدد من الفئران .. أنه لا توجد علاقة بين اسم دولة ( البرتغال ) وبين اسم فاكهة ( الفراولة ) << ايش جاب الفروالة خخخخخخخخ
غلطة بردقانية :
أحيانا من السرعة في الكلام يخطي الواحد ... ومرة واحد كان يسولف ( مدري هو مستعجل والا يكذب ) .. بدل ما يقول اشتريت صندوق بردقان ... قال اشتريت ( بردوق صندقان ) خخخخخ
وأنا أقول : وش هو ؟ ... ويرجع يقول : بردوق صندقان خخخخخخخخخ وأكرر له وش تقول ؟ ..... رجع يقول : بردوق صندقان ( واثق هو ووجهه ) ... قلت له على بلاطة : انقلللللللللللللللللللللللللع بس
رحلة بردقانية : السيلانيين ( جمع سيلاني ) ... ما يحبون البرتقال ... ليييييييييييييييييييه
( وأنا مالي شغل غير أعرف ليه السيلانيين ما يحبون البرتقال .. عمرهم ما حبوهاااا ) !!
طيب لا تنفخون بقولكم ليه ما يحبونها .. هناك في السيلان يوم زرتهم << ايش موديه لهم خخخخخ .. لقيتهم يزرعون موز بشكل كبير ... وكنت أبغى برتقال , انفقعت مرارتي من أكل الموز . زي الكبسة عندنا كل شئ موز .. حتى مرة واحد سيلاني هناك عزمنا على مفطح ... ويوم قلطونا على العشاء .. طلع صحن موز كبير بس الموز اللي فيه ما هو مقشّر على بالهم حركة << أما عاد ههههههههههههههااي
فأنا من فطانتي وشدة ذكائي سألت واحد منهم ليه ما يجيبون لي برتقال مع إني كل يوم أطلبه منهم .. قال لي باللغة السيلانيية :
(( برتقانل\دنتخهخلان &&6ج*)555 موز غانخنحنن ههله تهلتهت حراج قاستفهتهتلواتاتت صدام الالاالاهلتكح **$نمهخ ددسن نتهبت كمك الصمان الغعغي))
طبعا ترجمتها :
(( البرتقال يكسر سوق الموز بعدين نخسر ))
أغنية بردقانية :
هذه الأيام أغنية عراقية بعنوان ( يا البرتقالة ) .. حتى إن واحد غبي من كثر ما سمع هالأغنية .. إذا نادى وحدة أي وحدة .. قال لها يالبرتقالة هههههههههههههاي
يعني مرة راح للمستشفى ... وينادي على الممرضة بصوت عالي يقول : يالبرتقالة ( الحقيقة هو يقول يالبردقانة بس حفاظاً على مشاعركم خليتها البرتقالة )
والحين يموت في أي شئ لونه برتقالي .. مثل : عصير ربيع .. وقت غروب الشمس .. ويشجّع هولندا ... وطلع كل شئ بالثلاجة وحط صناديق بردقان
حوارات الشباب الأكثر تدوالاً هاليومين : ما شفت البرتقالة ؟ ما سمعت البرتقالة ؟ حرااااااام عليك فاتك نص عمرك ( يعني كم ) ؟ البرتقالة وبس ؟
ويا البرتقاااااااااااااااااااااالة
الله لا يؤاخذنا
العرض العادي
