و ششلونْ أمّــد الكَـف , والكَـف مَبتــووور !!!!

[شمس الرائدية]

/


آخر كلامك قلت لي منت مجبـر
وش رجعك بالله بعدك تبيني ؟!
وصلتها للـ / الفراق ومنت معذور
أبيع بايع واشتري مشتريني
ومادام قلبك خالي احساس و شعور
ماني بحاجة قلب ماحس فيني
ماني على خبرك تمثل لي الدور
ولاني على كيفك تروح و تجيني
و اذا الزمن لـﮧ جـور والحب لـﮧ جور
جـورك على جور الزمن مبتليني
ضايقتني حتى و أنا دمي يفـور
وكذبت في شي حصل شوف عيني
كذاب , أناني , ميت احساس , مغرور
قاسي , عنيد , و ياخسارة حنيني
و شلـون أمد الكف والكف مبتـور . . ؟!
من قلبك اللي مايقدر يميني
وقـتـ [ ن ] مضالك مالفى مني قصور
ماباقي الِا أشيلك براحتيني
و كتبت فيك حروف و أبيات وسطور
ليتك تحس وليت قلبك يبيني
زرعت فيك الكبر و أصبحت محقـور
وأعميت عيني من رفالة يديني
رفعت من قدرك و واجهت بغرور
و أول وفاك تروح ماتحتريني
و اليوم ترجع لي عقب غيبة شهـور
ودك تعيد الحب . ؟ لا ياضنيني
ماعاد باقي غير أوادعك مجبـور
راحت عليك و ياخسارة سنيني
العام قلبي يوم ألاقيك مسرور
واليوم عقب الـود لا ترتجيني
و اذا ذكرت العشره بقلب مقهـور
تذكر اللي صار بينك وبيني
وابعد بعيد وعن فعايلك مشكـور
الربح نفسي و الخساره لعيني
آخر كلامك قلت لي منت مجبـور
و الحين أظنك منت مجبـور فيني




رآااقت ليِ

[ام عبد الرحمن]

سلمت اختيار رائع أعجبني ذوقك

[شمس الرائدية]

كل الشكر على التواجد الجميل

[أبو فيصل]

اقتباس المشاركة الأصلية كتبت بواسطة شمس الوله و شلـون أمد الكف والكف مبتـور . . ؟! من قلبك اللي مايقدر يميني وقـتـ [ ن ] مضالك مالفى مني قصور ماباقي الِا أشيلك براحتيني و كتبت فيك حروف و أبيات وسطور ليتك تحس وليت قلبك يبيني

مقدور مقدور أجبر الوقت مقدور
وآخذ قضاي اللي تلا قضاك منّه

هذا قراري فيك والأمر مبتور
وشي يغربل ماله اليـوم رنّه

تعبت أجامل ذاك وهذاك مجبور
وش لي بجبر مايورث محـنّه

مادام عيني تبصر النور فالنور
لاأقلب لك الدنيا بها الوقت جنّه

كلمات في غاية الروعه والابداااااااااع

صح لسان شاعرها

وتسلم يمينك على الانتقاء الراااااااقي

دمتي بود

[شمس الرائدية]

اقتباس المشاركة الأصلية كتبت بواسطة عاشق الغموض مقدور مقدور أجبر الوقت مقدور وآخذ قضاي اللي تلا قضاك منّه هذا قراري فيك والأمر مبتور وشي يغربل ماله اليـوم رنّه تعبت أجامل ذاك وهذاك مجبور وش لي بجبر مايورث محـنّه مادام عيني تبصر النور فالنور لاأقلب لك الدنيا بها الوقت جنّه كلمات في غاية الروعه والابداااااااااع صح لسان شاعرها وتسلم يمينك على الانتقاء الراااااااقي دمتي بود

كل الشكر على التواجد الجميل

[شيخة الزين]

رووعـــة قصيــدة في غــآيــة الجمــآآآل ويعطيك العـافيـــة خيتـــو

[شمس الرائدية]

اقتباس المشاركة الأصلية كتبت بواسطة شيخة الزين رووعـــة قصيــدة في غــآيــة الجمــآآآل ويعطيك العـافيـــة خيتـــو

والآرواع مرورك ووضع بصمه مميزه في متصفحي

[دانة الكون]

الله يعطيك العافيه يا شموسه
روووووووووووعه الكلمات سلمتي على الانتقاء.

[شمس الرائدية]

اقتباس المشاركة الأصلية كتبت بواسطة دانه الكون الله يعطيك العافيه يا شموسه روووووووووووعه الكلمات سلمتي على الانتقاء.

الله يسلمك
شاكره حضورك الرائع