(( البارحه كني من الناس معزول ))
ولا معي كون الهموم الثقيله
من ضيقتً بين الحنايا لها حول
عجزت الآقي للحلول الوسيله
اسباب منهو فوقها الموج مجدول
يومه رحل واخلف جروحً عليله
اقفى وخلاني كسيرً ومذهول
والخد من دمعي تجرح مسيله
ماني مصدق لا ولاهوب معقول
كيف الخليل ايبيع عشرت خليله
كيفه قوى يقطع حبل كان موصول
وخلا القلوب تعيش حر المليله
كيفه قدر ينسى حبيبه على طول
وانا اسير الذكريات الجميله
ما كنت فيه اسمع من العاذل القول
واليوم سبّت هجره اللي حكي له
والضيقه اللي فالصدر دايم تجول
يالله عساها للزوآل وحصيله
لا جاتني كني عن الناس معزول
وحدي مع ذكرى العيون الكحيله
المواضيع المتشابهه
العرض المتطور
