ازمة خدامة

[جميلة الشاشة]

السلام عليكم ورحمة الله وبركاته
انا قدمت على شغالة اندنوسية بعشر الاف وخمسمية وللحيين ماجات وشكلهم وقفوا الاستقدام مرة وحدة من اندنوسيا بسبب المشكلة الي صارت الاخيرة لما قصو راس خدامة اندنووسية بسبب قتلها لكفيلتها .واندنوسيا منعت خدامتهم يجوون . وانا رحت في الرجليين مدري شسوي.سالت المكاتب عن استقدام للسيرلانكا قالولي باربعطعش الف وبعد 7شهور تخيلوا والخفجي 12 الف وخمسمية وبعد سبع شهور. شسوي شورو علي تكفون وين اروح. فكرت اقدم من الكويت واتا عندي بطاقة مدنية كويتية يصير ولا لا .يقولون لازم كفيل كويتي . الي عندة معلومة لايبخل علي . والي يعرف شغالة للتنازل يقولي . تكفوووووووووون حدي متتورطة . ويعطيكم العافية.

[شاب طموح]

مرحبا

بالنسبة للخدامات الاندونيسيات ماادري هل تم منعهم او لا لكن اللي أعرف ان قبل كم يوم أهلي جايبين ثلاث خدامات عن طريق واحد من الشباب ( هو يروح ويجيب بنفسه ) بــــ 11 الف الخدامه والخدامه تجي خلال عشر ايام او اسبوعين بالكثير .

أما من الكويت اخر علمي انه مسموح والخدامه تجيك خلال 20 يوم فقط هذا للتقديم واذا تبين فيه موجودات بالمكاتب ( صافينهم صف ) تروحين وتتنقين الخدامه اللي تعجبك ) بالنسبه للسعر والله ناسي اسعارهم المعذره . أما الطريقه لازم يكون عندك بطاقه مدنيه وبعدين لما تجي الخدامه أحسبي حسابك ان الخدامه لازم تجلس بالكويت تقريبا" اسبوع عشان الفحوصات وباقي الاجرائات وتدخلينها السعوديه بتأشيرة مدتها ثلاث شهور فقط لكن قبل لاتنتهي الثلاث شهور لازم تجيبينها للمنفذ تسوين لها دخول مره ثانيه - تأشيرة جديده - ( كل ثلاث شهور ) تأكدي انك تسوين لها تأشيرة كل ثلاث شهور لأن اذا تأخرتي لو يوم واحد - السيستم - النظام- في الكمبيوتر يسقطها توماتيك بعدين يعتبرونها مخالفه للاقامه ولازم تدفعين 10000 ريال غرامه للجوازات ..

على فكرة شفت موضوع من كم يوم واحد يعرض خدامته للبيع وكمان اندونيسيه - أعتقد راح تحصلين الموضوع في نفس الصفحه او الصفحه الثانيه .


أتمنى اكون افدتك لو بالقليل

تحياتي

[احبك الوفاء]

اتمنى من الله ان اخوي شاب طموح فادك ودي لو كنت اعرف لكي افيدك بس انا جايب خادمه
عن طريق واحد بالكويت نيباليه بصارحه بيت 3 ادوار وشغاله مشاء الله عليها وراتبها 500 ريال
انصحك بالتقديم عن طريق الكويت

[جميلة الشاشة]

السلام عليكم ورحمة الله وبركاته
يعطيكم الف عافية وماقصرتوا وشكلي بجرب اروح الكويت واجرب حضي مع اني متخوفة من شغالاتهم احسهم عندنا ماينفعون مايبون الا الكويت والحرية الي تعودوا عليها وانشاللة انة يكون نظامهم عادي يسمح لي اجيب بسمي مو شرط كويتي .ومشكورررين مرة ثانية ماقصرتوا

[جوري نجران]

الظاهر أنها فعلا أزمةشغالات الله يعين ....والله حتى أنا ودي بشغالة بس المكاتب يعلون الكبد يبلعون الفلوس وينسون خلق الله تنتظرهم....الله المستعان

[دانة الكون]

الله ييسر امورك اختي
على حسب ما سمعت انهم وقفوا الاستقدام من اندونيسيا
لانهم حاطين من شروط العقد صوره ربه المنزل
ومثل ماذكر الاخ شاب طموح
عن طريق الكويت إذا كان عندك بطاقه مدنيه كويتيه مسموح بشرط ان تكوني متزوجه<< هذا الي سمعت
اما التاشيره لازم تطلعين لها من السعوديه ومن الكويت
3×3
وتقدرين تحولين إقامتها سعوديه بعد ما تجيبينها.
وكان فيه موضوع تنازل عن الشغاله
تقدرين تتواصلين مع الاداره بخصوص الموضوع.

والله يوفقك.

[دانة الكون]

هذا رابط الموضوع
ان شاء الله يفيدك
http://www.alraidiah.com/vb/showthread.php?t=111786