قصيدة خيبة امل
. الوفاء يازين طال به المغيب
لا غفت عيني ولاذقت الرقاد .
. مستصيب وصابني سهم الحبيب
ومشغل ٍ نفسي وفكري والفؤاد .
. كيف اعالج جرحي اللي مستصيب
وكيف ابسئل عن غيابك والبعاد .
. اتضايق من بعيد ومن قريب
من سبب هم ٍ على روحي نكاد .
. سبة الي زود الجرح العطيب
شايف ٍ نفسه وطاغيه العناد .
. اختلفنا والغدر ماله صحيب
لين شفت الهم يالغدار زاد .
. كنت شمعه تمتلك وصف ٍعجيب
كل يوم يشع نورك بزدياد .
. يمتلكني عشق من صدرن رحيب
في ضنوني احسب انك كنت جاد .
. صرت انا مابين سجان وطليب
حتى عاد احساس فكري لرشاد .
. خاب ضني واعتقد مابه نصيب
دامك الخوان جعلك لنفاد .
. لا تفكر تعتذر فعلك مريب
ولا تحاول تقلب عنادك وداد .
. من تغلا يضرب ( اكسين ) وصليب
ماله بقلبي مكان ولا قعاد .
. لو تنادى والله ان مالك مجيب
لا تقرب وانت في قلبك سواد .
. رح فمان الله يالوجه الكئيب
اقلب ايام الفرح مثل الحداد .
. انتهينا والبدل غيرك حبيب
واهتنت عيني وعاودها الرقاد
المواضيع المتشابهه
العرض المتطور
