[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سألت عن طفل لبس جرد الاسمال=وعليه من جور الليالي مقاسه
عمره صغير مثقلة كثر الاحمال=باين حياته كل ابوها تعاسه
سالت منهو هو ؟ ووش فيه مهتال=وش به تقل ما هو بوسط ناسه
وش بالطفل عينه تغورق ولا زال=من كثر تنهيته تطاير انفاسه
سألت هو تعبان ؟ هو ضايق البال؟=قالوا يتيم ومستحي من لباسه
قصران ومتشقق ولا عنده عقال=وامه خذاها الموت بعد انتكاسه
جيت اساله والقلب صايبه ولوال=ودي أخفف عنه بعض التعاسه
وش بك حبيبي افرح العمر باقبال=بكى وناظر لي ووطى براسه
يقول كيف افرح وانا ريحة الشال=أشمها حتى بمكان الدر اســـه
واتذكر ليا لبستني وانا اختــــــال=من فرحتي بالعيد في وسط ناسه
واتذكر كلمتها : متى تصير رجال=متى تشيل الحمل وتدق ساســـه
راحت وخلتني وانا كيف باحتال=مادام مالي ... أم ... وين الوناسه
ودي تضّمن واشعر براحة البال=واحط راسي بين عنقه وراســـه
واشم ريحتها مثل كل الاطفال=واكل معه واشرب معه وسط كاسه
وتضفني عن مرت أبــــــــوي= وتضفني عن كل من به نجاســـــــــــه
يالله ياربي متى أصير رجال؟=ابنتهض يالله ومنك الحراســــــــــــــه
[/poem]
محمد العنزي.... ابو تركي
العرض المتطور
