حنا السعوديين

[ابو سلطان]

حنا السعوديين أكثر شعب في العالم يمتلك بترول . وحنا اللي تبرعنا لأغلب دول العالم . وحنا اللي إكتفينا من القمح وصدرناه للعالم . وحنا اللي أخذنا كأس أسيا ثلاث مرات . ووصلنا لكاس العالم ثلاث مرات . وحنا اللي هزمنا العراق في حرب الخليج . وحنا اللي فجرنا مركز التجارة والبنتاجون .

حنا السعوديين أول من طلع الفضاء من العرب . وحنا أكثر شعب في المنطقة وحنا أكثر شعب عنده ستالايت . وحنا اللي نمتلك قناة mbc وقناة art ... وحنا أكثر من يتصل على القنوات الفضائية ونلعب مع المذيعات الحلوات ونمزح معاهم .

حنا اللي أرسلنا أكثر المجاهدين لأفغانستان والبوسنة والشيشان . وحنا اللي ماأحد يغار على الدين مثلنا ، رغم إن أغلبنا مايصلي كل الفروض . وحنا اللي مافي شعب يضايق الكفار مثلنا . والتكفير عندنا مثل شرب الماء وألذ من العسل .

حنا السعوديين مافي أطيب وأكرم مننا . حنا اللي نرمي نصف أكلنا في الزبالة من زود الكرم . وحنا من تفوق على غيرنا في كبر الكروش والكسل .

حنا من أكثر شعوب العالم إستهلاكا للدخان والشيشة . وحنا اللي عندنا مدينة جدة رابع أكبر مدينة تلوث في العالم . وحنا اللي قضينا على الحياة البرية في السعودية من كثرالصيد والقنص. ثم رحنا على مصر والسودان نقضي على الباقي .

حنا أكثر من يطارد بنات العالم في الخارج . وحنا أكثر ناس في العالم ننفق على السياحة . وحنا اللي تبكي وتتحسف علينا بانكوك وبتايا من بعدها عنا .

حنا أكثر شعب في العالم عنده عمالة أجنبية . وأكثر الأشياء اللي نستخدمها من صنع غيرنا . ومانرضى نشتغل في المطاعم والمطابخ والمخابز والمغاسل . لأننا نشوفها أقل من مستوانا .

حنا اللي نحافظ على تقاليدنا حتى لو كانت غلط . وحنا اللي مانشوف أحسن من قبايلنا . ونشوف الأجانب أقل مننا . إلا من رحم ربي .

حنا اللي نشوف البنت مخلوق ناقص ومالها رأي . ماهي مسؤولة عن نفسها ، لكن مسؤولة عن أفعالها . ماتأكل في العزايم إلا من بقايا أكلنا . محجوزة عندنا في البيت مثل الغنم . ماتطلع إلا لزيارة الجارة أول للعمل . حتى زاد عليها الهم والغم . وحتى صارت في الوزن مثل الجمل . وبعد هذا نمنعها من ممارسة الرياضة لأن الرياضة بس للولد ..!!

حنا اللي الحرمة عندنا ماتكشف حجابها لنا وتكشفه للأجنبي . وحنا اللي نمنع الحرمة في المدينة من السواقه لأنها فتنة . حتى لو كانت قبيحة وغير مغرية . ونتركها تركب السيارة لوحدها مع السواق الأجنبي . رغم إن بنات البدو يسوقون السيارة في الصحراء من زمن . من دون خوف ولا وجل . ومن دون إعتراض الأهل .

حنا أول من إبتكر مطاردة البنات في الشوارع بالسيارات. وإذا شفنا بنت راكبة السيارة مع سواقها تجمعنا بسياراتنا حولها مثل الغنم . نبغا منها كلمة حتى لو تتفل في وجيهنا أو ترمينا بحجر.

حنا اللي عندنا أغلى المهور في العالم . ومانشوف ولا نعرف العروس إلا بعد الزفاف (شختك بختك) . وبسبب هذا ثلث الزيجات عندنا تنتهي بالطلاق ..!! .

رغم الحقيقة والألم ..

للدكتور. صعب بن محمد الزعيمر الشراري -

[بركـ الحب ـان]

[align=center]اخوي ابو سلطان انت نقلت المقال ( المجحف بحق السعودية )

ولم تعلق ولو باليسير على مقولته هل انت مؤيد لكل كلمة قالها ام لك رأي فيما قله

هذا اولاااا :


ثانيااا :

عندي ملاحظات كثيرة على تعميمة للسلوكيات التي ذكرها عن الشعب السعودي
وجعله متهما بكل التهم السابقة وهذه سابقة خطيرة على مجتمع يتميز بالاعتدال في مجمل حياته

انا لا انكر اشياء قالهاا عن بعض السلوكيات ولكن يجب الا تنطلي علينا بعضها لانها بجانب سلوك خاطيء

اخي ابو سلطان

حنا السعوديين أكثر شعب في العالم يمتلك بترول . وحنا اللي تبرعنا لأغلب دول العالم
( طيب وش الغلط فيهاااا )

===
وحنا اللي إكتفينا من القمح وصدرناه للعالم وحنا اللي أخذنا كأس أسيا ثلاث مرات . ووصلنا لكاس العالم ثلاث مرات
وهذا شي يشرف بس ترى وصلنا لكاس العالم 4 مرات
===

والان بدأ دس السم في العسل :
وحنا اللي هزمنا العراق في حرب الخليج . وحنا اللي فجرنا مركز التجارة والبنتاجون

===

ثم يرجع للمديح
حنا السعوديين أول من طلع الفضاء من العرب
وهذا شي يشرف
===


ويقول :
وحنا أكثر شعب عنده ستالايت . وحنا اللي نمتلك قناة mbc وقناة art ... وحنا أكثر من يتصل على القنوات الفضائية ونلعب مع المذيعات الحلوات ونمزح معاهم .

ما اعتقد اننا اكثر من ( مصر مثلا واتحداه بذلك )

===


يرجع للمديح :
حنا اللي أرسلنا أكثر المجاهدين لأفغانستان والبوسنة والشيشان . وحنا اللي ماأحد يغار على الدين مثلنا

باعتقادي ان هذا شرف لكل مسلم انه يجاهد
===
لكن ما يخليك تكمل فرحتك الا ويصكك بسم زعاف بقوله :

رغم إن أغلبنا مايصلي كل الفروض
سبحان الله كيف عرف ان اغلب السعوديين ما يصلووون ( تراها قوية بالمرة واخاف تخدش دينه )
====
ويقول :
وحنا اللي مافي شعب يضايق الكفار مثلنا .
باعتقادي ان الكفار هم الي يضايقون المسلمين والعكس غير صحيح
===
ويطلق اتهامة الارض ارض بقوله :

والتكفير عندنا مثل شرب الماء وألذ من العسل .

سبحان الله
الا يعلم بقول الصادق المصدوق
من قال لاخيه يا كافر فقد باء بها احدهما . او كما قال عليه الصلاة والسلام
فهو بقولة هذا جعل من شعب السعوديه شعب تكفيري
وهذا اتهام قد يقرشع دينه قرشعة نسال الله السلامة

والكلام يطووووووووووول يا ابو سلطان

يا حبيب قلبي [/align]

[عبدالعزيز الجلعود]

رغم الحقيقة والألم ..

للدكتور. صعب بن محمد الزعيمر الشراري -

======

انا ارى انها رغم الهجوم والألم

الشاعر / عبد العزيز الجلعود,,,,

جمع الأخ السيئات وترك المحا سن


ما كل من يحمل شهادات دكتور

000000000000وبعض الدكاتر دالهم دردغانه

لا تــــــــــــــعلــــــــــــــــيق اكثر من ذلك

[الغــامــض]

بسم الله


ابو سلطان

يمسيك بالبترول ويصبحك بقناة العبريه


موضوع له من القوة ما فيه


لي عودة ان شاء الله




تحية المسمىىىىىىىىىىىىىىىىىىىىىىىى
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,

[حزن]

حنا السعودين

مهما تحدثنا

خيرنا يغلب شرنا

وصالحنا يغلب مذنبنا

و اسلامنا يدك اعدائنا

ح ـزن

[ابو سلطان]

حبيبي بركان الحب .....بصراحه اعجبني المقال لجراته ...وحبيت تشاركوني قراتة....لاني قلت
يمكن نعرف وين الخلل ونحاول نصلحه ...الله يهدي الجميع
وعلي فكره كني اشوفك مستانس علي تاهل المنتخب ..مستعجل علي الثمانيه والاربعه..

[ابو سلطان]

هلا ومسهلاابو ريان زارتنا البركه
لا لا تتكدر من الواقع ماعاش من يكدرك ياشاعرنا

[ابو سلطان]

حي الله الغامض ... نستناك ياطويل العمر

[ابو سلطان]

حزن مرورك اسعدني ...تسلمين يالغاليه

[بركـ الحب ـان]

[align=center]ما كل من يحمل شهادات دكتور

000000000000وبعض الدكاتر دالهم دردغانه


رائعة من روائع شاعرنا الجميل



=========

وشذرات من زفرات الحزن
حنا السعودين

مهما تحدثنا

خيرنا يغلب شرنا

وصالحنا يغلب مذنبنا

و اسلامنا يدك اعدائنا


صدقوا



وسلمت اناملك ابو سلطان


الله يعين على الثمانيات واخواتها

[/align]