أبكي شِعر وانتي تقولي [ مااجْملك ] !
.......... ما كنّك بْمعنى حروفه داريه !
كنّ الحزن كفّ الغرق تتوسّلِك !
.......... وانتي على موج السعاده ساريه
كنت احترق تحت المطر كيف اوْصلك
.......... واشرب من انهار الدلال الجاريه
كنت افْهَمك ساعات وساعه اجْهلك
.......... ما كنت اظنّك بالمحبّه زاريه !
قلبي سفينة نوح ناوي يحْملك
.......... باع البشر لنّه يخيلك شاريه
من نبْضته كل العروق تْحنّ لك
.......... واثرك على صدّ العواطف ضاريه
جبْت القمر يسْهر معك ويعلّلك
.......... كنت اعتقد ساعة وعدْنا حاريه
وابْلا عقل قمْت اتمنى واسألك
.......... تبقى المشاعر في لقانا عاريه
ما كنت اظنّ اللي ذبحني يجْعلك
.......... لابياتي السودا مجرّد [ قاريه ] !
للمبدع/دايـــمــ
المواضيع المتشابهه
كنّ الحزن كفّ الغرق تتوسّلِك ..
العرض المتطور
