بعد بيه نفس
بعد بيه نفس لا تطفي الاشموع
سنة الافراك ماتت صعد دخـــــان
انتهت ايامها اباهات وادمــــــــــوع
ونهايتها الحبيب البلضع خـــــــــان
ظل اخر شهك ليامها اشــــــــلون
اجر بيه نفس لــــــــــــو ابقه حزنان
اضل اكتب شعر مو وكعن اجـــفوف
القلم عاف ايدي كوه وصاح تعـــــبان
من اتشوف وجهي تلكه بــــيه عين
لو دمعات جرحك تلــــــــــــكه نيشان
اكلب يوم يخلص واترك افــــــــــــــكار
تطويهن سنين وحجتي نســــــــــيان
العتب حجه ابلسان الشوك مرسوم
اليحب ايخاف يطرح هيجي عنــــــوان
بقت اخر ايام ونكــــــــــــــطع الشيب
الزرعناه اعله الدرب ماخضـــــر احضان
الشماته اتفرعوا مثل الجـــــــــذر بين
اليصيح الدمعه طاحـــــــت والصبغ بان
خل انكت جرح هم توكع اســـــــــهام
لو توكع شماته وكلمه والســــــــــــان
انه ابجرحي اغطت حليته بدمــــــــوع
ماموته بيدي وصـــــــــــــــــــــرت دفان
ملح ماكربت يمه المــــــــــــــــــلح زين
الغزر بالارض مايمض بــــــــــــــــالانسان
بقلمي
كرار رعد العراقي
العرض المتطور
