صغت الكلام المنقى ثم فيه ابديت
والطير غرد وستّل ثم مد الجناح
واقبلت متعدي الخفجي وانا يوم جيت
جيت النويصيب صدري بالقدوم انشراح
يعيش شعب الكويت ودام عز الكويت
يدوم جهد التطور في قيادة صباح
الحاكم اللي بناء وانا بفعله بنيت
شيخٍ على دولته نال الثناء والمداح
الدوله اللي غلاها بالعيون احتويت
لها نقلت التهاني بالمساء والصباح
دولة فخر مثلها مافيه شفت ولقيت
فيها تهنا المواطن والمقيم استراح
اسهى ولكنْ عنّها بالفكر ماسهيت
تجتاحني في محبتها واجيها اجتياح
ابوح لمجادها والحظ حظٍ بخيت
لبستها من قصيدي بالجواهر وشاح
لو رحت تبقى معي بالذاكره مانسيت
جسمي سعودي وقلبي للكويت ارتياح
المواضيع المتشابهه
العرض المتطور
