[frame="1 80"]
[poem=font="Simplified Arabic,5,crimson,normal,normal" bkcolor="transparent" bkimage="http://www.alraidiah.com/vb/images/toolbox/backgrounds/18.gif" border="groove,6,crimson" type=0 line=0 align=center use=ex num="0,black"]
أغليتس يا دار بتس الخال والعـم=قلبي وتفكيري ودمـي وروحـي
أغلي ترابه وأغلي الضلع الادهـم=وجو يخلي كل صـدر شروحـي
أحبهـا بالليـل والليـل ملـتـم=وأحبها وقت المسـا والصبوحـي
أحبها حـب عليـه اللحـم صـم=حتى يحطون الجسد بالضروحـي
غلاه في روحي دخل مدخل الـدم=في حبها أعلن وأعلـم وأبوحـي
دارٍ بها مـن دور حاتـم مكـارم=من مطلع الإسلام قبـل الفتوحـي
ياويل حالي كان بعده علـي تـم=ويا حسرتي وإن كان طوّل نزوحي
أبكي قهر وإن جيت عفشي محزم=وأقول واعزاه وشلـون أروحـي
انـا حياتـي دونهـا كلهـا غـم=سني ضحوك وداميـات جروحـي
مدمن على ماها ومدمن على الشم=شمّت هواها يوم يقبـل يفوحـي
واضحك طرب كان الشمالي تنسّم=والبدر في جـو العليّـا يلوحـي
سبحان من كمّـل جمالـه ونظّـم=جمـع نفـوده لسّهـل لسفوحـي
ومرافقة ناسٍ بهـا يبعـد الهـم=اللي مجالسهـم تـزوّد فروحـي
أمشي مع اللي لاحسدني ولا نـم=وارافق الرجل الشريف السموحي
نضحك مع الغالين والليـل مظلـم=الجو بارد والسوالـف امزوحـي
هـذا يرحبـك وهــذا يسـلـم=وهذا يهلّي من ضمير ٍ نصوحـي
هـذي مناتـي يـوم قالـو تكلـم=وضّحت ما بالقلب ماني شحوحـي
حبي لها ماهو على غيرهـا تـم=لكن بغيره صار حبـه رجوحـي
صلو عدد من يسكن القاع واليـم=على رسولٍ في كلامه وضوحـي [/poem]
[/frame]
أغليتس..............@@
العرض المتطور
