كل عام وأنت فاسد ....

[ظنا وايل]

[align=right]كل عام وحنا بفساد



لحد يزعل علي أرجوكم

بس مثل ما نعايد بعض بالعيد فيه أشياء كثير لازم نعايدها لأنها مرتبطة معنا من ولادتنا الى موتنا على

خير ان شاء الله .


كل عام والبطالة بألف خير . وان شالله محد يتوظف بس أهم شي الواحد يكون عايش حي ويتنفس

وش تبون بعد بالفعل الواحد ما يملا عينه الا التراب . احمدوا الله واركدو بس بلا وظايف بلا هم


كل بيت محتاج يكون فيه ثنين وثلاثة بعد بس شغلتهم النوم والتقضي للبيت ويا حبذا لو كانت شهاداتهم

على مستوى ومطلوبة .



كل عام وتعليمنا بالفين خير

المدرسين يبون شغلتين وكلها بعيدة عن شواربهم / عيونهم << للي ما عندهم شوارب

يسمحون بالضرب وهاذي فيها قبايل بصراحة بعد : يجي المدرس ضارب له طالب ويندبغ برة المدرسة ما تسوى عليه يصير يدور واسطات ينقل من المدرسة و و و و موضوع مافيه هدف والكل خسران


الموضوع الاهم نقل المعلمين والمعلمات .


شي يقهر من جد . كأن شريحة هالمدرسين الجدد جايين من المريخ ولا من مجاعة افريقيا ولا كأنهم


اساساً مو بشر ليييييييييه ؟؟؟؟


واحد يبي يدرس عند أهله ولا مدرسة تبي هالراتب << لا يكون عشرين الف بس؟

تقلعونهم وتضحون بهم بهالطرق ليه ؟؟ وش ذنبي اروح ضحية لأن ما عندي واسطه ؟؟؟

طيب


بكم الواسطة؟؟؟ ومنهو؟ ومتى ؟ وش قال ؟




اهـ


ما عليش مصر أكتب بالعامية وبدون سبب كذا




كل عام و وزارة المواصلات بخير



يووووووووووه عاد اللي يسمع يقوليبون يربطون افريقيا معنا




خط ابو حدرية يالربع الضاهر من أيام الفراعنة باديين فيه

انا أحس أن الكرة الأرضية من جهة

خط ابو حدرية فيها مشكله علشان كذا ولا مقاول يقدر يخلص والعلم عند الله



و أتم مثل الحزن أنطر سحابة عيد
[/align]

[حماد التميمي]

كلام سليم يالغالي ,, واللى اعجبني اكثر ان المعلمين يردون وظيفتين ولكن لا آمل في ذالك ,, لا يستطيعون الا بالاسهم واللى أكلت أموالهم من الهوامير

فساد في فساد اخي ظنا وايل


والله يعطيك العافية والصحه والسلامه

[دخــــٌيل]

::

بالنسبــة لي أقول: لو أن *الواسطـة* رجـل لـ قتلتـــة..

ظنا وايــل تصدق عاد جيــت بفصل لي ثوب قبل العيد مالقيت كل الخياطين يقولون مايمدي..!! علٌمت واحد إتصل على الخياط الفلاني قاله (الزين) جايك ضبطــة ..يوم جيته قال يمديك ليش لأ.!!!


يعني مسيطره ومامنها فكة.!.!

اما أبو حدرية لاتذكرني خلني قد نسيــٌت.. معانــآآه


أتمنى زوالـ هذا الفســاد ونعيــٌد صح

فمان الله

::

[*&* جوري *&*]

[align=center]

بين السطر والسطر .. خرجت آه متذبذبة ..

حتى مع البوح يخرج فساد ..




مقاله مختصرة ولكنها وافيه وتمس الجرح ..

سأكتفي بهذا .. رغم إن قلبي يضج بالألم ..




كل الشكر لك وتقبل خالص تحياتي الجوريه

[/align]

[أبو رائد]

معصب الرجال اليوم .. خلوووه


..

مسالة الضرب .. بالذات

له امور ومقاييس

انا 8 سنوات مدرس . ولا اضرب ..

لاني مو مقعنع بالضرب اساسا


لكن اقول / لازم الضرب ( في بعض الحالات )

لان الرسول ـ صلى الله عليه وسلم ـ يقول

( علموا اولادكم لسبع واضربوهم لعشر )

وهذا مقياس للتعليم بشكل عام

.
.
.
.
.


ظنا .. وايل

كل عام وانت طيب

إن شاء الله

والله يعطيك العافية

على مقالتك

[ابتسـ ألم ـامة]

هلا وغلا

اقتباس بكم الواسطة؟؟؟

يعتمد التقدير على الطلب والمكان والمردود (( مادي // معنوي // تجاوزات ... إلخ ))


فكلما كان المكان حساس والاستفادة منه كبيرة


كان السعر خيالي

اقتباس ومنهو؟

تبي الصراحة


لايهم المنصب أحياناً


وصدقني


فراش الوزير ممكن يخدمك أسرع من نائب أو مدير

اقتباس ومتى ؟

نعمل ليلاً نهاراً



خدمة 24 ساعة



وخدمة التوصيل متوفرة ومجاناً

اقتباس وش قال ؟

هذا سر



لن يصل له أي من الأطراف




وكل عام وأنت بألف خير



عاشت أوطاننا حرة أبية وبدون واسطة





مازلت تأخذنا معك


بمركب الحقائق فيه لاتذهلنا


لسبب واحد


نعيشها وكل يوم نسمع ونشوف ونرى


ولكننا


نلتزم الصمت


وحكمة نرددها


وش لي بعوار الرأس


أمشي يم الحيط وأطلب الستر


أصصصصصصصص


الحيطان لها ودان ...





أجل




مع السلامة



ولك





دمتم بحفظ الباري

وعلى الخير بإذن الله نلتقي


كلمــات مـن ذهـب
قال حكيم

عجبت لمن يغسل وجهه مرات في النهار
ولا يغسل قلبه ولو مرة في السنة

[فداءحمدان]

لا اله الا الله