--------------------------------------------------------------------------------
ماقد جرحتـــــك ولا في يوم ضريتــــك ×× ولا اذكر ان الغــلا قد طـــاح تقديـــــره
تخطى وتجرح وتقهــــر ما تحديتـــــــك ×× اصبر واحمل على حمل الشقاء حيـره
رغم اللي شفته من عنادك وتشتيتك ×× ماقـد طـرا لي ابدل حبــــك بــغيـــــره
لا وحسافه زمــــــــــان فيه حبيتـــــك ×× درب مشيته معك خابت مشــاويـــــره
تصدق اني كرهتــــك قدر ماغليتـــــك ×× والحمد لله عساها تكون لي خيــــــره
مابي كلامــك وعـذرك وانت ياليتـــــك ×× تصـك بــاب العـــذر وتفضــــها سيـــره
والله لو لك قـــدر عندي تحــــريتـــــك ×× لكن غــلاك انتقــل واجتـثـت الغيـــــره
وش جابك الله يردك سالـم لبيتـــــــك ×× ارحـل توكــل تراك مضيـــع الديـــــــره
الله يستــــر عليـــك تروح ماجيتـــــك ×× دور بدالــي عســى بفراقنـــا خيــــــره
المواضيع المتشابهه
العرض المتطور
