.
.
.
يا هوهـ .. ياكشخه .. دموعك زادتك عندي وقار ..
............. أدخل على الله .. من دموع العين واللي صبّها ..
تعال وأضحك .. وأترك العالم ورى سور وجدار
............. وأن سالت الدمعه.. من عيونك غصيبة غبّها ..
تكفى فديتك قل لدمعك .. لا يزيد الأنهمار
............. تراه يجرحني .. ولو طاول ضلوعي شبّها ..
خل البكى لعيوني الثنتين .. وأشعلها شرار ..
............. وأن كانها ما ترضي غرورك .. تعال وعبّها ..
حرام تبكي.. وأنت في قلبي لك أقمار ومدار ..
............ وأغصان روحي كل ما ذعذع نسيمك هبّها ..
في كل حاجة لي قرار .. إلا أنت مالي بك قرار ..
............. أفرغت لك قطعة .. من أقصى الروح محدٍ طبّها ..
غصب على قلبي .. بلا تفكير وبدون أختيار ..
............. أصبحت تسكن داخل ضلوعي .. كذا من ربّها ..
فأن شفت روحي تنتظر لقياك .. وتموت أنتظار
............ خذها بيدها .. وأقفل عيونك علي وخّبها ..
ما عاد أبي من لذّة .. بياض لا سمار ..
............ غير أنت يا آخر من تعدى في الحدود ونبّها ..
شلت البيارق .. وأنتزعت الفوز .. وأجتحت الديار ..
............ والعالم اللي تنتحل فعلك .. خفوقي كبّها ..
أغليك من قلبي ..وأحبك .. وأعترف سر وجهار
............ ومحبتك تكبر ويصغر من ظلمك وسبّها ..
هآك المشاعر .. والقصايد ..والمواني والمنار ..
............ والروح وأيتام الخفوق اللي تشوفه ربّها ..
تدري من المسكين في هالكون كلّه بأختصار ..
........... اللي تحبّه روحك العذبة .. وهو ما حبّها ..
.
.
.
المبدع // عبدالله الذويبان ..
المواضيع المتشابهه
بدون أختيار // عبدالله الذويبان ..
العرض المتطور
