[align=center]ضربت صدر الصحيح والواقع فأصبته
النص ومابين ثنايا النص اهداء لمن يستحق الاهداء
7
7
7
7
7
الحرب لا صارت ما بين ( ملوك ) .. يرتاح القزم ..!
قدام أجي .. و أحط خشمه / تحت رجلي .. و أفركـه
بالمختصر .. و المسألة / قدر .. و مقامات .. و عزم
اللي ما هو قدّ ( الملك ) .. مـا هـو بقـدّ المعركـه
حتى الرعاع اللـي معيشتهـا علـى مسـح الجـزم
صـارت تعـرف الفرنكـه .. وتجيـد فـن الفبركـه
ياهيه .. يامال العمـى اللـي يخـزم عيونـك خـزم
شفني عدل .. واسترجع الماضي معي .. واستدركـه
ركزّ .. وفكّر .. فـي حيـاة الأنبيـاء أولـي العـزم
وأنت تعرف فـرق النفـوس المؤمنـه و المشركـه
واللي خلقك بـلا ظهـر .. بتمـوت ماقيـل احتـزَم
مواقفك وش هي ؟ بلا ضعف .. ونفاق .. وجمركـه
مـا أنـت بولـد عـمٍ قفـا .. ولا ولـد عـمٍ لـزم
سلعـه تروجهـا الصحافـه فـي زمـان الأمـركـه
فغصبٍ عليـك تراعـي حـدودك .. وفيهـا تلتـزم
ويلك لو اسمع لك نفَس .. ويلك لو اشـوف حركَـهْ
ياسخريـة الأقـدار .. وشلـون الجمـل حـنّ ورزم
وهـو علـى ماقيـل فمـراح امهاتـه .. مبـركـه
لكّن خذها من لسان اللـي اليـا راغـوا .. جـزم !!
خذ الصحيح .. وغيره ذلـك صـد عنـه .. واتركـه
( الأمعه ) في كل حاجه .. مـا انتصـر ولا انهـزَم
خـارج حسابـات العقـول الواعـيـه والمـدركـه
والرجـل لاقّفـا شبـابـه .. لا ذبــح ولا عــزم
مثل المرأه وأردا شوي .. مافيه خيـر ولا بركـه !!
لأجل كذا .. خلـك هنـاك بعيـد .. وأرتـح ياقـزم
قدام أجي .. واحط خشمك تحـت رجلـي .. وافركـه
محمد جار الله السهلي
معــ مودتى واحترامى لكم
[/align]
لمعركه
~ 
العرض المتطور
