هذي عربون اعتذار عن الفترة الماضية اللي قطعناكم فيها
صاحبك اصدر قـرارك فـي بيانـه
عادته لو ما يسـرك مـا يضـرك.
كلمتيـن وقـام بالواجـب لسـانـه
روح عني واكفني خيـرك وشـرك.
كان قبـل انـه يكـون لـه كيانـه
كـل ليلـة يـا تمـره يـا يمـرك.
والنصيحة خل لـك قـدر ومكانـه
راس مالـك للمعاصـي لا يجـرك.
والسعد والخيـر لـو يقبـل زمانـه
خذ بحدك منـه واحـذر لا يغـرك.
وخل خلق الله مـن افعالـك مدانـه
بر في العالم وتلقـى مـن يبـرك.
واستزد من شكـر ربـي وامتنانـه
يرزقك من هو على ذا الارض ذرك.
وكل ما تبغى مـن المولـى حنانـه
يغمرك لنـه مـن الكربـة مفـرك.
وديرة ٍ يرضـون أهلهـا بالاهانـه
دق سلف الجيب من هلها وحـرك.
شوفني من كثر ما عنـدي حصانـة
من يرانـي قـال لـي ( لله درك ).
قالها من هـو فقـد رابـع خوانـه
ما تجي مثلـه ولا جـره بجـرك.
والنذالـه كانهـا عـنـدك ديـانـه
شف مقري وانت تعرف وش مقرك.
وان بغيـت المرجلـة وإلا اللعانـه
كلها عنـدي وتلقـى مـا يسـرك.
وسلامتكم
انتضرو المزيد
المواضيع المتشابهه
هذي عربون اعتذار عن الفترة الماضية اللي قطعناكم فيها
العرض المتطور
