كلمات عراقيه جميله

[الدووووخي]

هم همي هم الروح هم هم العيون
بيهن تولع قيس واتسمه مجنون..

لو قهر لو دولاب ابني ارد اسميه
سميته جالي الماي هال ووكع بيه..

اخ اشكثر مكروه التجفي دنياه
حته الصديج ايكول عيب امشي وياه

جاوينه ذاكه الكال الركبة دونك
هم تنشره وتنباع جلمة اشلونك

شماتي مو شمات شماتي تسعه
عاشرهم النمام يومي بصبعه

شماتي مو شمات شماتي صوبين
كبل الممات بيوم كصوني نصصين

زين انته من جسموك كل واحد ابنص
انه صرت معلاك ياهو اليجي ايكص

ياوسفة الهدانات صارت مذاريب
وبعيني شفت الشاة يسحلله بذيب ..

فاض وطفح ماعون صبري وتبده
كلشي تكرهه الروح من يجزي حده

شماتي مو شمات شماتي نسوان
حته السمج بالماي خللنه عطشان

انته النطرت البيت وانته التبوكه
اتحطلي سم بكلاص واتكللي ضوكه..

عمده اردامر عالدار والنوح ازيده
واسمع صداهه ايكول راح التريده

ياربي ارد انخاك خليني اشوفه
خلصت عمري وياه اشلون اعوفه

ودوني للدكتور شاورني بسكوت
لو ولفك يداويك لو باجر اتموت ..

ودوني للدكتور امضمد بشاش
صكته الحسرة وكال ودو للانعاش

متعجبه هالنسوان اب(راغب علامه)
(داخل حسن ) يسواه ويسوه عمامه

(راغب علامه حليو وعيونه خضرة
داخل حسن بالصيف لابسله سترة !!!

حلفتلي بالعباس وامنت بيهه..
زفوهه لبن الناس ومحنيه اديهه..

يلمومن اشسويت ليش املجتها
المن كلبهه يميل جان اسالتهه..

بت بعد بالدلال بت لاكن اشبت
الياكل اشمدريه اليثرد اثبت

اتمنه عركه اتصير اباب اهلنه
ويطلع حبيب الروح يتباوعلنه..

الدنية للتهواه ترخيله الحبال
وتنزل الطيبين وتصعد الانذال..

يالشايل الباكيت اطني الجكاره
مولازم الشخاط من كلبي ناره..

بت بعد بالدلال وجروحي تسعين
هم ينفع التضميد للصاير اطحين ..

[الكهرمـان]

هويا كلام زين النوب اريد اسمع منك

كلام اكثر

بس تريد الصج انت خوش واحد حطيت هيج كلمات

تفتح الصدر

الله ينطيك العااافية

رحمه على والديك

تسلم اصابعك سيدي

[ربـيع أنثى]

تسلم يا الدووووخي ..

[عزيزة نفس]

الله يعطيك العافيه

[الدووووخي]

شكرا لتواجدكم ,,

[العمر مايسوى]

يعطيك الف عافيه بس تبي الصج مافهمت شي

[goree]

oOo
في اشياء مافهمتها


ربي يسعدك الدوووخي
Oo[mark=666666]جــوري[/mark]oO

[شمس الرائدية]

ربي يسعدك ويسلمك ,,
سلمت اناملك,,
لاتحرمنا من جديدك,

[الدووووخي]

شكرا لتواجدكم ,,

[ليتني همك يايمه]

الدنيا للتهواة ترخيله الحبال
و تنزل الطيبين وتصعد الأنذال

الله علييييييييييييييييييك يسلمممموووو ع الكلمات الحلـوهـ
عن جد أختيار موفـق لا تحرمنااا
بالنسبه للي مافهموا بعض الكلام
عندي ملاحظه أخوي :
لو أنك تبدل حرف الكاف بـ القاف
يكون اسهل للبعض بالقراءهـ

مثلاً
انته النطرت البيت وانته التبوكه
اتحطلي سم بكلاص واتكللي ضوكه

تصيـر

أنته النطرت البيت وانت التبوقه
اتحطلـي سم بقلاص وأتقلـي ضوقه

< خبـرهـ البنت خخخخ

عن جد ثااانكس يالغالي