سلطات × سلطات،،،مميز،،،

[عزيزة نفس]

السلام عليكم ورحمة الله وبركاته



اليوم جبت لكم موضوع اجــــــــــــــراااااااااااااااااام مررررره اعجبني

وبما اني احب السلطات واموت فيها جبت موضوع كله سلطات

وان شاء الله يعجبكم

_سلطة ورق العنب

_سلطة بتتبلية الزعتر والشبت

_سلطة الشعيرية بالعدس
_سلطة الزبادي بطريقتي
_سلطة أكواب البطاطس
_سلطة الخضار المقلية
_حلقات البصل وأصابع الموزريلا
_سلطة البنجر
_كرات الجبن
_سلطة الدجاج بالشمرالطازج
_سلطة البصل الأبيض

_سلطة رولات الباذنجان

بررررب يا حلوين بروح أجيب لكم القهوه أقهويكم

BRB

[عزيزة نفس]

_ سلطة بتتبلية الزعتر والشبت

المقادير ..

خس أمريكي او خس عادي
مقطع طوال ..
زيتون شرايح سواء أخضر او أسود
خبز مقطع ومشوحينه على النار مع زيت الزيتون
والزعتر << كمية الزعتر كثيرة شوي تغطي الخبز تمااام

التتبيله
علبة زبادي
علبة سوس رانس للسلطات
نص حزمة شبت وملعقتين زعتر وممكن تكون بقدونس او كزبرة
بس شخصياً بالشبت أطعم كثير حسيتها ..
ملح وليمون وزيت زيتون..
نخلطهم بالخلاط الكاس لحد ما يصير اللون أخضر

نحط بالطبق اللي نقدمة الخس بعدين رشة زيتون
بعدها نرش عليها الخبز وبالأخير السوس
ونرجع نكرر نفس الطبقات ..
آخر طبقة رشيت عليها شوية بابريكا وزعتر

وصحتين وعافية ..



_سلطة ورق العنب


المقادير
علبة ورق عنب
كاس ونص برغل


مكعب ماجي


نقطع ورق العنب والطماطم والبصل " شرايح طوبله "
زي ماهو باين بالصورة .. 5 حبات طماطم 5 حبات بصل 2 ملعقة دبس رمان

الصوص
نص كاس زيت زيتون << حسبت الرغبه
مغلفين تتبيلة الريحان والزعتر
ملح ليمون ..

الطريقة ..

نشوح البصل على النارلحد مايذبل بس ما نحمره
بعدين نحط عليه الطماطم ونقلبهم مع بعض
ونزيد عليهم مكعب ماجي ونتركهم على النار لحد مايذبلون تمام
بعدين نزيد عليهم ورق العنب وملعقتين دبس الرمان وشوي زيت زيتون
ونغطي القدر لحد ما نشوف ورق العنب مررره ذبل

بهالوقت نكون ناقعين البرغل بماء دافي ..

نبدأ نشوف ورق العنب بعد 20 دقيقه وأكثر
على حسب نوعية ورق العنب أهم شي نتأكد انو ذبل مره
بعد ما نحسه ذبل نبعده عن النار ونحط عليه ملح
وليمون ومغلفين كنور وزيت الزيتون والبرغل

نتركه يبرد ونقدمة ..

وصحتين وعافية ..


بررررب بليز

[عزيزة نفس]

_سلطة الشعيرية بالعدس

المقادير..
كاس عدس مسلوق
4 دوائر شعيرية << واضح تورطت ما لقت تعبير
خيار حبتين
جزر حبتين
خس
كرنب
مخلل الـcapers وممكن مخلل عادي مقطع
بس الكابر طعمه حاد فشوي منه يكفي ..

التتبيله
زيت زيتون
مغلف كنور بالخل والثوم
ملح وليمون حسب الرغبه ..

أحلى ما فيها إخلطوا كل شي على بعض وقدموها

الطعم جداً لذيذ وتغني عن وجبه ..

وقدموها زي ماتحبون ..

وصحتين وعــافية يارب


_ سلطة الزبادي بطريقتي

2 زبادي / ملعقتين لبنه
3 حبات باذنجان مقطع مكعبات ومقلي
نص كاس حمص
3 حبات خيار


التتبيله ..

ملح
كمون << مهم
ليمون
زيت زيتون

الطريقة ..


نخلط التتبيله مع بعض لو حسيناها ثقيله
ممكن نخففها بشوية لبن
وبعدها نحط عليها باقي المقادير

بعد ما نحطها بصحن التقديم نرش نعناع على الوجه
أو بصل مقلي << إختياري

وصحتين ..


_سلطة أكواب البطاطس


المقادير..
بطاطس مسلوق

الحشوة ..
جبن كريم / جبن موتزريلا
ملح وفلفل
هوت دوق مقطع مكعبات
جزر مقطع مكعبات ومسلوق
بازلا مسلوقه
مشروم مشوح على النار
زيتون شرايح
ذره

الحلو بالسلطة هذي تعتمد على الذوق والإبداع
أو محبة الشخص لأشياء معينه

الطريقة ..

نسلق البطاطس ونفرغه
ونزيد عليه الجبن الكريمي
وملح وفلفل ونرجع نرجعه للبطاطس مره ثانيه
نحط فوق البطاطس كل شي جهزناه
أو اي شي تحبونه ..
نرش عليه جبن الموتزريلا
وندخله الفرن دقايق يدفى
وتذوب الموتزريلا

وصحتين


بررررب بليز << تقوله وهي تلهث

[عزيزة نفس]

_سلطة الخضار المقلية


المقادير

زهره مقليه
بصل مقلي
بطاطس مقطع شرايح ومقلي
بصل أخضر
خيار
خس أمريكي
فلفل بارد الوان أحمر/ أخضر/ أصفر


الطريقة
نخلط كل شي مع بعض الا البصل ..

نبدأ بخلط السوس
عبارة عن ..
2 علبة زبادي
2 ملعقة طحينه
1ملعقة مايونيز

ملح / ليمون

على النار نكون مشوحين بقدونس وثوم
نحطه على خلطة الزبادي
نحط الخضار بالصحن ونحط فوقه التتبيله
وبعدها البصل المقلي عليه


ونقدمها زي ما نحب ..



وصحتين وعااافية ..

_حلقات البصل وأصابع الموزريلا

نقطع جبن الموتزريلا الى أصابع
ونقطع البصل الأبيض حلقات ..

للتغميس
علبة حليب مبخر ( مكثف غير محلى )
تبلته بملح وفلفل وبابريكا مع رشة فلفل حار



نبدأ نغمس بالدقيق بعدين الحليب بعدين البقسماط
ونرجع نعيد نفس الشي
يعني مرتين يابنات نغمسهم بالبيض والبقسماط
( عشان الطبقة تثقل وتصير من قلب تقرمش )



البصل والأصابع نفس الطريقة ..
ونقليهم لحد ما يصير لونهم ذهبي..





مع اصابع الجبن قدمت صوص الثوم
وصوص الطماطم ..

وصحتين وعافية


_سلطة البنجر



المقادير
علبة بنجر ( شمندر ) يُقطع مكعبات
كرنب نص حبة متوسطه تقطع مكعبات
باذنجان مقلي 3 حبات
مخلل براعم الخيار أو اي نوع متوفر
3 حبات بصل ..

الصوص ..
علبتين زبادي
ملح / ليمون / زيت زيتون
نصف علبة متبل الثوم 4 ملاعق كبيرة سيزر سوس

الطريقة ..
نشوح البصل على النار مجرد ما يذبل نبعده عن النار
نخلط خلطة الزبادي مع متبل الثوم والملح والليمون والسيزر سوس
وزيت الزيتون ونحط عليه البنجر ونتركه على جنب باخذ اللون الوردي



بعد نص ساعه نخلط الزبادي وبالبنجر بالملعقة نتأكد اخذ اللون
بعدها نحط البصل والباذنجان والكرنب ..
نرش الوجه بالسمسم والمخلل



وصحتين وعافية ..

[عزيزة نفس]

_كرات الجبن بالزيتون


1ونص كوب جبن حلوم مبشور
2 علبه جبن تشيدر الحجم الصغير
مكعبين جبن كيري << يعطيها نعومه بالحشوة
كاس ونص دقيق
حليب للعجبن ..


تعجنين المكونات بالحليب لحد ما تتماسك
بس ما تكون لينه مره لأ تكون مايله للقساوة
نبدأ نحشيها بالزيتون ونحطها بالبيض بعدين البقسماط




نقليها بزيت عميق ..

نقدمها مع صوص الفلفل الحار او المسترد والعسل






وصحتين وعافية


_سلطة الدجاج بالشمرالطازج

المقادير

3 صدور دجاج نتبلها بالملح والفلفل والبهارات والبابريكا
تشوى على النار وتقطع مكعبات ..

شمر طازج مقطع مكعبات
بقدونس / بصل أخضر
كرنب بنفسجي << يسمونه أحمر
حمص/ذره/زيتون


الصوص

علبتين زبادي
3 ملاعق كبيرة شطه
نص علبة متبل الثوم
2 ملعقة خردل ديجون
2 ملعقة مايونيز
ليمون وملح

تخلط المقادير مع بعض
ويخلط السوس ويوضع فوق السلطة
ترش بالنعناع الجاف والخبز المحمص
وتقدم ..







تقدمينها بأي طريقة تحبين
وصحتين وألف عافية يارب


_سلطة البصل الأبيض

3 حبات بصل أبيض مقطع شرائح
نص حبه من كل من فلفل بارد أحمر/ أخضر/ أصفر
نص كاس فاصوليا خضراء
نص كاس بروكلي ..
نص كاس مشروم مشوح على النار
نص كاس فاصوليا حمراء


تخلط جميع المقادير

الصوص

تتبل بفنجان شاهي خل مع 1 ملعقة سكر بودره
2 ملعقة دبس رمان
2 ملعقة الصوص الفرنسي ..




تخلط جميع المقادير مع السوس وتقدم ..



وصحتين وعافية يارب

_سلطة رولات الباذنجان

المقادير

باذنجان حجم كبير
بقدونس
بطاطس مقطع مكعبات صغييييرة ومقلي
طماطم بدون لب مقطع مكعبات صغيييرة

نقطع الباذنجان شرايح بالطول وتقلى
بعد القلي توضع بصحن فيه زيت زيتون
ملح وثوم وليمون ونقلبها من كل الجهات

نبدأ ناخذ وحدة وحده

ونحشيها بالحشوة

الحشوة هي الطماطم والبطاطس والبقدونس
متبلينهم بملح وليمون وشوي ثوم وزيت زيتون

نلفها مثل الأصابع
الصور توضح ..



نحطها بصحن التقديم
نخلط علبة زبادي
1 ملعقة مايونيز
ملح/ ليمون

ونحطه على أصابع الباذنجان
نرش السماق والنعناع الجاف


وتتقدم زي ماتحبون





وصحتين يارب ..




وعووووووافي على قلوبكم



منقول مع الاضافات والتعديل



اتمنى ينال على اعجابكم


وصحه وهنا

[فُوْشِيَّةٌ ~]

.
وعليكم ال[mark=#CCCCCC]س[/mark]لآم ورحمة الله وبركآته ~

وآآآآآآآآآو السل[mark=#CCCCCC]ط[/mark]آت مره خطيره

الله يعطيكِ العآفيه على الموضوع الم[mark=#CCCCCC]م[/mark]يز ,

.

[عزيزة نفس]

اقتباس المشاركة الأصلية كتبت بواسطة فُوْشِيَّةٌ ~ . وعليكم ال[mark=#cccccc]س[/mark]لآم ورحمة الله وبركآته ~ وآآآآآآآآآو السل[mark=#cccccc]ط[/mark]آت مره خطيره الله يعطيكِ العآفيه على الموضوع الم[mark=#cccccc]م[/mark]يز , .

يعافيك الرحمن


اسعدني تواجدك

[ربـيع أنثى]

عزووووو .. تسلم دياتك على السلطات الرووووعه

[عزيزة نفس]

اقتباس المشاركة الأصلية كتبت بواسطة ربـيع أنثى عزووووو .. تسلم دياتك على السلطات الرووووعه

يسلمك ربي



والاروع تواجدك

[شوق الغلا]

الله ..

ادماان هذى الصفحه ..

كذا سلطة عجبتنى ..

تسلمين يالغلا ..