فصلتني خاتم وفصك من الماس
وادخلتني باخر اصابع يدينك
واحضر معك بمناسباتك والأعراس
واشوف منهم بالغلا محتوينك
هاذي تقدم لك حلاوة مع الكاس
وهاذي من هناك اتنشدك وينك
الكل من جيتك يازين محتاس
كلٍ يبي يحسسك بأنه عوينك
وان قمت تلعب ساحتك مابها ناس
تلعب وتصفق بي يسارك يمينك
وليا تعبت وزاد صدرك بالأنفاس
مسحت من جور التعب بي جبينك
وانا انتهزت الفرصة وشفت الأنعاس
يوم انك تلامس ترفك بثمينك
ناظرت جفنك كنه يقول لاباس
لكن عيونك من خجلها تدينك
وتصّرف الموقف مع نظرة الناس
وتفرني وانا ابترم في يدينك
م\ن
أتمنى ان ترتقي لذوقكم الرآآقي
المواضيع المتشابهه
العرض المتطور
