لا صارت الدنيا غروب
واصعب من الواقع هروب
وفي دنيتي
بس دنيتي
انتي الشروق
وبيني وبينك خطوتين
اصعب من اميال الدروب
كيف اوصلك ؟
لو قلت لك إن المسافه خطوتين
ما أقدر اجيك
ولا تجين
لو كنت لك كلـّي حنين
ماتقدرين يمي تجين
ما تقدرين
كنا نظن !!!
او كنت اظن
إن الحياة
ما فيها غير إحساس واشواق وسنين
فيها يتحقق حلمنا
واحلام كل العاشقين
كنا نظن !!
او كنت اظن
إني في يوم من الحياة
القاك لي
يجمعني فيك خط القدر
ونطوي السنين
واعيش باحضانك عمر
وارحل معاك
ابدا السفر
لديار ما فيها بشر
نجلس على شط القمر
وتكوني لي
ناسي وهلي
وكل العمر
وكل شي
بس ضاع مني كل شي
يوم الوداع
إلا الامل
ما ينعدم فيني الامل
واتخيلك
ارق من الزهر العطر
واتخيلك
واحترت فيك
واحترت كيف اتخيلك
ما يوصفك عندي شعر
ولا يوصفك عندي غزل
لكن حقيقة اعترف
صوتك رسم بقلبي هنا
بسمة طفل
بـ قلمي / سند البويغي
وفقك الباري 
العرض المتطور
