الحب هذا الليل جاوز حدوده !!!!!!!!!!!!!!!!!!!

[راجي الوصل]

مما جادت به القريحة :
. . .
. .
.
الحب هذا الليل جاوز حدوده
لين اكتمل عشق وغرام وتـُولـّـه
.
للصاحب اللي فرحتي في وجوده
اكبر من التوصيف والحكي كله
.
لي مدةٍ وانا على الوصل احوده
ايلين حقق مطلبي وامتثل له
.
لبّى احتراقه بي ولبّى بروده
عن كل خلق الله لا شاف خله
.
لبّى عيونه ثم لبّى خدوده
ولبّى ثمان ٍ بالحلا مستظلة
.
ولبّى النحَر يسطع ولبّى نهوده
ولبّى الشعر من فوق متنه يفله
.
ولبّى ردوفٍ ترفعه في قعوده
ولبّاه خصر ٍ له تقل خصر دلة
.
ولبّى سواليفه ليا جت ردوده
ولبيه لا غـنـّـى قصيدي وشله
.
هذاك له فوق المماليح زودة
جمع صفاتٍ نادرة مستقلة
.
الله عطاه من الحلا جل جوده
يا وش جمال اهل الصور بالمجلة
.
زرته وعاهدته على الوعد اعوده
واجيه في ديرتـْه وازور حِـلّه
.
واقضي معه ليل ٍ تقاصر حدوده
واعلمه معنى الغلا والتـُولـّـه
. . .
شعر
راجي الوصل
. . .
. .
.
فاصلة :
إذا أحببت شخصا ( ما ) فلا تندفع له بكامل مشاعرك
فإن الصدمة عادةً تكون بحجم المشاعر المبذولة !

[الدووووخي]

صح لساااااااااااانك واعتلى شاانك راااجي ..

[عُشق]

قصيدة قوية بكل معانيها..

[ راجي الوصل ]

ابدعت ..

شكرا لك..

تحياتي..

[سند مطر]

جميله الحكمه

وصح لسانك ياراجي الوصل
لاهنت استمتعت بقرائتها





.

[لأجل اشتياقي]

[align=center]





أبيآت جيده

صح لسانك


والله يعطيك العافيه

[/align]

[أبو الوليد]

[align=center].








يا ../ راجي الوصل





صح لسانكـ .. .. وسلمت على هالأبيات الطيبة




لآ حرمنا من كل جديدكـ






::


وفقك الباري



.. .. ومضـــــــــــــــــــــة .. ..

من شجرة واحده تصنع مليون عود كبريت ..!!
ويمكن لعود كبريت واحد أن يحرق مليون شجرة ..!
لذلك
لا تدع أمر سلبي واحد يؤثر على ملايين الإيجابيات في حياتك .

[/align]