[align=left]
[/align]
(( اربعين ))
كلمات \
(( الأمير عبد الرحمن بن مساعد ))
ادلهــمّ الكــــــــون حــولي و اطْبقـَت سحب الكــآبة
أغرقـَت جوفي بدمعي واهلـَكـَــــــــت أخضر حقولي
وينكــــم ياربع عمــــــري ؟ من بقى ما صك بابه؟
مابقى لي صاحبٍ أرمــــي عليه اهــْــــوَن حمولي
...
الكتابة عن همـــــــومي ذنب أفْشَـل في ارتكابه
هكذا حـــزني أناني ... غير فرْحــــــي للّي حولي
من همـــــــــــوم الناس أبني دافعي لجل الكتابه
ما حسَبْت حساب ضاقـوْ بْما كتبت او صفّقوا لي
كم كتبـت و قيل تكفـا ... هذا شـي ما ينحكـابه
مو بكيفي صرت وابِل تُرتَقب لحظة هطــــــــولي
ما تعبت ارقى و أرقى .... بالدُّعــــا حالي تشــــابه
مقدر انزِل لو أبنزل ... غصب ترقــــــــــابي رجولي
...
لي إلهٍ جلّ شــــــــــانه عندْ ما اكون فْـ رِحــــــابه
في ركوعـــي في سجـــودي أصْعَد فْـ قِمّة نزولي
لي مكانٍ في الكواكب .... ذا طموحـــــي لسْتُ آبَه
نجم عالي ... ذا مكــاني .. عل موتي هـــو أفـــــولي
....
باقيٍ يا دنيا شعـــــري يمـــــلئك فخر و مهــــابه
قـــــد يزول فْـ يــــــوم آتي عنـــــدما أنتي تزولي
إنتسبت لْـجَـد مُعْجِز ... دين و عزوم وصــــــلابه
هو أخو نوره معَزّي ... تبطــــي جــــــــداً يا ذُبولي
.....
و لي أبــو ما شفت مثْلـَه مُحتسِب مهما أصابه
كل زهدٍ غير زُهْدَه مُفْتَعَـــلْ وَهْمــِـي و صــولي
عندي امٍّ مستحيلــه طيبهــا صعب اجتنابه
آه يُمّه كــــم أحبّك في شرايينــي تجــــولي
.....
و لي وطــن أحيا لعـــــزّه أفتــــــدي ذرّة ترابـــه
مسلم سعودي عروبي .. ذي فروعي ذي أصولي
ولي شقيقٍ ماني اقـــوى نبرة الحــزن فْـ عتابه
كيف عاد ان كان يزعل ؟ أحترق من فرط هُـــولي
.....
ولي ولد عمٍ غمَرني فضله و سِرْت فْـ رِكــابه
شفت له في كل لحظــه فزْعه و موقف رجــولي
و لي حبيبه مستديمه حُــب عمــري من شبابه
ما لي فصول و مواسم وَحْــدَها هي بس فصولي
......
أم قلبيــنٍ بجــــــــوفي هـم بعـد كل القــرابه
هم سبب سعدي و مجدي هم سبب خوفي و جفولي
ما فعلت الخيـــر أرجــي من بشر فــــــاني إثــابه
عالمٍ ربّي بقصـــدي ... و ما سبَبْ أطيب فعـــــولي
.......
أربعيــنٍ من تجــارب .... أربعينٍ من غـــــــــرابه
أربعينٍ من تأمُّــل شكّلــت ذاتـــي و ميــــــولي
الكِبِـــــــر أردى الخطــــــــايا ما تجبّـه إستتــابه
أستعيذ بربّي منّه في خروجــــي في دخـــــولي
....
كلّ احَـــد يقضي حيـــــــــــاته بين تقصير و إنـابه
يستحيل انّك تلاقي ... لاْيّ اْحَد وصفٍ شمـــولي
شفت في الدنيا مهـــــــازل تُفقِد المدرِك صوابه
يفخر الكــــافر بكفره ... تُشْتَم بْقولة " أصولي "
....
النفاق اكبر رموزه كـــــان في عهد الصحـــــابه
كيف عـــــاد الوقت هذا ..؟ كل شبرٍ به " سلولي "
الرضـوخ أصبح فضيله و قول " لا " أصبح دُعــابه
و المشاكــل مبتدعها قال : تِلْزِمْكــُم حلـــــولي
...
بين تفريــط و تطـرّف تــاه جيلي في خِطـــــــابه
خير اموري هو وَسَطْـــهَا ... طال عن هذا غفولي
إحترس يا ذيب و احذر من زمن ســــــــادَت كلابه
الوفــا بَه صار عِجْبـه .... و الغدر فعــــــــلٍ بطولي
.....
لا تثـق بالّلي تثــق به ... بـد شكّـــــك و ارتيـابه
كم عُهُـرْ سافِرْ يُغطّى بْملْمَــــحٍ طاهــــر طفولي
عندي للدنيــا ســـــــــؤال و ما أبـي منها إجــابه
هو يغيّر شي رفضــــي .. أو حيادي .. أو قبولي ؟
كـن يا دنيــا همومـــك جُمِّعَت مثــــــل الذّيــابه
سالـَمَت كل الّلي قبلي .. تنتظـر لحظة وصــــولي
كلّ غــــدرك ما يســــــاوي في مــوازيني ذبــابه
ربّمــا لـوّك وفيتــي ... كان أرّقْنــِــي ذهـــــولي
......
يا عذولي هاك بوحي هاك جرحــي و انسكـــابه
ما سوى ذا وقت سـَـــانح ... قم بدورك يا عذولي
أتعبتني هالقصيده .. فكـــــــر و جـروح و رتابه
بس يا هذي القصيده .. أقصريها لا تطـــــولي
يا كـــريم يحـب عَفْـــوهْ رحمِتَـه تسبق عــــذابه
ألطـف بـ ذلّي أمامـــك حينمــــا يَحْتُــمْ مثــولي
المواضيع المتشابهه
|| مُمَيزْ || : ادلهم الكون ( اربعـين ) عبدالرحمن بن مساعد ..~
العرض المتطور
