مقلوبة باذنجان ..والطعم جنااااااان ...وبالصور كماااان

[أخت القمر]

مليتو من اللحم مو عشان كدا
عندي لكم طريقة مقلوبه مبتكره : حتى اللي ما يحب الباذنجان حيحبه في هذي الطبخه .....

اول حاجه حتحتاجي ثلاثه قدور :
لاتخافو الطبخه مو طويله ابدا .....بس كلامها كثير

المقادير : شرايح باذنجان رومي مقليه او مشويه وهو الافضل
بصل مفروم _ ثوم مهروس- زنجبيل مهروس- كزبره مفرومه+شبت
طماطم معصوره- نصف كيلو لحم مفروم -كيس بازيلا مجمده -كاستين رز مصري مغسول- دجاجه مقطعه 8قطع مغسوله ومدعوكه بالدقيق والملح او افخاذ دجاج <انا استخدمته عشان اولادي يحبوه>
ماجي- بهارات<قرفه، بهار مشكل ، بهارحلو ،فلفل اسود ،كركم ،ملح >

الطريقه:
نحط زيت في صينيه ونحط شرايح الباذنجان السميكه وبعدين نقلبها عشان يكون الزيت من الجهتين وبعدين ندخلها الفرن الى ان تحمر من الجهتين بس مو كثير عشان ما تنحرق <لا تسوو زيي>:marsa117[1]:

نجيب القدر الاول ونحط فيه زيت واذا حبيتي ممكن تحمري شوي كزبره وكمون صحيحه بس مدقوقه شوي بمدق الثوم يعطي طعم روعه

وبعدين نضيف البصل ولما يذبل نحط الثوم والزنجبيل ونقلب شوي وبعدين نضيف الدجاج





ونقلبه الين يتحمر شوي ...وبعدين نضيف عصير الطماطم والماجي وجزء من البهارات

ونتركه يتسبك ....



في القدر الثاني نحمر البصل ثم الثوم والزنجبيل ثم الكزبره ...ثم نضيف اللحم المفروم ونحركه حتى ينشف مائه...ثم نضيف له البازيلا..ونقلب ....





نضيف الماجي والقرفه والبهار الحلو والملح والفلفل الاسود ونقلب...ثم نضيف الرز المصري ونقلبه.....ثم الماء المغلي بس مو كثير



بعد ما يستوي الرز والدجاج ....نرص الباذنجان في القدر الثالث...بعد ماندهنه زيت طبعا



ونحط عليه الدجاج ثم الرز ونضغطه بالملعقه بشويش



نحطه على نار واااااااااااااااااااطيه لمدة نص ساعه عشان يمسك مع بعض

بعد مانطفي النار نتركه 10 دقايق وبعدين نقلبه بحرص في طبق كبير مدور





واستمتعي اولا بشكل متماسك رائع كأنها كيكة باذنجان
وثانيا بالذ طعم مقلوبه ممكن تاكليه في حياتك..........والتجربه خير برهان

وبالهناء والعافيه مقدما .....اتمنى يكون عجبكم

[الجوووري]

هلا وغلا


يم يم


لذيذهـ وجنآن


الله يعطيك العافيه يالغلا

[جوااهر]

رووووعه



تسلم ايدينك يا اخت القمر

[*&* جوري *&*]

ماحب الباذنجان بس الشكل النهائي للطبق مغري جداً ..

ألف شكر لك وتسلم يدك على هالطبق

تقبلي خالص تحياتي الجورية ..

[حنين]

شكلها رووووووووعه ويشهي

وشفتها وانا جوعااانه

تسلمين أخت القمر

[دخــــٌيل]

::

المشكلــة إني عزوووبي......!!!

والآهــل مسافريـن وحتى المطبخ ما أدله وبعد هـ الصور رحت فييهــا وحسيت بالجووع صدز .. هههههآآ


شكرآ أخت القمر

::

[سيرين بركات]

شكلها مررررررة روووووووووعة

تسلم ايديك اخت القمر

مشكورة للوصفة الرائعة يا عسل

[أبو رائد]

ماشاء الله عليك

يا أخت القمر


والله يعطيك العافية


على مواضعيك المفيدة

[قصـ ألمـ ـة]

يَمِيْ .. يَمِيْ ..

يِسْلممممٌوٍوٍ الأيَآدِيْ

[أخت القمر]

تسلمو ع المرور