[poem=font=",6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياصاحبي جيتك غلا ... غيم وبروق = جيتك شعر مادام ... لك هاجسي راق
مهرة فكر تلعب على ساق طاروق = سقت الدّها حس وعسفها على ساق
جيتك على وضح النقا جرح مخنوق = تسمع صدى صدره به الهم لاضاق
ياصاحبي لو أبتسم \ داخلي موق = يشعل طرف ضلعٍ \ وسمني بالاعماق
مـــ اشكي انا همومي على كل مخلوق = بعض القرابه خوّة اسما بالاوراق
ولاْاذكر حقرته من لبس ثوب مشقوق = دامه ستر عوره ولاهو بسرّاق
من ذم دنيا قلت \ في يوم وتروق = مهما يطول الليل \ له صبح واشراق
واللي يسّب الوقت والريح \ مطفوق = سبّ الدهر \ ربّه \ بلا دين واخلاق
من غاب فعله غاب \ لو يملك النوق = والقرم فعله لاطرى \ درّت انياق
لو المراجل مالها ساس وعروق = ماقد سمعنا قول \ دساسه الاعراق
ماجيت أدوّر بالنخل تالي عذوق = لو ضلعي المكسور يحرقني احراق
ياصاحبي كلّي عنا والحزن فوق = حزنه \ هموم اجلال وهمومٍ ادقاق
واللي سألني قال وش هو ضنا الشوق؟ = قلت الضنا \ شوقٍ جفا معلن فراق
والبعد؟ قلت زناد بارود وحروق = قال البحر \ قلت الجهل لانوى اغراق
والموت؟ قلت غياب الافعال والذوق = والحيّ؟ قلت الميت والصيت برّاق
والعيب؟ قلت الحق يطْلبْهْ محقوق = والحق واضح مايبي عيون واحداق
قال الشعر؟ \ قلت اجزله طيب منطوق = قال الشعر؟ \ قلت اهزله ينهق انهاق
ياصاحبي لازلت أنا \ غيم وبروق = لو الفضا مايوم يصفى لي وراق
[/poem]
المواضيع المتشابهه
العرض المتطور
