[align=center]للشعر أجر تكفير الخطايا .. أحياناً ..
ولكلماته ثواب .. رغم قسوة لكماته ..
فمثلما يكون العتاب جلاء القلوب ..
يكون الشعر .. أحياناً .. كذلك[/align]
.
.
[align=center]أتشرف بمرور أعينكم الطاهرة هنا ..[/align]
.
.
[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يومي طفل .. كانت توصيني أمي = يا وليدي انحش عن مراح البعارين
ومن يومها ما غير أهوجس .. وأسمي = أخاف من سطوة خباث الشياطين
وكانك تشيل الهم .. ياكبر همي = بس القضية .. ياصديقي وبعدين ؟
النية الشينة تجي بس يمي = والنية الزينة .. نصيب البعيدين
أبك أنت ثابت في شرايين دمي = مهو كلامي .. ذا كلام الشرايين
( برك ) فضا روحي وماردك ( يمي ) = يعني .. ترانا روح .. تمشي بروحين
وأنا كلامي جرح . . وقعه يدمي = وقعه يأثر في جميع الموازين
وغيري كلامه لو غلط .. ما يهمي = نقعد ندوّر له عذر .. مستميتين
وخيري لغيري لو تجرعت سمي = أدري خطا .. بس الخطا جاني منين ؟
كلي غلط .. ماطاي .. راسي .. لكمي = وأنت الصحيح اللي من الزين للزين
لكن تعال أقول لك وأنت عمي = لا تشوفني في عين .. وتغمض بعين
وش فيك جيت تزيد همي وغمي ؟ = وتزيد جرح أخوك .. يا أخوك جرحين
ولوكنت أخوي اللي رضع من حشا أمي = ما كنت أعزك مثل ما أعزك الحين[/poem]
.
.
المواضيع المتشابهه
وفقك الباري 
العرض المتطور
